ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ 31 ꓧꓪꓹ ꓮꓸ ꓣꓳ ꓡꓳꓸ ꓚꓳꓻ ꓙꓰˍ ꓟ 3 ꓗꓴꓷꓼ ꓕꓲꓽ ꓗꓴꓷꓼ ꓥ ꓟ Mauritius ꓗꓴꓷꓼ ꓔꓯ ꓟꓳ. ꓚꓳꓻ ꓙꓰˍ ꓟ=

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ 31 ꓧꓪꓹ ꓮꓸ ꓣꓳ ꓡꓳꓸ ꓚꓳꓻ ꓙꓰˍ ꓟ 3 ꓗꓴꓷꓼ ꓕꓲꓽ ꓗꓴꓷꓼ ꓥ ꓟ Mauritius ꓗꓴꓷꓼ ꓔꓯ ꓟꓳ. ꓚꓳꓻ ꓙꓰˍ ꓟ=

9 ꓦ ꓟ 9 ꓠꓬꓲ꓾ 2019

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ 31 ꓧꓪꓹ ꓮꓸ ꓣꓳ ꓡꓳꓸ ꓚꓳꓻ ꓙꓰˍ ꓟ 3 ꓗꓴꓷꓼ ꓕꓲꓽ ꓗꓴꓷꓼ ꓥ ꓟ Mauritius ꓗꓴꓷꓼ ꓗꓪ ꓚꓳꓺ ꓙꓰˍ ꓟ ꓔꓯ Madagascar ꓗꓴꓷꓼ ꓗꓪ ꓐꓰ ꓲꓠꓓꓲꓮ ꓠꓯꓺ ꓬꓲꓻ ꓟꓵꓽ ꓥ ꓟ꓾ Mauritius ꓗꓴꓷꓼ ꓡꓳ ꓒꓱ ꓓꓽ ꓟ ꓥ ꓟ Port Louis ꓡꓳ ꓒꓱ ꓗꓪ ꓠꓽ-ꓕꓲ-ꓠꓬꓲ ꓕꓯ ꓛꓲ ꓬꓰ ꓢꓲ꓾ ꓗꓴꓷꓼ ꓙꓵꓽ ꓢꓴ Pravind Jugnauth ꓐꓰ ꓗ-ꓔꓳ-ꓡꓲ ꓔꓲꓺ ꓒ ꓓꓽ ꓐꓴ ꓗꓪ ꓐꓰ ꓘꓳꓹ ꓣꓴ ꓗꓷ ꓟ ꓥ ꓡꓳ=

ꓝꓮꓲ ꓝ ꓢꓲ꓾ ꓢꓲꓺ ꓡꓲꓺ ꓟ ꓟꓹ ꓟ ꓟ-ꓡꓲ ꓝꓲꓸ ꓟꓶ ꓓꓴ ꓗꓪ ꓙꓰ ꓢꓲ꓾ ꓘꓴ-ꓜꓲ-ꓞꓳ ꓢꓲ ꓤ ꓕꓲꓽ ꓫꓬꓹ ꓟ ꓛꓲ ꓟ ꓐꓰ ꓕꓲꓽ ꓪꓺꓽ ꓪꓽ ꓘꓴ ꓶꓼ ꓓꓰꓽ ꓗꓷꓳ꓾ ꓟꓲ-ꓢꓮ ꓬꓰ ꓗꓷꓳ=

ꓟꓳꓼ ꓡꓳ ꓜꓻ ꓜꓽ ꓗꓷ  ꓗꓸ ꓠꓯꓸꓼ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓔꓲꓺ ꓒ ꓓꓽ ꓐꓴ ꓐꓰ ꓕꓲꓽ ꓪꓺꓽ Mauritius ꓗꓴꓷꓼ ꓝꓲ ꓓꓴ ꓐꓯ ꓢꓲ ꓘꓴ ꓟꓶˍ ꓟ ꓙꓲꓻ ꓫꓬꓹ ꓢꓴ ꓔꓲ ꓒ Laval ꓔꓯ ꓔꓵꓸ ꓔ ꓟ ꓡꓱꓼ ꓜꓴꓺ ꓗꓪ ꓙꓰ ꓢꓲ ꓪꓽ ꓘꓴ ꓖꓶꓽ ꓗꓷꓳ=

ꓡꓳꓹ ꓬꓰˍ ꓗꓪ ꓠꓬ ꓗꓴꓷꓼ ꓔꓯ ꓙꓵꓽ ꓢꓴ ꓐꓴ꓾ ꓜꓴꓻ ꓕꓲꓽ ꓟ ꓕꓲꓽ ꓟ ꓗꓪ ꓟ ꓬꓲꓸ ꓛꓲꓺ ꓐꓴ꓾ ꓗꓴꓷꓼ ꓧꓳꓽ ꓣꓱꓽ ꓜꓴꓻ ꓐꓴ ꓐꓰ ꓜꓲꓼ ꓡꓳꓽ ꓗꓷꓳ= ꓖꓳ ꓡꓱ ꓜꓲꓼ ꓡꓳꓽ ꓗꓷ ꓗꓸ ꓠꓯꓸꓼ ꓔꓲꓺ ꓒ ꓪ ꓔꓲ ꓗꓪ ꓐꓰ Madagascar ꓗꓴꓷꓼ Antananarivo ꓡꓳ ꓒꓱ ꓗꓪ ꓙꓰ ꓢꓲ꓾ ꓠꓽ-ꓠꓬꓲꓽ-ꓠꓬꓲ ꓕꓯ ꓣꓳ-ꓟꓮ ꓡꓳ ꓒꓱ ꓗꓪ ꓬꓲꓼ ꓙꓰ ꓗꓷ ꓟ ꓥ ꓡꓳ=

Credit to Vatican News

https://bit.ly/2keiQru