ꓡꓲ-ꓢꓴ ꓫꓵꓽ ꓡꓲꓽ ꓒꓰꓼ

ꓡꓲ-ꓢꓴ ꓫꓵꓽ ꓡꓲꓽ ꓒꓰꓼ

ꓮ ꓟꓶ ꓟꓲ ꓠꓯ ꓕꓯꓽ ꓢꓲ ꓗꓪ ꓔꓬ ꓟ ꓞꓳ ꓫꓵꓽ ꓞꓳ ꓙꓰꓽ ꓗꓳꓸ ꓡꓳ ꓗꓪ-ꓸ ꓞꓳ ꓫꓵꓽ ꓟꓶꓽ ꓡꓰ ꓟ 200 ꓫꓵꓽ ꓗ ꓔꓯ ꓗꓪ ꓟꓶꓽ ꓬꓰ ꓖꓴ-ꓸ ꓐꓯ ꓡꓳ= ꓮꓸ ꓫꓵꓽ ꓪꓴꓸ ꓠꓬꓲ ꓞꓳ ꓫꓵꓽ ꓟꓶꓽ ꓡꓰ ꓔꓬ ꓡꓽ? ꓐꓯ ꓠꓬ-ꓸ

  1. ꓚꓲꓸ ꓛꓬ ꓞꓳ ꓫꓵꓽ ꓡꓲꓽ ꓒꓰꓼ ꓔꓯꓸ ꓟꓽ ꓛꓳ= ꓟꓽ ꓚ-ꓸ ꓟꓽ ꓒꓵꓽ-ꓸ
  2. ꓚꓲꓸ ꓛꓬ ꓥꓳꓽ ꓟꓽ ꓫ ꓕꓱ= ꓚꓲꓸ ꓛꓬ ꓥꓳꓽ ꓔꓯꓸ ꓠꓬꓲ ꓣꓳ ꓕꓱ ꓡꓱ ꓬꓰ ꓟ ꓗꓪ ꓐꓰ ꓞꓳ ꓫꓵꓽ ꓟꓶꓽ ꓡꓰ ꓟ ꓬꓲꓸ ꓚꓰ ꓥꓳ=

