ꓔꓲꓺ ꓒꓽ ꓪꓺ ꓔꓲꓸ (7) ꓣꓳ ꓗꓪ ꓛꓲ ꓣꓱꓽ ꓙ ꓗꓷ ꓟ ꓬꓲꓸ ꓞꓲꓼ ꓪꓴꓽ ꓓꓰ ꓢꓴ Cardinal ꓧꓪꓽ ꓖꓳ ꓓꓱꓽ ꓛꓷꓠ ꓡꓰ ꓢꓲ ꓫꓵꓺˍ ꓟ=

ꓔꓲꓺ ꓒꓽ ꓪꓺ ꓔꓲꓸ (7) ꓣꓳ ꓗꓪ ꓛꓲ ꓣꓱꓽ ꓙ ꓗꓷ ꓟ ꓬꓲꓸ ꓞꓲꓼ ꓪꓴꓽ ꓓꓰ ꓢꓴ Cardinal ꓧꓪꓽ ꓖꓳ ꓓꓱꓽ ꓛꓷꓠ ꓡꓰ ꓢꓲ ꓫꓵꓺˍ ꓟ=

9 ꓦꓻ ꓟ 4 ꓠꓬꓲ꓾ 2019

Colombia ꓗꓴꓷ ꓗꓪ ꓟ ꓔꓲꓺ ꓒꓽ ꓓꓽ Cardinal Jose de Jesus Pimiento Rodriguez (ꓬꓲꓸ ꓞꓲꓼ 100 ꓘꓳꓼ) ꓠꓬ 9 ꓦꓻ ꓟ 3 ꓠꓬꓲ ꓕꓯ ꓧꓪꓽ ꓖꓳ ꓓꓱꓽ ꓛꓷꓠꓸ ꓡꓰ ꓢꓲ ꓫꓵꓺ ꓗꓷꓳ=ꓬꓲꓸ ꓡꓳꓹ ꓬꓰˍ ꓟ ꓦꓬꓼ ꓠꓬꓲ ꓔꓯ ꓔꓲꓺ ꓒꓽ ꓐꓴ ꓪꓽ ꓘꓴˍ ꓟ ꓘꓴ-ꓜꓲ-ꓞꓳ ꓦꓲꓻ ꓗꓪ ꓔꓬꓹ ꓗꓷ ꓟ ꓥꓳ=

ꓔꓲꓺ ꓒꓽ ꓓꓽ ꓠꓬ Cardinal ꓮꓽ ꓙꓵꓽ ꓘꓴꓽ ꓠꓯꓸꓼ ꓗꓪ ꓬꓲꓸ ꓞꓲꓼ ꓪꓴꓽ ꓢꓴ ꓕꓲꓽ ꓣꓳ ꓥ ꓢꓲ꓾ ꓔꓲꓺ ꓒꓽ ꓪꓺ ꓔꓲꓸ (7) ꓣꓳ ꓗꓪ ꓛꓲ ꓣꓱꓽ ꓙ ꓗꓷ ꓟ ꓞꓲꓼ ꓪꓴꓽ ꓓꓰ ꓡꓰˍ ꓟ Cardinal ꓕꓲꓽ ꓣꓳ ꓥ ꓡꓳ=

Cardinal ꓫꓵꓺ ꓗꓷ ꓟ ꓪꓴꓸ ꓠꓬꓲ Colombia ꓗ-ꓔꓳ-ꓡꓲ ꓔꓲꓺ ꓒꓽ ꓓꓽ ꓜꓴꓻ ꓐꓴ ꓗꓪ ꓐꓰ ꓠꓲꓹ ꓟ ꓫꓸ ꓟ꓾ ꓘꓴ-ꓜꓲ-ꓞꓳ ꓕꓯꓽ ꓢꓲ ꓗꓪ ꓙ ꓣꓳ ꓠꓲꓹ ꓐꓰ ꓣꓱꓽ ꓙ ꓗꓷ ꓟ꓾ ꓬꓲꓸ ꓦꓬꓼ ꓠꓬꓲ ꓟꓶ ꓫꓵꓺˍ ꓟ ꓪꓴ-ꓢ ꓟꓬꓱꓽ ꓟꓯꓻ ꓤꓶꓻ ꓗꓪ ꓙꓲꓻ ꓙꓲꓻ ꓡꓰꓽ ꓣꓱꓽ ꓙˍ ꓟ꓾ꓔꓱ ꓚꓵˍ ꓟ ꓗ ꓠꓯꓸ ꓛꓳ ꓢꓴ ꓕꓲꓽ ꓣꓳ ꓥ ꓟ꓾ ꓗꓴꓷꓼ ꓙꓲꓻ ꓖꓴ꓾ ꓮꓽ ꓟꓬꓹ ꓙꓲꓻ ꓖꓴ ꓔꓯ ꓡꓯꓼ ꓕꓲꓺ ꓬꓰ ꓗꓷ ꓟ ꓐꓱ ꓶꓼ ꓫꓸ ꓟꓳˍ ꓟ ꓔꓯ ꓟꓸ ꓖꓶꓽ ꓗꓷꓳ=

ꓮ ꓟꓶ ꓘꓴ-ꓜꓲ-ꓞꓳ ꓗꓪ Cardinal  214 ꓣꓳ ꓙꓳ ꓢꓲ꓾ ꓖꓳ ꓟ ꓠꓯꓸꓼ ꓗꓪ 118 ꓣꓳ ꓡꓰꓽ ꓔꓲꓺ ꓒꓽ ꓪꓺ ꓔꓲꓸ ꓢꓲꓺ ꓣꓴꓺˍ ꓟ ꓜꓴꓻ ꓗꓪ ꓐꓹ ꓢꓲ꓾ 96 ꓣꓳ ꓟ ꓠꓬ ꓬꓲꓸ ꓞꓲꓼ ꓪꓴꓽ ꓓꓰˍ ꓟ ꓪꓴꓸ ꓠꓬꓲ ꓢꓲꓺ ꓣꓴꓺ ꓟꓶˍ ꓟ ꓜꓴꓻ ꓗꓪ ꓟꓽ ꓐꓻ=

Credit to Vatican News

https://bit.ly/2lUAr85