ꓦꓲꓰꓔꓠꓮꓟ ꓗꓴꓷꓼ ꓖꓴ ꓪꓴꓸ ꓟꓵꓽ ꓗꓪ ꓬꓲꓻ ꓙꓬ ꓙꓵꓽ ꓟꓶꓸ꓾ ꓡꓳꓽ ꓓꓳ ꓧꓳꓹ ꓢꓲ ꓡ ꓞꓳ 3 ꓣꓳ ꓫꓵꓻ ꓟ

Wednesday, June 12, 2024

ꓦꓲꓰꓔꓠꓮꓟ ꓗꓴꓷꓼ ꓗꓪ ꓟꓶꓽ ꓦ ꓠꓬ ꓮ ꓟꓬꓹ ꓠꓬꓲ ꓬꓲ ꓓꓽ ꓟ ꓦ ꓗꓷ ꓟ ꓑꓶꓸ ꓓꓴ ꓦꓲꓻ ꓬꓲ ꓔꓴ ꓛꓲ ꓬꓲꓻ ꓙꓬ ꓙꓵꓽ ꓟꓶꓸ ꓡꓰ ꓢꓲ ꓗꓴꓷꓼ ꓖꓴ ꓪꓴꓸ ꓗꓪ ꓙꓳˍ ꓟ ꓟꓵꓽ ꓐꓴ ꓗꓪ ꓬꓲꓻ ꓙꓬ ꓙꓵꓽ ꓡꓳꓽ ꓓꓳ ꓧꓳꓹ ꓗꓷ ꓟ ꓑꓶꓸ ꓓꓴ ꓡ ꓞꓳ 3 ꓣꓳ ꓫꓵꓻ ꓟ ꓥ ꓡꓳ꓾ ꓐꓰ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ=

ꓪ ꓚꓲ ꓟꓵꓽ ꓥ ꓟ ꓧꓮ ꓖꓲꓮꓠꓖ ꓗꓴꓷꓼ ꓫꓴ ꓗꓪ ꓟ ꓙꓻ ꓖꓴ ꓗꓪ ꓬꓲꓻ ꓙꓬ ꓠꓬ ꓬꓲ ꓢꓯꓼ ꓪꓽ ꓠꓬꓲ ꓠꓬꓲ ꓡꓰꓽ ꓬꓲꓻ ꓓꓵꓽ ꓡ ꓗꓷ ꓢꓲ꓾ ꓡꓳ ꓒꓱ ꓖꓳ ꓟ ꓗꓪ ꓔꓬ ꓟ ꓑ ꓫꓬ ꓐꓴ ꓠꓬ ꓬꓲ ꓪ ꓦꓲꓻ ꓕꓯꓽ ꓢꓲ ꓗꓪ ꓦꓰꓼ ꓢꓲ꓾ ꓬꓰ ꓙ ꓡ ꓢꓴ ꓐꓴ ꓔꓯ ꓡꓳꓸ ꓠꓬꓹ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓟꓶꓽ ꓦ ꓠꓬ ꓠꓽ ꓛꓳꓼ ꓠꓬꓲ ꓕꓯ ꓡꓰ ꓪꓴꓸ ꓔꓴ ꓢꓲ ꓮ ꓘꓶꓸ ꓦ ꓩꓴ ꓡ ꓔꓬ ꓟ ꓑꓶꓸ ꓓꓴ꓾ ꓦꓲ ꓬꓲ ꓔꓴꓸ ꓟꓽ ꓞꓲꓺ ꓬꓲꓻ ꓙꓬ ꓙꓵꓽ ꓟꓶꓸ ꓡꓰ ꓢꓲ꓾ ꓡꓳꓽ ꓓꓳ ꓧꓳꓹ ꓗꓷ ꓟ ꓑꓶꓸ ꓓꓴ ꓑ ꓫꓬ 3 ꓣꓳ ꓫꓵꓻ ꓟ ꓔꓯ ꓦꓲꓰꓔꓠꓮꓟ ꓓꓳꓽ ꓗꓪ ꓐꓯ ꓔ ꓡꓳ= ꓗꓳꓸ ꓗꓷ ꓟ ꓕꓲ ꓘꓳꓼ ꓕꓯ ꓥ ꓟꓲ ꓮ ꓟꓶ ꓟ ꓡꓰ ꓬꓲꓻ ꓙꓬ ꓙꓵꓽ ꓡꓳꓽ ꓓꓳ ꓧꓳꓹˍ ꓟ ꓑꓶꓸ ꓓꓴ ꓡ ꓞꓳ 169 ꓣꓳ ꓗꓪ ꓛꓲ ꓫꓵꓻ ꓗꓷ ꓟ ꓥ ꓡꓳ꓾ ꓐꓰ ꓑꓳꓑꓴꓡꓮꓣ ꓠꓰꓪꓢ ꓙꓳꓴꓣꓠꓮꓡ ꓓꓳꓽ ꓗꓪ ꓐꓯ ꓔ ꓡꓳ=