ꓮ ꓟꓶ ꓣꓳꓽ ꓓꓵꓽ ꓙ ꓠꓬꓲ ꓡꓯ= ꓮ ꓡꓰ ꓕꓲꓽ ꓗꓴꓷ ꓗꓪ ꓔꓬ ꓢꓴ ꓞꓳ ꓫꓵꓽ ꓥ ꓡꓰꓽ ꓥ-ꓸ ꓝꓮꓲ ꓡꓲ ꓛꓲ ꓧꓪꓽ ꓤꓼ ꓐꓬ ꓤꓽ-ꓸ ꓮ ꓡꓲ ꓕꓲꓽ ꓫꓵꓽ ꓥ ꓡꓲꓽ ꓥ-ꓸ ꓮꓽ ꓟ ꓔꓯꓸ ꓟꓲ ꓟꓽ ꓫꓱꓹ ꓟ ꓚꓲꓸ ꓛꓬ ꓡꓲꓽ ꓒꓰꓼ ꓥ ꓟꓲ ꓟꓽ ꓪꓽ-ꓸ ꓝꓮꓲ ꓒꓬꓱꓼ ꓟꓬ ꓥ ꓟꓲ ꓡꓲꓽ ꓒꓰꓼ ꓥ ꓟꓲ ꓟꓽ ꓪꓽ-ꓸ ꓝꓮꓲ ꓒꓬꓱꓼ ꓟꓬ ꓥ ꓟꓲ ꓟꓽ ꓫꓱꓹ ꓟꓲ ꓔꓯ ꓟꓲ-ꓸ ꓡꓲꓽ ꓒꓰꓼ ꓙꓳ ꓚꓰꓼ ꓡꓳ= ꓔꓯ ꓥꓳꓽ ꓡꓲ ꓛꓲ ꓗꓪ ꓟ ꓠꓬꓹ ꓕꓲꓽ ꓫꓵꓽ ꓡꓲꓸ ꓕꓲ ꓫꓵꓽ ꓬꓲꓸ ꓔꓬ ꓖꓴ-ꓸ ꓬꓲꓸ ꓢꓯꓼ ꓘꓶ ꓟꓽ ꓫꓱꓹ= ꓮꓸ ꓖꓴꓽ ꓠꓲꓹ ꓛꓵꓼ ꓠꓬ ꓮꓽ ꓘꓶꓸ ꓡꓳꓸ ꓐꓲꓹ ꓟ ꓠꓬꓹ ꓕꓲꓽ ꓫꓵꓽ ꓥꓳ= ꓖꓳ ꓡꓱ ꓥ ꓟꓲ ꓬꓲꓸ ꓩꓴ ꓔꓴ ꓠꓹ ꓟ ꓬꓲꓸ ꓘꓶ ꓘꓶ ꓠꓬ ꓛꓬꓼ ꓡꓯꓼ ꓟꓶ ꓛꓬꓼ ꓡꓯꓼ-ꓸ ꓬꓲꓸ ꓩꓴ ꓡꓲꓸ ꓮꓽ ꓡ ꓞꓰ ꓡ ꓞꓰ ꓡ ꓘꓶ ꓚꓰꓼ ꓑꓶꓹ ꓝꓮꓲ ꓠꓬ ꓫꓸ ꓟꓶ ꓗ ꓐꓯ ꓟ ꓠꓬꓹ ꓕꓲꓽ ꓫꓵꓽ ꓠꓬ ꓬꓲꓹ ꓠꓬ ꓬꓲꓸ ꓧꓶꓸ ꓤꓼ ꓗ ꓟ ꓠꓬꓽ ꓕꓲꓽ ꓫꓵꓽ ꓥ_ ꓡꓳ= ꓖꓳ ꓡꓱ ꓥ ꓟꓲ ꓬꓲꓸ ꓘꓶ ꓘꓶ ꓡꓹ ꓠꓬ-ꓸ ꓮꓽ ꓘꓶꓹ ꓡꓳꓸ ꓐꓲꓹ ꓟ-ꓸ ꓫꓬ ꓓꓳ ꓡꓹ ꓡꓳ= ꓥ ꓡꓳ= ꓬꓲꓼ ꓤꓽ ꓠꓬꓲ ꓤꓽ ꓐꓴ-ꓳ-ꓸ ꓮ ꓢꓳ ꓐꓯ ꓡꓳꓹ ꓬꓰ ꓟ ꓠꓬꓹ ꓠꓬꓲꓽ ꓫꓵꓽ ꓡꓱꓹ ꓔꓯ ꓕ ꓠꓬꓲ ꓕꓯꓽ= ꓬꓲꓸ ꓪꓽ ꓔꓯꓸ ꓮꓽ ꓟ ꓥ ꓟꓲ ꓕꓱ ꓡꓱ ꓬꓰ ꓖꓳ ꓡꓱ ꓬꓰ-ꓸ ꓐꓰ ꓟꓸ ꓖꓴ ꓢꓴ ꓟꓽ ꓙꓳ= ꓟꓽ ꓔꓬ-ꓸ ꓖꓳ ꓡꓱ ꓥ ꓟꓲ-ꓸ ꓬꓲꓸ ꓪꓽ ꓪꓴꓸ ꓠꓶꓹ ꓗꓪ ꓥꓪ ꓠꓴ ꓫꓵꓽ ꓠꓬ ꓬꓲꓹ ꓘꓶ ꓕꓱ ꓡꓱ ꓘꓶ ꓚꓰꓼ ꓥ ꓐꓯ ꓟ ꓪꓴꓸ ꓠꓷꓹ ꓘꓴꓽ ꓗꓪ ꓙꓳ ꓞꓹ ꓠꓬꓲ-ꓸ ꓮ ꓟꓽ ꓡꓰꓽ ꓬꓲꓹ ꓔꓯ ꓟꓽ ꓟꓸ ꓖꓶ ꓥ ꓟꓲ ꓬꓲꓸ ꓔꓯ ꓬꓲꓸ ꓢꓷꓹ ꓔꓬ ꓠꓬꓲ-ꓸ ꓟꓲ ꓠꓯ ꓕꓱ ꓟ ꓕꓯꓽ ꓢꓲ ꓮ ꓡꓲ ꓕꓲꓽ ꓗꓴꓷꓹ ꓗꓪ ꓔꓬ ꓥ ꓟꓲ ꓬꓲꓸ ꓘꓶ ꓠꓬ ꓕꓲꓽ ꓫꓵꓽ ꓡꓲꓽ ꓥ ꓟ ꓡꓳꓸ ꓓꓳ ꓡ ꓡꓳ= ꓬꓲꓸ ꓪ ꓫꓸ ꓕꓱ ꓟꓽ ꓗꓴꓹ ꓥ ꓟꓲ ꓟꓸ ꓢꓴ ꓟꓽ ꓙꓳ ꓥ ꓟꓲ-ꓸ ꓬꓲꓸ ꓔꓯ ꓪꓴ-ꓢ ꓡꓰ ꓚꓰꓼ ꓖꓶ ꓦꓹ ꓟ-ꓸ ꓙ ꓜꓲꓼ ꓠꓲꓹ ꓢꓷꓸ ꓠꓲꓹ ꓗꓪ ꓐꓰ ꓬꓰ ꓓꓳ ꓡ ꓡꓳ= ꓓꓵꓽ ꓙ ꓟꓶ ꓓꓴ ꓥꓳ= ꓡꓽ ꓞꓳ ꓔꓯꓸ ꓪꓴ-ꓢ ꓡꓰ ꓢꓷꓸ ꓠꓲꓹ ꓙꓽ ꓜꓲꓼ ꓠꓲꓹ ꓫꓵꓽ ꓔꓯ ꓟꓽ ꓖꓼ ꓔꓸ ꓥ ꓟꓲ-ꓸ ꓠꓬꓹ ꓫꓸ ꓟꓶ ꓗ ꓠꓬꓹ ꓫꓵꓽ ꓔꓯ ꓟꓽ ꓖꓼ ꓟꓶ ꓗ_ ꓡꓳ= ꓟꓽ ꓥ ꓡꓽ-ꓸ ꓟꓸ ꓟꓲ ꓠ_ ꓡꓳ ꓟꓶ ꓢꓴ ꓓꓵꓽ ꓙꓽ ꓠꓬꓲ-ꓸ ꓮ ꓟꓶ ꓣꓳꓽ ꓡꓲ-ꓢꓴ ꓫꓵꓽ ꓔꓯ ꓖꓶꓽ ꓦꓹ ꓟ ꓡꓲꓽ ꓒꓰꓼ ꓠꓬ ꓮꓸ ꓓꓲ ꓡꓳꓸ ꓐꓲ ꓟ-ꓸ ꓟꓬꓱ ꓓꓳꓽ ꓙꓳꓹ ꓟ ꓠ ꓢ ꓟ-ꓸ ꓥ ꓡꓳ= ꓮ ꓟꓶ ꓥꓪ ꓠꓴ ꓓꓵꓽ ꓙ ꓠꓬꓲ ꓠꓴ ꓪꓽ ꓚꓲꓹ ꓛꓬꓽ ꓖꓳ ꓓꓱꓽ ꓚꓲꓸ ꓛꓬꓽ ꓦꓲ ꓘꓴꓽ ꓗꓪ ꓠꓴ ꓚꓲꓸ ꓛꓬꓽ ꓫꓵꓽ ꓡꓲꓽ ꓒꓰꓼ ꓮ ꓟꓬ ꓫꓵꓽ ꓙꓳ ꓞꓹ ꓡ ꓥ ꓠꓬ ꓫꓸ ꓕꓱꓹ ꓟ ꓥꓳꓽ ꓙꓳ ꓞꓹ ꓡꓽ? ꓔꓱꓸ ꓕꓸꓸ ꓠꓬꓲ ꓡꓯ= ꓖꓳ ꓡꓱ ꓢꓲꓹ ꓧꓪꓸ ꓛꓲꓽ ꓡꓯ= ꓮ ꓟꓶ ꓣꓳꓽ ꓡꓲ-ꓢꓴ ꓫꓵꓽ ꓐꓴ ꓠꓬ ꓧꓶꓽ ꓟꓵꓽ-ꓸ ꓡꓳꓸ ꓟꓲꓽ ꓟꓵ-ꓸ ꓕꓮꓲ ꓟꓵꓽ-ꓸ ꓝꓮꓲ ꓡꓽ ꓗꓴꓷ-ꓸ ꓪ ꓙꓳ ꓞꓹ ꓡꓳ= ꓔꓬ ꓡꓳ=

