ꓔꓲ-ꓑꓮꓪ ꓡꓳ ꓒꓱ ꓔꓲ-ꓔ-ꓖꓴ-ꓢꓯꓸ-ꓘꓴꓸ-ꓓ-ꓠꓸ ꓠꓯꓻ ꓞꓲꓼ ꓦꓲꓻ ꓗꓪ ꓟꓬ ꓢꓶꓽ ꓠꓻ ꓫꓬꓹ ꓖꓶ ꓔꓬ ꓟ ꓠꓬꓲꓽ ꓠꓬꓲ ꓘꓴꓽ ꓗꓪ ꓞꓳ ꓠꓻ 500 ꓣꓳ ꓟꓽ ꓞꓲꓺ ꓔꓯ ꓫꓬꓹ ꓖꓶ ꓓꓳ ꓡꓰꓳ꓾

ꓐꓶ-ꓬꓲ ꓗꓴꓷꓼ ꓫꓴ ꓖꓴ ꓪꓴꓸ꓾ ꓔꓲ-ꓑꓮꓪ ꓡꓳ ꓒꓱ꓾ ꓟ-ꓦ-ꓟꓬꓯꓸ-ꓟꓴꓸ-ꓠꓲꓸ ꓐꓴ-ꓓ ꓪꓽ ꓘꓴ ꓦꓲ ꓐꓱ ꓘꓴꓽ ꓗꓪ ꓙꓳˍ ꓟ ꓔꓲ-ꓔ-ꓖꓴ-ꓢꓯꓸ-ꓘꓴꓸ-ꓓ-ꓠꓸ ꓠꓯꓻ ꓞꓲꓼ ꓦꓲꓻ ꓗꓪ ꓬꓲꓻ ꓒꓵꓽ ꓟꓽ ꓣꓴ ꓣꓴ ꓟꓬ ꓢꓶꓽ ꓠꓻ ꓬꓲ ꓫꓵꓽ ꓬꓲ ꓙꓰꓽ ꓔꓯ ꓫꓬꓹ ꓖꓶ ꓔꓬ ꓠꓬꓲ ꓮ ꓟꓶ (2) ꓠꓬꓲꓽ ꓘꓴꓽ ꓗꓪ ꓞꓳ ꓠꓻ (500) ꓣꓳ ꓟꓽ ꓞꓲꓺ ꓔꓯ ꓠꓻ ꓫꓬꓹ ꓖꓶ ꓓꓳ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

ꓖꓳ ꓡꓱ ꓠꓻ ꓫꓬꓹ ꓖꓶ ꓔꓬ ꓟ ꓗꓪ 5 ꓦ 5 ꓠꓬꓲ ꓗꓪ ꓐꓰ 6 ꓠꓬꓲ ꓗꓪ ꓛꓲ (2) ꓠꓬꓲ ꓘꓴꓽ ꓗꓪ ꓠꓻ ꓚꓬꓹ ꓠꓬꓲ ꓢꓴ ꓞꓳ ꓠꓻ (492) ꓣꓳ꓾ ꓟꓬ ꓢꓶꓽ ꓘꓶꓽ ꓠꓻ ꓫꓬꓹ ꓗꓷ ꓟ ꓞꓳ ꓠꓻ (56) ꓣꓳ꓾ ꓮ ꓙꓵꓽ ꓠꓬ (548) ꓣꓳ ꓐꓴ ꓔꓯ ꓠꓻ ꓫꓬꓹ ꓖꓶ ꓓꓳ ꓡꓰ ꓟ ꓥ ꓡꓳ=

ꓟꓬ ꓢꓶꓽ ꓘꓶꓽ ꓠꓻ ꓫꓬꓹ ꓖꓶˍ ꓟ ꓔꓯ ꓧꓶꓸ ꓕꓯ ꓠꓬ 5 ꓦ 6 ꓠꓬꓲ ꓕꓯ ꓪꓴꓸ ꓔꓴ ꓓꓴ ꓥꓳ ꓐꓰ ꓐꓯ ꓑꓶ ꓔ ꓥ ꓟꓲ꓾ ꓞꓳ ꓠꓻ ꓮ ꓘꓶꓸ ꓟꓬꓽˍ ꓟ ꓪꓴꓸ ꓠꓬꓲ ꓕꓲ ꓠꓬꓲ ꓠꓯꓼ ꓢꓲ ꓠꓻ ꓫꓬꓹ ꓖꓶ ꓔꓬ ꓟ ꓥ ꓢꓲ ꓠꓬꓲ꓾ 5 ꓦ 8 ꓠꓬꓲ ꓕꓯ ꓠꓬ ꓬꓲ ꓟꓶꓽ ꓡꓳꓹ ꓬꓰˍ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓔꓲ-ꓑꓮꓪ ꓡꓳ ꓒꓱ꓾ ꓔꓲ-ꓔ-ꓖꓴ-ꓢꓯꓸ-ꓘꓴꓸ-ꓓ-ꓠꓸ ꓠꓯꓻ ꓞꓲꓼ ꓦꓲ ꓓꓽ ꓟ ꓗꓪ ꓬꓲ ꓒꓵꓽ ꓟꓽ ꓣꓴ ꓣꓴ ꓟꓬ ꓢꓶꓽ ꓘꓶꓽ ꓠꓻ ꓫꓬꓹ ꓖꓶ ꓔꓬ ꓟ ꓠꓬ ꓮ ꓟꓶ (53) ꓧꓪꓹ ꓕꓲ ꓧꓪꓹ ꓟ ꓥ ꓢꓲ꓾ ꓠꓯꓻ ꓞꓲꓼ ꓦꓲꓻ ꓖꓳ ꓟ ꓔꓯ ꓬꓲ ꓪ ꓐꓴ-ꓓ ꓦ ꓡꓱ ꓚꓱꓹ ꓗꓪ ꓟ ꓔꓲ-ꓔ-ꓖꓴ ꓡꓰ ꓒꓴ (1333) ꓫꓬꓹ ꓛꓲ ꓣꓱꓽ ꓢꓲ ꓠꓯꓻ ꓞꓲꓼ ꓦꓲ ꓖꓳ ꓟ ꓔꓯ ꓫꓬꓹ ꓗꓷ ꓢꓲ ꓠꓬꓲ꓾ 2008 ꓘꓳꓼ ꓕꓯ ꓡꓰ ꓒꓴ ꓗꓷ ꓟ ꓥ ꓡꓳ꓾ ꓐꓰ Popular News Journal ꓓꓳꓽ ꓗꓪ ꓐꓯ ꓔ ꓡꓳ=