ꓔꓲꓺ ꓒ ꓪ ꓔꓲ Francis ꓠꓬ 11 ꓦ ꓟ 20 ꓠꓬꓲ ꓕꓯ ꓮꓢꓲꓮ ꓗꓴꓷꓼ ꓗꓪ ꓟ ꓕꓮꓲ ꓟꓵꓽ ꓗꓪ ꓛꓲ ꓡ ꓗꓷ ꓟ

ꓔꓲꓺ ꓒ ꓪ ꓔꓲ Francis ꓕꓮꓲ ꓟꓵꓽ ꓗꓪ ꓟꓲ-ꓢ ꓔꓲꓺ ꓖꓶꓽˍ ꓟ=

ꓔꓲꓺ ꓒ ꓪ ꓔꓲ Francis ꓠꓬ 11 ꓦ ꓟ 20 ꓠꓬꓲ ꓕꓯ ꓮꓢꓲꓮ ꓗꓴꓷꓼ ꓗꓪ ꓟ ꓕꓮꓲ ꓟꓵꓽ ꓗꓪ ꓛꓲ ꓡ ꓗꓷꓳ=

 ꓖꓳ ꓕꓲꓽ ꓠꓬꓲ ꓕꓯ ꓡꓰ ꓗꓴꓷꓼ ꓙꓵꓽ ꓢꓴ ꓐꓴ꓾ ꓙꓵꓻ ꓠꓲꓹ ꓕꓲꓽ ꓟ ꓡꓰ ꓕꓲꓽ ꓟ ꓗꓪ ꓟ ꓪꓴꓸ ꓓꓵꓺ ꓣꓱꓽ ꓢꓴ ꓐꓴ ꓾ ꓗꓴꓷꓼ ꓢꓲꓺ ꓐꓴ ꓐꓰ ꓜꓲꓼ ꓡꓯꓽ ꓘꓳ ꓢꓲ ꓾ ꓞꓳ ꓤ ꓮ ꓟꓬꓹ ꓟ ꓙꓲꓻ ꓖꓴ ꓐꓱ ꓶ ꓢꓯꓼ ꓕꓵꓼ ꓣꓱꓽ ꓙˍ ꓟ ꓠꓬ꓾ ꓣꓳꓽ ꓟꓲ ꓠꓯ ꓞꓳ ꓤ ꓕꓲꓽ ꓣꓳ ꓗꓪ ꓐꓰ ꓬꓰ ꓐ ꓡˍ ꓟ ꓒꓵꓽ ꓓꓰ ꓡꓰˍ ꓟ ꓟꓬꓱꓽ ꓐꓬꓱꓽ ꓘꓶꓽ ꓕꓲꓽ ꓟ ꓥ ꓡꓳ꓾ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓖꓶꓽ ꓗꓷꓳ=

ꓖꓳ ꓗ ꓠꓯꓸ ꓠꓬ ꓗꓴꓷꓼ ꓟꓴ ꓖꓪꓼ ꓖꓪꓺ ꓔꓶꓸ (ꓑ ꓫꓬꓼ ꓗꓹ ꓛꓲꓽ ꓔꓶꓸ) ꓗꓪ ꓑ ꓫꓬꓼ ꓐꓴ ꓐꓰ ꓕꓲꓽ ꓪꓺꓽ ꓟꓲ-ꓢ ꓬꓰ ꓪꓽ ꓘꓴ ꓗꓷꓳ=

ꓔꓲꓺ ꓒꓽ ꓪ ꓔꓲ ꓠꓬ 1996 ꓘꓳꓼ ꓗꓴꓷꓼ ꓗꓪ ꓘꓴ-ꓜꓲ-ꓞꓳ ꓛꓲꓺ ꓡˍ ꓟ ꓬꓲꓸ ꓪꓴꓸ ꓟ ꓬꓲꓸ ꓙꓵꓹ ꓬꓯ ꓢꓷꓸ ꓙ ꓟꓳ ꓙˍ ꓟ ꓘꓳꓼ 350 ꓘꓳꓼ ꓐꓲˍ ꓟ ꓘꓳꓼ ꓚꓳꓻ ꓑꓮꓲ ꓬꓰ ꓠꓹ ꓟ ꓐꓱ ꓶ ꓕꓮꓲ ꓗꓴꓷꓼ ꓗꓪ ꓛꓲ ꓡ ꓟ ꓥꓳ=

ꓔꓲꓺ ꓒꓽ ꓪ ꓔꓲ Francis ꓬꓲꓸ ꓕꓮꓲ ꓗꓴꓷꓼ ꓔꓯꓸ ꓟꓳꓸ ꓚꓳꓻ ꓙꓰˍ ꓟ ꓗꓪ ꓘꓳꓹ ꓣꓴ ꓔ ꓟ ꓠꓬ ꓾ ꓢꓲ ꓒꓽ ꓬꓰ ꓓꓴ ꓔꓯ ꓛꓳ ꓢꓴ ꓐꓴ꓾ ꓪꓴ-ꓢ ꓟꓬꓱꓽ ꓬꓰ ꓢꓴ ꓐꓴ ꓐꓯˍ ꓟ ꓡꓰꓽ ꓥ ꓡꓳ=

ꓬꓲꓸ ꓚꓲꓸ ꓛꓬ ꓞꓳ ꓫꓵꓽ ꓥꓳꓽ ꓥ ꓟ Spain ꓥꓳꓽ ꓗꓪ ꓐꓰ ꓔꓲꓺ ꓒ ꓪ ꓔꓲ ꓐꓯˍ ꓟ ꓠꓬ꓾ ꓕꓮꓲ ꓗ-ꓔꓳ-ꓡꓲ ꓐꓴ ꓗꓪ ꓐꓰ ꓢꓲꓺ ꓒ ꓬꓰ ꓢꓴ ꓡꓰ ꓐꓰ ꓔꓯꓺ ꓢꓳ ꓢꓲ꓾ ꓬꓰ-ꓢꓴ ꓬꓲꓸ ꓜꓻ ꓜꓽ ꓑꓮꓲ ꓗꓪ ꓘꓴˍ ꓟ ꓟꓶ ꓗꓷ ꓢꓲ ꓠꓬꓲ꓾ ꓮꓽ ꓐꓽ ꓮ ꓟ ꓗꓳꓸ ꓗꓳ ꓠꓬꓲ ꓤ ꓐꓴ ꓟꓶꓼ ꓢꓲꓼ ꓔꓬꓹ ꓟ ꓢꓯꓼ ꓐꓽ ꓢꓴ ꓐꓴ ꓔꓯ ꓬꓰ ꓙ ꓔꓳꓹ ꓙ ꓓꓴ ꓐꓱ ꓶ꓾ ꓠꓱ ꓫꓳꓸ ꓟꓸ ꓗꓪ ꓙꓰ ꓢꓲ ꓬꓲꓸ ꓪ ꓐꓴ ꓔꓬꓹ ꓗꓪ ꓛꓲꓺ ꓬꓰ ꓠ ꓙꓰ꓾ ꓐꓰ ꓕꓵꓼ ꓪꓽ ꓖꓶꓽ ꓗꓷꓳ=

#UCA.NEWS

Add new comment

1 + 16 =