ꓟꓴꓠ-ꓐꓮꓲꓹ ꓡꓳ ꓒꓱ ꓗꓪ ꓙ ꓖꓴ ꓗꓪ ꓔꓳꓹ ꓔ ꓟ ꓢꓷꓸ ꓡꓰ ꓓꓴ ꓒꓬꓸ ꓞꓰꓻ ꓡꓰ ꓟ ꓑꓶꓸ ꓓꓴ ꓡ ꓞꓳ 14 ꓣꓳ ꓞꓲꓺ ꓫꓵꓳ

ꓲ-ꓓꓲ-ꓬ ꓗꓴꓷꓼ ꓟꓴꓠ-ꓐꓮꓲꓹ ꓡꓳ ꓒꓱ ꓗꓪ ꓟꓶꓽ ꓦ ꓮ ꓘꓶꓸ ꓦ ꓗꓷ ꓢꓲ ꓟꓲꓽ ꓦꓲ ꓕꓳꓽ ꓥꓳꓽ ꓙꓱꓼ ꓗꓷˍ ꓟ ꓗꓪ ꓐꓰ ꓮ ꓘꓶꓸ ꓪꓴꓽˍ ꓟ ꓙꓻ ꓖꓴ ꓘꓶꓽ ꓗꓪ ꓔꓳꓹ ꓔ ꓟ ꓢꓷꓸ ꓡꓰ ꓓꓴ ꓒꓬꓸ ꓕꓲ ꓟ ꓞꓰꓻ ꓡꓰ ꓢꓲ ꓡ ꓞꓳ 14 ꓣꓳ ꓛꓲꓺ ꓫꓵꓻ ꓢꓲ ꓠꓬꓲ꓾ ꓝꓮꓲ 75 ꓣꓳ ꓠꓻ ꓓꓴ ꓓꓴ ꓡꓰꓳ꓾ ꓐꓰ ꓢꓷꓸ ꓪ ꓡꓳ= ꓡꓳ ꓒꓱ ꓖꓳ ꓟ ꓘꓴꓽ ꓗꓪ ꓢꓲꓖꓠ ꓐꓳꓮꓣꓓ ꓢꓷꓸ ꓡꓰ ꓓꓴ ꓒꓬꓸ ꓞꓰꓻ ꓡꓰ ꓟ ꓠꓯꓸꓼ ꓗꓪ ꓪꓴꓻ ꓓꓹ ꓢꓴ ꓔꓯ ꓧꓪꓸˍ ꓟ ꓟꓬꓱꓽ ꓔꓯ ꓟꓶꓽ ꓘꓶꓼ ꓕꓯ ꓝꓸ ꓢꓲ ꓬꓰ ꓗꓷꓳ=

ꓟꓴꓠ-ꓐꓮꓲꓹ ꓡꓳ ꓒꓱ ꓘꓶꓽ ꓗꓪ ꓟ Ghatkopar ꓗꓪ ꓟꓶꓽ ꓦ ꓬꓲ ꓓꓽ ꓟ ꓦ ꓗꓷ ꓢꓲ꓾ ꓟꓲꓽ ꓦꓲ ꓮ ꓘꓶꓸ ꓙꓱꓼ ꓗꓷ ꓠꓬꓲ꓾ ꓡ ꓞꓳ ꓙꓰ ꓙꓰ ꓡ ꓡ ꓬꓰ ꓢꓴ ꓮ ꓘꓶꓸ ꓟꓬꓽˍ ꓟ ꓙꓻ ꓖꓴ ꓘꓶꓽ ꓗꓪ ꓔꓳꓹ ꓔ ꓟ ꓢꓲꓖꓠ ꓐꓳꓮꓣꓓ ꓒ ꓕꓲ ꓗꓪ ꓙꓳˍ ꓟ ꓦꓲꓻ ꓐꓰ꓾ ꓙꓼ ꓧꓪꓽ ꓞꓶꓻ ꓪꓴꓽ ꓔꓶꓸ ꓗꓪ ꓞꓰꓻ ꓔꓲꓸ ꓡꓰ ꓟ ꓥ ꓡꓳ= ꓙꓼ ꓧꓪꓽ ꓞꓶꓻ ꓪꓴꓽ ꓔꓶꓸ ꓕꓯꓽ ꓢꓲ ꓞꓰꓻ ꓔꓲꓸ ꓡꓰ ꓟ ꓢꓲꓖꓠ ꓐꓳꓮꓣꓓ ꓔꓯ ꓣꓴ ꓦ ꓔꓬ ꓕꓯ ꓮ ꓔꓳꓸ ꓐꓬ ꓔꓴ ꓡ ꓟ ꓪꓴꓸ ꓠꓬꓲ꓾ ꓮ ꓘꓶꓸ ꓡꓲꓽˍ ꓟ ꓔꓯ ꓣꓴ ꓦꓹ ꓟ ꓙꓼ ꓣꓱꓽ ꓢꓲ ꓬꓰ ꓔꓬ ꓪˍ ꓡꓳ ꓐꓰ ꓚꓬꓴꓸ ꓙ ꓬꓰ ꓙ ꓢꓴ ꓐꓴ ꓡꓰ ꓐꓯ ꓡꓳ=

ꓟꓶꓽ ꓦ ꓦ ꓟꓲꓽ ꓦꓲ ꓙꓱꓼ ꓔꓬ ꓕꓯ ꓞꓰꓻ ꓔꓲꓸ ꓡꓰ ꓥˍ ꓟꓲ꓾ ꓢꓷꓸ ꓡꓰ ꓓꓴ ꓒꓬꓸ ꓮ ꓫꓵꓽ ꓑꓶꓸ ꓓꓴ ꓞꓰꓻ ꓡꓰ ꓟ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓚꓬꓹ ꓠꓬꓲ ꓔꓬ ꓡꓳ= ꓟꓲꓽ ꓦꓲ ꓕꓳꓽ ꓥꓳꓽ ꓑꓶꓸ ꓓꓴ ꓟꓴꓠ-ꓐꓮꓲ ꓐꓬꓱꓻ ꓦꓲꓻ ꓜꓶꓽ ꓔꓶꓸ ꓗꓪ ꓐꓬꓱꓻ ꓦꓲꓽ ꓐꓬꓱꓻ ꓙꓰˍ ꓟ ꓔꓯ ꓠꓽ ꓔ ꓡꓳ꓾ ꓐꓰ ꓑ ꓫꓬ ꓓꓳꓽ ꓗꓪ ꓐꓯ ꓑꓶ ꓔ ꓡꓳ꓾ ꓐꓰ ꓦꓳꓮ ꓓꓳꓽ ꓗꓪ ꓐꓰ ꓢꓷꓸ ꓪˍ ꓡꓳ=

Add new comment

6 + 4 =