ꓕꓮꓲꓹ ꓗꓴꓷꓼ ꓾ ꓐꓮꓠꓖꓗꓳꓗ ꓡꓳ ꓒꓱ ꓗꓪ ꓙꓳˍ ꓟ ꓙꓱꓽ ꓤ ꓙꓱꓽ ꓟꓲ ꓪꓴꓽ ꓔꓶꓸ ꓗꓪ ꓮ ꓔꓳꓸ ꓐꓬ ꓗꓷ ꓢꓲ ꓙꓱꓽ ꓤ ꓮ ꓟꓬꓹ ꓫꓵꓻ ꓟ ꓓꓳꓽ

ꓐꓮꓠꓖꓗꓳꓗ ꓡꓳ ꓒꓱ ꓗꓪ ꓙꓳˍ ꓟ ꓙꓱꓽ ꓤ ꓪꓴꓽ ꓔꓶꓸ ꓠꓬ꓾ 2024 ꓘꓳꓼ 6 ꓦ 11 ꓠꓬꓲ꓾ ꓠꓽ ꓠꓬꓲꓽ ꓠꓬꓲ ꓠꓯꓼ ꓠꓯꓼ 4ꓽ30 ꓙꓵꓹ ꓕꓯ ꓪ-ꓬ ꓢꓧꓳꓚꓗ ꓑꓶꓸ ꓓꓴ ꓮ ꓔꓳꓸ ꓐꓬ ꓗꓷ ꓢꓲ ꓙꓱꓽ ꓤ ꓪꓴꓽ ꓔꓶꓸ 118 ꓟ ꓐꓬ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓮ ꓔꓳꓸ ꓐꓬ ꓗꓷ ꓟ ꓘꓴꓽ ꓗꓪ ꓦꓲꓻ ꓗꓪ ꓦꓵꓻˍ ꓟ ꓙꓱꓽ ꓤ ꓐꓰ ꓠꓱꓸ ꓐꓯ ꓮ ꓘꓶꓸ ꓟꓳꓻ ꓪ ꓟꓽ ꓓ ꓟ ꓙꓱꓽ ꓤ ꓐꓴ ꓥˍ ꓟꓲ ꓮ ꓟꓬꓹ ꓐꓬ ꓗꓷ ꓠꓬꓲ꓾ ꓙꓱꓽ ꓤ ꓕꓲꓽ ꓔꓴ ꓟꓽ ꓞꓲꓺ ꓫꓵꓻ ꓗꓷ ꓢꓲ꓾ ꓙꓱꓽ ꓤ ꓬꓲ ꓢꓲ ꓒ ꓐꓴ ꓠꓬ ꓪꓴꓽ ꓔꓶꓸ ꓗꓪ ꓟꓶ ꓘꓶ ꓕꓯ ꓟꓽ ꓦꓵꓻ ꓠꓬꓹ ꓔꓬ ꓟ ꓑꓶꓸ ꓓꓴ ꓙꓱꓽ ꓤ ꓮ ꓡꓲ ꓕꓲ ꓟ ꓔꓯ ꓥˍ ꓟꓲ ꓚꓬꓴꓸ ꓙ ꓟꓽ ꓐ ꓡ ꓗꓷ꓾ ꓐꓰ ꓕꓮꓲꓹ ꓗꓴꓷꓼ ꓓꓳꓽ ꓐꓴ ꓗꓪ ꓐꓯ ꓔ ꓡꓳ=

ꓕꓮꓲꓹ ꓗꓴꓷꓼ ꓐꓮꓠꓖꓗꓳꓗ ꓡꓳ ꓒꓱ ꓗꓪ ꓟꓬꓱ ꓓꓳꓽ ꓙꓳˍ ꓟ ꓚꓧꓮꓔꓴꓚꓧꓮꓗ ꓐꓰ ꓟꓬꓱ ꓔ ꓟ ꓙꓱꓽ ꓤ ꓪꓴꓽ ꓔꓶꓸ ꓠꓬ 2019 ꓘꓳꓼ ꓕꓯ ꓥˍ ꓟꓲ ꓮ ꓔꓳꓸ ꓐꓬ ꓗꓷ ꓢꓲ꓾ ꓙꓱꓽ ꓤ ꓪꓴꓽ ꓖꓴ 200 ꓟꓽ ꓞꓲꓺ ꓐꓬ ꓡꓰ ꓟ ꓥ ꓡꓳ꓾ ꓐꓰ Eleven Media Group ꓓꓳꓽ ꓗꓪ ꓐꓯ ꓔ ꓡꓳ=