ꓔꓲꓺ ꓒꓽ ꓪ ꓔꓲ Francis ꓡꓰ ꓞꓳ ꓫꓵꓼ ꓤ ꓬꓰ-ꓢꓴ ꓐꓬꓱꓽ ꓔꓯ ꓶꓼ ꓥꓳꓽ ꓙꓱꓽ ꓖꓶꓽˍ ꓟ꓾

ꓔꓲꓺ ꓒꓽ ꓪ ꓔꓲ Francis ꓡꓰ ꓞꓳ ꓫꓵꓼ ꓤ ꓬꓰ-ꓢꓴ ꓐꓬꓱꓽ ꓔꓯ ꓶꓼ ꓥꓳꓽ ꓙꓱꓽ ꓖꓶꓽˍ ꓟ꓾

15ꓸ12ꓸ2019

ꓢꓲꓺ ꓒ ꓬꓰ-ꓢꓴ ꓛꓲꓺ ꓡˍ ꓟ ꓔꓯ ꓥꓳ ꓡꓳꓸ ꓔꓬꓹ ꓟ ꓦꓬꓼ ꓠꓬꓲ(Advents) 3 ꓠꓽ ꓕꓲꓽ ꓠꓽ ꓟ ꓠ-ꓦꓬ-ꓠꓬꓲ ꓕꓯ ꓔꓲꓺ ꓒ ꓪ ꓔꓲ Francis ꓡꓰ ꓞꓳ ꓫꓵꓼ ꓤ ꓬꓰ-ꓢꓴ ꓐꓬꓱꓽ ꓔꓯ ꓶꓼ ꓥꓳꓽ ꓙꓱꓽ ꓖꓶꓽ ꓗꓷꓳ=ꓞꓳ ꓫꓵꓼ ꓤ ꓬꓰ-ꓢꓴ ꓐꓬꓱꓽ ꓔꓯ ꓙꓲꓻ ꓫꓬ ꓢꓴ ꓒꓲ-ꓕꓱ ꓑꓹ ꓗꓪ ꓤ ꓠꓱ ꓤ ꓐꓴ ꓡꓰ ꓣꓴ ꓔꓯˍ ꓖꓶꓽ ꓗꓷ ꓢꓲ꓾ ꓔꓲꓺ ꓒ ꓪ ꓔꓲ ꓗꓪ ꓐꓰ ꓶꓼ ꓥꓳꓽ ꓙꓱꓽ ꓖꓶꓽˍ ꓟ ꓡꓲꓽ ꓒꓰ ꓔꓯ ꓠꓬ꓾ ꓮꓽ ꓠꓱ ꓟ 50 ꓘꓳꓼ ꓕꓯ꓾ 6 ꓣꓳ ꓕꓲꓽ ꓣꓳ ꓟ ꓔꓲꓺ ꓒ ꓪꓺ ꓔꓲ Paul ꓗꓪ ꓐꓰ ꓪꓴꓸ ꓔꓴꓺ ꓗꓷ ꓟ ꓥ ꓡꓳ=ꓠ-ꓦꓬ-ꓠꓬꓲ ꓖꓳ ꓟ ꓗꓪ ꓞꓳ ꓫꓵꓼ ꓤ ꓬꓰ-ꓢꓴ ꓠ-ꓦꓬ-ꓠꓬꓲ ꓐꓰ ꓢꓷꓸ ꓙ ꓟꓳ ꓙ ꓗꓷꓳ=ꓙꓲꓻ ꓫꓬ ꓢꓴ ꓒꓲ-ꓕꓱ ꓑꓹ ꓗꓪ ꓜꓲꓼ ꓡꓳꓽ ꓔꓬꓹ ꓟ ꓤ ꓠꓱ ꓤ ꓐꓴ ꓔꓯ ꓶꓼ ꓥꓳꓽ ꓙꓱꓽ ꓖꓶꓽ ꓗꓷ ꓢꓲ꓾ ꓞꓳ ꓫꓵꓼ ꓤ ꓬꓰ-ꓢꓴ ꓦꓲꓻ ꓬꓲꓸ ꓢꓷꓸ ꓡꓰ ꓓꓴ ꓠꓬ ꓢꓯꓸ ꓔꓬꓹ ꓟ ꓪꓴ-ꓢ ꓐꓯꓘꓶꓽ ꓬꓲꓸ ꓢꓷꓸ ꓡꓰ ꓓꓴ ꓥ ꓟ꓾ ꓘ-ꓣꓲ-ꓢ-ꓟꓮ ꓦꓬꓼ ꓠꓬꓲ ꓠꓬ ꓪꓴ-ꓢ ꓞꓳꓻ ꓤ ꓐꓴ ꓔꓬꓹ ꓗꓪ ꓛꓲꓺ ꓡ ꓟ ꓙꓻ ꓖꓴ ꓥ ꓢꓲ꓾ ꓪꓴ-ꓢ ꓬꓲꓸ ꓮꓸ ꓓꓲꓽ ꓪꓴꓽˍ ꓟ ꓠꓵ ꓠꓲꓹꓗꓪ ꓐꓰ ꓣꓳꓽ ꓞꓳꓻ ꓤ ꓐꓴ ꓡꓰ ꓐꓰ ꓾ ꓞꓳꓻ ꓤ ꓒꓬꓱꓽ ꓣꓴꓺ ꓗꓷ ꓢꓲ ꓞꓳꓻ ꓤ ꓕꓲꓽ ꓣꓳ ꓡꓰ ꓐꓰ ꓬꓯꓼ ꓡ ꓗꓷ ꓟ ꓥ ꓡꓳ=ꓣꓳꓽ ꓞꓳꓻ ꓤ ꓐꓴ ꓥˍ ꓟꓲ ꓪꓴ-ꓢ ꓬꓲꓸ ꓠꓵ ꓠꓲꓹ ꓔꓯ ꓚꓱꓹ ꓖꓶꓽˍ ꓟ ꓗꓪ ꓐꓰ ꓪꓴ-ꓢ ꓐꓰ ꓕꓲꓽ ꓠꓲꓹ ꓕꓲꓽ ꓪꓺꓽ ꓙꓳ ꓔꓬꓹ ꓠꓯˍ ꓡꓳ꓾ ꓐꓰ ꓐꓯ ꓖꓶꓽ ꓗꓷꓳ=

https://bit.ly/34qx7lP

Credit to Vatican News