ꓔꓲꓸꓸ ꓒꓽ ꓓ (Cardinal) Charles Bo ꓐꓰ ꓔꓲꓸꓸ ꓒꓽ ꓓ (Cardinal) Tagle ꓐꓴ Rohingya ꓫꓸ ꓙꓵꓸꓸ ꓢꓴ ꓔꓬꓹ ꓟ ꓔꓶꓸ ꓗꓪ ꓚꓳꓸꓹ ꓙꓰˍ ꓟ=

ꓔꓲꓸꓸ ꓒꓽ ꓓ (Cardinal) Charles Bo ꓐꓰ ꓔꓲꓸꓸ ꓒꓽ ꓓ (Cardinal) Tagle ꓐꓴ  Rohingya ꓫꓸ ꓙꓵꓸꓸ ꓢꓴ ꓔꓬꓹ ꓟ ꓔꓶꓸ ꓗꓪ ꓚꓳꓸꓹ ꓙꓰˍ ꓟ=

7 ꓦꓸꓹ 31꓾2019

ꓗꓴꓷꓼ 165 ꓗꓴꓷꓼ ꓗꓪ ꓟ ꓗ-ꓔꓳ-ꓡꓲꓗ Caritas ꓬꓰ ꓙ ꓔꓳꓹ ꓙ ꓜꓴꓸꓹ ꓗꓪ ꓙꓵꓽ ꓢꓴ Philippine ꓗꓴꓷꓼ ꓔꓲꓸꓸ ꓒꓽ ꓓ (Cardinal) Tagle ꓐꓰ ꓮꓢꓲꓮ ꓔꓲꓸꓸ ꓒ ꓓꓽ ꓜꓴꓸꓹ ꓗꓪ ꓟ ꓙꓵꓽ ꓢꓴ ꓔꓲꓸꓸ ꓒ ꓓ  (Cardinal) Charles Bo ꓐꓴ Bangladesh ꓗꓴꓷꓼ Cox’s Bazar ꓗꓪ ꓟ Rohingya ꓫꓸ ꓙꓵꓸꓸ ꓢꓴ ꓔꓬꓹ ꓟ ꓔꓶꓸ ꓗꓪ 2 ꓠꓬꓲꓸꓸ ꓚꓳꓸꓹ ꓙꓰ ꓗꓷꓳ=

Cox’s Bazar ꓗꓪ  ꓟ Rohingya ꓫꓸ ꓙꓵꓸꓸ ꓢꓴ ꓔꓬꓹ ꓟ ꓔꓶꓸ  30 ꓟ ꓔꓯ ꓠꓬꓲ ꓡꓳꓸ ꓗꓪꓼ ꓫꓵꓼ ꓢꓯꓼ ꓖꓶꓽ ꓢꓴ ꓗꓴꓷꓼ ꓔꓯ ꓙꓵꓽ ꓢꓴ Muhammad Abul Kalam ꓐꓰ ꓜꓲꓼ ꓡꓯ ꓘꓳ ꓢꓲ꓾ Bangladesh ꓗꓴꓷꓼ ꓗꓪ ꓟ ꓗ-ꓔꓳ-ꓡꓲꓗ ꓔꓲꓸꓸ ꓒꓽ ꓓ ꓜꓴꓸꓹ ꓔꓯ ꓙꓵꓽ ꓢꓴ Cardinal Patrick D’Rozario ꓾ Bangladesh ꓔꓲꓸꓸ ꓒꓽ ꓓ ꓐꓴ ꓐꓰ ꓕꓲꓽ ꓪꓸꓸꓽ ꓫꓸ ꓙꓵꓸꓸ ꓢꓴ ꓔꓬꓹ ꓟ ꓔꓶꓸ ꓗꓪ ꓚꓳꓸꓹ ꓙꓰ ꓗꓷ ꓟ ꓥꓳ=

ꓮ ꓟꓶ ꓟ ꓡꓰ ꓐꓰ ꓣꓳꓸ ꓚꓲˍ ꓟ ꓗ-ꓔꓳ-ꓡꓲꓗ ꓔꓲꓸꓸ ꓒꓽ ꓓ Cardinal  2 ꓣꓳ  ꓡ ꓢꓲ ꓚꓳꓸꓹ ꓖꓶꓽ ꓡˍ ꓟ ꓪꓴꓸ ꓠꓬꓲ ꓠꓲꓹ ꓒꓴꓹ ꓟ ꓾ ꓕꓰ ꓕꓲꓽ ꓑꓹ ꓗꓪ ꓒꓬꓱꓼ ꓔꓬꓹ ꓟ ꓫꓵꓽ ꓪꓴꓽ ꓔꓯ ꓐꓯ ꓟꓳꓸ ꓖꓶꓽ ꓪꓸ ꓟ꓾ ꓡꓯꓼ ꓫꓵꓸꓹ ꓬꓰ ꓙ ꓔꓳꓹ ꓙ ꓠꓹ ꓟ ꓔꓯ ꓟꓲ ꓓꓰꓽ ꓟꓶˍ ꓟ꓾ ꓮ ꓟꓶ ꓟ ꓡꓰ ꓐꓰ ꓟꓶꓽ ꓦꓸꓹ ꓦꓸꓹ ꓝꓲ ꓗꓪ ꓫꓸ ꓙꓵꓸꓸ ꓢꓴ 4 ꓫꓬꓹ ꓟꓽ ꓛꓲ ꓔꓬꓹ ꓟ ꓔꓶꓸ (4) ꓐꓰ ꓔꓶꓸ (17) ꓗꓪ ꓬꓲꓸ ꓘꓶꓽ ꓬꓲꓸ ꓙꓵꓸꓸ ꓟꓽ ꓢꓲꓽ ꓫꓬꓸꓹ ꓟ ꓐꓰ ꓠꓸꓹ ꓒꓬꓽ ꓔꓳꓹ ꓜꓳꓽ ꓓꓴ ꓙꓳ ꓔꓬꓹ ꓟ ꓔꓯ ꓐꓯ ꓟꓸ ꓖꓶꓽ ꓗꓷ ꓟ ꓔꓯ Abul Kalam ꓡꓰ ꓴꓚꓮꓠꓰꓪꓢ ꓗꓪ ꓐꓯ ꓟꓸ ꓖꓶꓽˍ ꓟ ꓥ ꓡꓳ=

ꓴꓚꓮꓠꓰꓪꓢ ꓗꓪ ꓟ ꓓꓳꓽ ꓔꓯ Vatican ꓓꓳꓽ ꓦꓸꓹ ꓖꓴ ꓗꓪ ꓐꓰ ꓟꓸ ꓖꓶꓽ ꓔ ꓟ ꓥꓳ=

http://bit.ly/2MwL8ZJ