ꓡꓲ-ꓢꓴ ꓕꓳ ꓶ ꓟꓸ ꓢꓴ ꓟꓸꓒ/ꓟ ꓐꓴ ꓐꓰ ꓫꓸ ꓕꓱ ꓡꓯꓼ_ ꓘꓳ ꓟ=

ꓞꓳ ꓫꓵꓽ ꓕꓲꓽ ꓫꓵꓽ ꓪꓴ ꓡ ꓟꓴ ꓡ ꓠꓸ ꓟ ꓠꓬ ꓕꓳ ꓶ ꓐꓰ ꓡꓲꓽ ꓒꓲꓼ ꓥ ꓡꓳ-ꓸ ꓕꓳ ꓶ ꓟꓶ: ꓡꓲ ꓠꓬ ꓞꓳ ꓫꓵꓽ ꓥ_ꓟꓲ ꓟꓶ ꓡꓲ_ ꓟ ꓡꓲ ꓐꓰ ꓗ ꓡꓳ= ꓖꓳ ꓟ ꓪꓴ ꓠꓬꓲ-ꓸ ꓠꓬꓲꓸ ꓠꓬꓲ ꓡꓲ-ꓢꓴ ꓕꓳ ꓶ ꓟꓸ ꓢꓴ ꓔꓯꓹ ꓬꓲ ꓚꓱ ꓙꓳ ꓙꓳꓼ ꓐꓰ ꓟꓸ ꓐ ꓡ ꓠꓸ ꓟ ꓓꓴ ꓙ ꓢꓲ ꓟꓸ ꓔꓬ ꓟ ꓠꓬꓲ ꓧꓪꓼ ꓐꓯ_ꓟ ꓕꓲꓽ ꓧꓪ ꓥꓳ= ꓢꓳ ꓢꓴ ꓟ-ꓒ/ꓟ ꓐꓴ ꓥ_ꓟꓲ ꓞꓳ-ꓫꓵꓽ ꓟꓽ ꓟꓶ ꓡꓰ ꓠ ꓟꓹ ꓓꓴ ꓙ ꓧꓪꓸ ꓛꓲꓽ ꓢꓲꓼ ꓢꓯꓼ ꓕꓵꓼ ꓔꓬ ꓟ ꓥ ꓡꓳ= ꓣꓳ ꓡꓲ-ꓢꓴ ꓫꓵꓽ ꓤꓼ ꓐꓴ ꓥ_ꓟꓲ ꓚꓲꓸ ꓛꓬ ꓐꓰ ꓚꓲꓸꓛꓬ ꓮ ꓐꓲ ꓮꓸ ꓟꓲꓽ ꓐꓴ ꓔꓯꓹ ꓣꓳ ꓕꓳ ꓶ ꓔꓯꓹ ꓢꓷꓸ ꓐ ꓡ ꓠꓸ ꓟ ꓢꓯꓼ ꓖꓶ ꓧꓳꓽ ꓪꓴꓸ ꓖꓶ ꓓꓴ ꓬꓲ= ꓖꓳ ꓟ ꓠꓬ ꓣꓳ ꓫꓵꓽ ꓔꓯꓼ ꓢꓴ ꓫꓵꓽ ꓡꓰ  ꓠꓬꓲ ꓟꓽ ꓟꓳ ꓟꓽ ꓗꓷ ꓡꓰ ꓠ ꓟꓹ ꓣꓳ ꓚꓲꓸ ꓡꓳ=