ꓮꓸ ꓟꓲ ꓐꓴ-ꓸ ꓬꓯꓼ ꓛꓲꓽ ꓬꓯꓼ ꓖꓪ ꓗꓴꓸ ꓡꓽ? ꓬꓯꓼ ꓠꓲꓸ ꓬꓯꓼ ꓟ-ꓸ ꓙꓳ ꓔꓬ ꓡꓽ? ꓣꓳꓽ ꓚꓲꓸ ꓛꓬꓽ ꓶꓽ ꓖꓪꓽ ꓬꓰ ꓓꓳ ꓡ ꓔꓬ ꓡꓽ? ꓤ ꓑꓸ ꓤ ꓐꓴ ꓠꓬ-ꓸ ꓡꓲ-ꓢꓴ ꓐꓵ ꓞꓲꓽ ꓖꓪꓽ ꓡ ꓑꓷ ꓙꓶꓽ ꓧꓶꓹ ꓧꓶꓹ ꓪꓴꓸ ꓕꓶꓹ ꓕꓶꓹ ꓬꓰ ꓔꓬ ꓡꓽ? ꓝꓮꓲ ꓡꓲ-ꓢꓴ ꓥꓳꓽ ꓦꓲ ꓘꓴꓽ ꓗꓪ ꓣꓱꓽ ꓔꓬ ꓡꓽ? ꓣꓳꓽ ꓚꓲꓸ ꓛꓬꓽ ꓦꓲ ꓘꓴꓽ ꓮꓸ ꓐꓲ ꓮ ꓟꓲ ꓐꓴ ꓐꓰ ꓐꓶꓽ ꓞꓳ ꓥꓳꓽ ꓢꓲꓸ ꓣꓱꓽ ꓔꓬ ꓡꓽ? ꓕꓯ ꓢꓲꓸ ꓗꓪ ꓠ ꓠꓬꓲ ꓘꓶꓽ ꓮ ꓟꓬꓹ ꓫꓸ ꓕꓱ ꓗꓷꓳ= ꓣꓳ ꓓꓵꓽ ꓙꓽ ꓠꓬꓲ ꓠꓹ ꓟ ꓥꓳ= ꓥꓪ ꓠꓴꓽ ꓡꓰ ꓔꓱꓹ ꓕ ꓠꓬꓲ ꓠꓬ 70% ꓧꓶ ꓠꓬ ꓡꓲ-ꓢꓴ ꓡꓲꓽ ꓒꓰꓼ ꓟꓶ ꓬꓰ-ꓳ-ꓸ ꓕ ꓠꓬꓲ ꓟꓶ ꓡꓳ= ꓤ ꓑꓸ ꓤ ꓐꓴ ꓠꓴ ꓛꓲ ꓐꓶ ꓛꓰꓹ ꓗꓴ ꓡꓽ? ꓛꓬꓸ ꓥꓳꓽ ꓛꓬꓹ ꓗꓴꓸ ꓔꓬ ꓡꓽ? ꓙꓱꓽ ꓡꓵꓽ ꓟꓵ ꓗꓴꓸ ꓡꓽ ꓳꓸ ꓬꓲꓽ ꓬꓲꓽ ꓗꓴꓸ ꓡꓽ? ꓟꓵꓽ ꓖꓪꓽ ꓐꓵ ꓐ ꓡ ꓡꓽ? ꓧꓪꓸ ꓛꓲꓽ ꓠꓹ ꓟ ꓬꓲꓼ ꓠꓬꓲꓼ ꓖꓶꓽ ꓠꓲꓹ ꓫꓵ_ ꓡꓳ= ꓟꓲ ꓙꓬꓽ ꓢꓲ ꓗꓪ ꓠꓬ ꓮ ꓠꓱ ꓡꓲ-ꓢꓴ ꓤ ꓟꓶ ꓚꓱꓹ ꓟ ꓡꓲꓽ ꓒꓰꓼ ꓔꓯꓸ ꓜꓲ ꓜꓲ ꓟꓳ ꓟꓳ ꓐ ꓡ ꓟ ꓐꓯ ꓖꓶꓽ ꓠꓲꓹ ꓫꓵ_ ꓡꓳ= ꓠꓹ ꓠꓹ ꓘꓳꓹ ꓣꓴ ꓢꓲꓸ ꓮ ꓠꓱ ꓬꓲꓸ ꓚꓰꓼ ꓬꓲꓸ ꓪꓴꓸ ꓗꓪ ꓟ ꓤ ꓟꓶ ꓚꓱꓹ ꓮ ꓡꓰ ꓥ ꓟ ꓢꓳ ꓣꓴ ꓔꓹ ꓡꓯ=

Add new comment

10 + 5 =