ꓔꓲꓺ ꓒ ꓪꓺ ꓔꓲ Francis Japan ꓗꓴꓷꓼ ꓗꓪ ꓝꓲ ꓓꓴ ꓟꓬꓱ: ꓬꓰˍ ꓟ 3 ꓠꓬꓲ ꓕꓲ: ꓠꓬꓲ ꓟ (ꓕꓲ: ꓠꓬꓲ ꓡꓱꓸꓼ) ꓬꓰ ꓗꓷ ꓟ ꓮ: ꓙꓵ:

ꓔꓲꓺ ꓒ ꓪ ꓔꓲ Francis ꓐꓰ Japan ꓑ ꓫꓬ ꓐꓴ

ꓔꓲꓺ ꓒ ꓪꓺ ꓔꓲ Francis Japan ꓗꓴꓷꓼ ꓗꓪ ꓝꓲ ꓓꓴ ꓟꓬꓱ: ꓬꓰˍ ꓟ 3 ꓠꓬꓲ ꓕꓲ: ꓠꓬꓲ ꓟ (ꓕꓲ: ꓠꓬꓲ ꓡꓱꓸꓼ) ꓬꓰ ꓗꓷ ꓟ ꓮ: ꓙꓵ:

26ꓸ11ꓸ2019

ꓮ ꓟꓰ ꓠꓽ-ꓕꓲ-ꓠꓬꓲ ꓕꓯ ꓔꓲꓺ ꓒ ꓪ ꓔꓲ Francis ꓠꓬ꓾ 2011 ꓘꓳꓼ ꓕꓯ Tsunami ꓟꓵꓽ ꓙꓴꓽ ꓚꓵꓹ ꓟ ꓪꓴꓸ ꓠꓬꓲ ꓫꓸ ꓔꓬꓹ ꓢꓴ ꓐꓴ ꓾ Nuclear Bomb (ꓐꓳꓽ) ꓐꓶˍ ꓟ ꓗꓪ ꓐꓰ ꓫꓸ ꓙꓵ ꓟꓶˍ ꓟ Japan ꓗꓴꓷꓼ Fukushima ꓡꓳ ꓒꓱ ꓗꓪ ꓟ ꓑ ꓫꓬ ꓐꓴ ꓐꓰ ꓙꓲꓻ ꓡꓯꓽ ꓘꓳ ꓗꓷꓳ=ꓟꓵꓽ ꓙꓴꓽ ꓚꓵꓹ ꓟ ꓐꓰ ꓐꓳꓹ ꓐꓶˍ ꓟ ꓗꓪ ꓐꓰ ꓫꓸ ꓙꓵ ꓔꓬꓹ ꓢꓴ ꓐꓴ ꓡꓰ ꓫꓸ ꓕꓱˍ ꓟ ꓮꓽ ꓙꓵꓽ ꓔꓯ ꓠꓻ ꓠꓹ ꓖꓶꓽ ꓗꓷ ꓢꓲ꓾ ꓢꓯꓼ ꓖꓶꓽ ꓠꓲꓹ ꓟ ꓗꓴ ꓖꓶꓽ ꓗꓷꓳ=

