ꓓꓳꓽ

1 ꓔꓲꓸꓸ ꓒꓽ ꓪꓸ ꓔꓲ ꓝꓣꓮꓠꓚꓲꓢ ꓠꓬꓹ ꓐꓶ ꓓꓳ ꓔꓲ-ꓟꓳ ꓗꓪ ꓡ ꓓꓴ ꓥꓳ ꓐꓰ Vatican ꓓꓳꓽ ꓗꓪ ꓐꓯ ꓔ ꓟ ꓓꓳꓽ

ꓔꓲꓸꓸ ꓒ ꓪꓸ ꓔꓲ ꓝꓣꓮꓠꓚꓲꓢ ꓠꓬ ꓐꓶ ꓓꓳ ꓔꓲ-ꓟꓳ ꓗꓪ 2022 ꓘꓳꓼ ꓕꓯ ꓡ ꓓꓴ ꓥꓳ꓾ ꓐꓰ Vatican ꓓꓳꓽ ꓗꓪ ꓐꓯ ꓔ ꓡꓳ= ꓐꓶ ꓓꓳ ꓔꓲ-ꓟꓳ ꓔꓲꓺ ꓒ ꓓꓽ Sprizzi ꓠꓬ 3 ꓦ 1 ꓠꓬꓲ ꓕꓯ ꓐꓯ ꓟ ꓥ ꓡꓳ=  ꓮ ꓠꓬꓲꓹ 2021 ꓘꓳꓼ ꓕꓯ ꓡ ꓠꓹ ꓟ ꓙ ꓖꓶ ꓔ ꓥ ꓟꓲ ꓚꓳꓦꓲꓓ -19 ꓠꓻ ꓫꓵꓽ ꓑꓶ ꓓꓴ ꓙꓰ ꓟꓽ ꓪ ꓡꓰ ꓟ ꓥˍ ꓡꓳ= ꓔꓲꓸꓸ ꓒꓽ ꓪ ꓔꓲ ꓝꓣꓮꓠꓚꓲꓢ ꓡ ꓠꓹ ꓟ ꓠꓬ ꓚꓬˍ ꓡꓳ= ꓥꓪ ꓥˍ ꓟꓲ ꓔꓲꓸꓸ ꓒ ꓪ ꓔꓲ ꓝꓣꓮꓠꓚꓲꓢ ꓔꓯ ꓟꓳ ꓪ ꓡꓰꓳ꓾ ꓐꓰ ꓔꓲꓺ ꓒ ꓪ ꓔꓲ ꓬꓲ ꓛꓲ Fr. Francisco ꓡꓰ ꓐꓯ ꓡꓳ= ꓔꓲꓸꓸ ꓒꓽ ꓪꓸ ꓔꓲ ꓝꓣꓮꓠꓚꓲꓢ  ꓠꓲꓹ ꓟ ꓠꓬ ꓐꓶ ꓓꓳ ꓔꓲ-ꓟꓳ ꓐꓰ ꓕꓲ ꓪ ꓔꓬ  ꓡꓳ ꓐꓰ ꓔꓲꓸꓸ ꓒꓽ ꓪꓸ ꓔꓲ ꓬꓲ ꓛꓲ ꓡꓰ ꓐꓯ ꓡꓳ= ꓐꓶ ꓓꓳ ꓔꓲꓸ ꓟꓳ ꓠꓬ ꓗ-ꓔꓳ-ꓡꓲꓗ ꓢꓲꓺ ꓤ ꓐꓴ ꓠꓬ 97ꓸ6% ꓙꓳˍ ꓟ ꓥ ꓢꓲ-ꓸ Vatican ꓗ ꓠꓯꓸ ꓠꓬ ꓗ-ꓔꓳ-ꓡꓲꓗ ꓘꓴ ꓜꓲ ꓞꓳ ꓢꓲꓺ ꓤ ꓮ ꓟꓬꓹ ꓔꓬ ꓟ ꓗꓴꓷꓼ ꓥ ꓡꓳ꓾ ꓐꓰ ꓢꓷ ꓪ ꓡꓳ=

2 ꓕꓲ ꓟꓲ ꓠꓯ ꓡꓱꓸꓼ ꓗꓪ ꓚꓳꓦꓲꓓ-19 ꓑꓶꓸ ꓓꓴ ꓫꓵꓻ ꓢꓴ 60 ꓫꓬꓹ ꓟꓽ ꓞꓲꓺ ꓙꓳ ꓡꓰ ꓟ ꓓꓳꓽ

      ꓚꓳꓦꓲꓓ-19 ꓠꓻ ꓐꓶꓽ  ꓓꓲꓻ ꓑꓶꓸ ꓓꓴ ꓫꓵꓻ ꓢꓴ 60 ꓫꓬꓹ ꓟꓽ ꓞꓲꓺ ꓙꓳ ꓡꓰ ꓐꓰ  ꓚꓳꓦꓲꓓ ꓠꓹ ꓐꓶꓼ ꓓꓲꓻ ꓐꓰ ꓗꓴꓸ ꓙꓲ ꓙꓳ ꓢꓲ ꓧꓪ ꓟꓰꓹ ꓠꓬꓲ ꓔꓬ ꓟ Johns Hopkins ꓟꓴ ꓕꓲꓸ ꓦꓲ ꓗꓪ ꓐꓰ ꓐꓯ ꓑꓶ ꓔ ꓡꓳ= 

ꓑ ꓫꓬ ꓐꓴ ꓠꓬ ꓟꓷ ꓠꓷꓹ ꓟꓽ ꓕ ꓙ ꓖꓴ ꓙꓰˍ ꓟ ꓑꓶꓸ  ꓓꓴ ꓠꓻ ꓓꓴ ꓕꓱ ꓟ ꓠꓬ ꓮ ꓘꓶꓸ ꓟꓬꓽ ꓡ ꓔꓬ ꓟ ꓪꓴꓸ ꓠꓬꓲ ꓫꓵꓻ ꓢꓴ ꓥ ꓟꓲ ꓮ ꓟꓬꓹ ꓙꓳ ꓡ ꓟ ꓥ ꓡꓳ= ꓐꓰ ꓐꓯ ꓡꓳ=

ꓕꓱ ꓟ ꓘꓴꓽ ꓗꓪ ꓚꓳꓦꓲꓓ ꓠꓻ ꓫꓵꓽ ꓠꓻ ꓢꓴ ꓟꓬꓽˍ ꓟ ꓠꓬ Africa ꓗꓴꓷꓼ ꓥ ꓢꓲ ꓚꓳꓦꓲꓓ ꓬꓲ ꓪꓴꓸ ꓠꓻ ꓡꓹ ꓟ ꓗꓪ ꓐꓰ ꓚꓳꓦꓲꓓ -19 ꓠꓻ ꓢꓴ ꓠꓬ 35 ꓫꓬꓹ ꓙꓳ ꓢꓲ-ꓸ ꓫꓵꓸꓹ ꓢꓴ ꓠꓬ 1 ꓫꓬꓹ ꓗꓪ ꓛꓲ ꓙꓳˍ ꓡꓳ꓾ ꓐꓰ ꓢꓷ ꓪ ꓡꓳ=  

 

Add new comment

5 + 2 =