ꓝ ꓢꓲ ꓔꓲꓺ ꓒ ꓪ ꓔꓲ Francis ꓠꓬ Japan ꓫꓵꓽ ꓫꓵꓺ 11:45 ꓙꓵꓹ ꓕꓯ Japan ꓗꓴꓷꓼ Tokyo ꓡꓳ ꓒꓱ ꓗꓪ ꓟ St. Mary Cathedral ꓪꓽ ꓘꓴ ꓦꓲꓻ ꓗꓪ ꓞꓳ ꓡꓱ ꓐꓴ ꓐꓰ ꓜꓲꓼ ꓡꓳꓽ ꓗꓷ ꓢꓲ꓾ ꓞꓳ ꓡꓱꓻ (ꓞꓳ ꓡꓯꓸ) ꓐꓴ ꓠꓬ ꓟꓲꓽ ꓕꓯꓽ ꓢꓲ ꓟ ꓦꓬꓼ ꓠꓬꓲ ꓗꓪ ꓟ ꓜꓴꓻ ꓔꓯ ꓫꓬꓹ ꓔꓶꓻ ꓢꓴ ꓡꓰ ꓥꓳ꓾ Japan ꓗꓴꓷꓼ ꓠꓬ ꓞꓳ ꓡꓱꓻ ꓐꓴ ꓔꓯ ꓣꓱꓽ ꓞꓹ ꓡꓳ꓾ꓟꓲ ꓠꓯ ꓥˍ ꓟꓲ ꓠꓴ ꓪ ꓐꓴ ꓔꓯ ꓣꓱꓽ ꓞꓹ ꓡꓳ꓾ ꓐꓰ ꓐꓯ ꓖꓶꓽ ꓗꓷꓳ=ꓖꓳ ꓗꓪ ꓟ ꓞꓳ ꓡꓱꓻ ꓐꓴ ꓠ ꓠꓬꓲˍ ꓟ ꓮꓽ ꓙꓵꓽ ꓔꓯˍ ꓟꓲ ꓒꓳꓹ ꓖꓶꓽ ꓗꓷ ꓢꓲ꓾ ꓮ ꓕꓯ ꓟꓲ ꓟꓽ ꓙꓳꓺ ꓠꓹ ꓟ꓾ ꓙꓳꓺˍ ꓟ ꓠꓬ ꓙꓲˍ ꓟ ꓮ ꓙꓵꓽ ꓔꓯ ꓗꓽ ꓕꓸ ꓦꓽ ꓢꓴ ꓥ ꓟ꓾ ꓠꓵ ꓠꓲꓹ ꓐꓰ ꓢꓲꓺ ꓡꓲꓺ ꓟ ꓔꓯ ꓙꓳꓺ ꓗꓽ ꓢꓴ ꓥ ꓟ ꓪꓴꓸ ꓠꓬꓲ꓾ ꓟꓽ ꓙꓳꓺ ꓠꓹ ꓟˍ ꓟꓲˍ ꓞꓳ ꓡꓱꓻ ꓐꓴ ꓔꓯ ꓐꓯ ꓖꓶꓽ ꓗꓷꓳ=

ꓝꓮꓲ ꓠꓬ Japan ꓗꓴꓷ ꓔꓯ ꓙꓵꓽ ꓔꓬꓹ ꓟ ꓢꓲꓽ ꓒꓽ Naruhito ꓾ ꓗꓴꓷ ꓢꓲꓺ ꓐꓴ ꓾ ꓪꓴꓸ ꓓꓵꓺ ꓣꓱꓽ ꓢꓴ ꓐ ꓐꓰ ꓜꓲꓼ ꓡꓯꓽ ꓘꓳ ꓗꓷꓳ=

ꓖꓳ ꓗ ꓠꓯꓸ ꓠꓬ ꓑ ꓫꓬ ꓐꓴ ꓡꓳꓺ ꓖꓪꓺ ꓔꓶꓸ ꓗꓪ ꓑ ꓫꓬ ꓐꓴ ꓐꓰ ꓕꓲꓽ ꓪꓺꓽ ꓟꓲ-ꓢ ꓬꓰ (ꓪꓽ ꓘꓴ) ꓢꓲ ꓕꓲꓽ ꓠꓬꓲꓽ ꓡꓱꓸꓼ ꓟ ꓝꓲ ꓓꓴ ꓟꓬꓱꓽ ꓬꓰˍ ꓟ ꓔꓯ ꓬꓲꓸ ꓟꓶꓽ ꓢꓰꓼ ꓗꓷꓳ=

Credit to Vatican News

https://www.vaticannews.va/…/pope-francis-apostolic-visit-j…

Add new comment

10 + 1 =