ꓗ-ꓔꓳ-ꓡꓲꓗ ꓔꓲꓸꓸ ꓒ ꓕꓲꓽ ꓣꓳ ꓡ-ꓛꓬꓴꓸ ꓐꓰ ꓐꓶꓻ ꓢꓰꓼ ꓗꓷ ꓟꓶˍ ꓟ=

ꓗ-ꓔꓳ-ꓡꓲꓗ ꓔꓲꓸꓸ ꓒ ꓕꓲꓽ ꓣꓳ ꓡ-ꓛꓬꓴꓸ ꓐꓰ ꓐꓶꓻ ꓢꓰꓼ ꓗꓷ ꓟꓶˍ ꓟ=

8 ꓦꓸꓹ ꓟ 2 ꓠꓬꓲ ꓾ 2019

Nigeria ꓗꓴꓷꓼ ꓖꓳ ꓪꓴꓸ Enugu ꓢ-ꓢꓶ-ꓠ  ꓗꓪ ꓟ ꓗ-ꓔꓳ-ꓡꓲꓗ ꓔꓲꓺ ꓒꓽ Paul Offu ꓠꓬ 8 ꓦꓻ ꓟ 1 ꓠꓬꓲ  ꓾ ꓠꓽ ꓡꓲꓸ ꓠꓬꓲ  ꓟꓶꓽ ꓘꓶꓽ ꓝꓲꓸ ꓕꓯ ꓮ ꓡꓰ ꓕꓲꓽ ꓣꓳ ꓥ ꓟ ꓟꓽ ꓢꓷ ꓔ ꓟ ꓡ-ꓛꓬꓴꓸ ꓔꓯꓹ ꓢꓴ ꓕꓲꓽ ꓣꓳ ꓗꓪ ꓐꓰ ꓐꓶꓻ ꓢꓰꓼ ꓗꓷ ꓟꓶ ꓗꓷꓳ=

ꓔꓲꓺ ꓒ Paul Offu ꓠꓬ ꓲ-ꓠꓴ-ꓖꓴ (Enugu ) ꓢ-ꓢꓶ-ꓠ Okpatu ꓙꓲ-ꓫꓬ-ꓢꓴ James ꓢ-ꓢꓶ-ꓠ ꓗꓪ ꓟ ꓔꓲꓺ ꓒꓽ ꓥ ꓡꓳ=ꓩꓴ-ꓡ-ꓠꓲ (Fulani) ꓮ-ꓠꓬꓲꓽ ꓡꓳꓸ ꓢꓴ ꓐꓴ ꓗꓪ ꓐꓰ ꓢꓰꓼ ꓗꓷ ꓟꓶˍ ꓥ ꓐꓰ ꓢꓳꓼ ꓔꓬꓹ ꓡꓳ= Nigeria ꓗꓪ ꓩꓴ-ꓡ-ꓠꓲ (Fulani) ꓮ-ꓠꓬꓲꓽ ꓡꓳꓸ ꓢꓴ ꓐꓴ ꓐꓰ ꓓꓰ-ꓟꓲ ꓦ-ꓟꓲ ꓬꓰ ꓢꓴ ꓐꓴ ꓠꓬꓲꓽ ꓗꓴꓸ ꓝ ꓗꓪ ꓟꓽ ꓠꓽ ꓠꓽ ꓢꓲꓸ ꓓꓳꓻ ꓔꓬꓹ ꓢꓲ꓾ ꓞꓳ ꓤ ꓕꓲꓽ ꓦꓬꓻ ꓟꓽ ꓛꓲ ꓫꓵꓺ ꓗꓷ ꓢꓲ ꓠꓬꓲ ꓾ ꓡ ꓞꓳ ꓮꓽ ꓟꓬꓹ ꓠꓱꓸ ꓐꓯꓼ ꓕꓲꓽ ꓖꓻ ꓗꓪ ꓑꓬꓻ ꓔꓬꓹ ꓪ ꓡꓳ ꓐꓰ ꓟꓲ ꓖꓴꓺ ꓟꓸ ꓖꓶꓽ ꓔ ꓡꓳ=

ꓔꓲꓺ ꓒꓽ Paul Offu ꓔꓯ ꓟꓽ ꓢꓰꓼ ꓧꓶꓸ ꓕꓯ ꓥꓪꓽ ꓦꓻ  ꓥ ꓟ꓾ 3 ꓦꓻ ꓟ 20 ꓠꓬꓲ ꓕꓯ ꓗ-ꓔꓳ-ꓡꓲꓗ ꓔꓲꓺ ꓒꓽ Clement Ugwu ꓔꓯ ꓬꓲꓸ ꓙꓲꓻ ꓬꓲꓸ ꓟꓰꓹ ꓘꓴ ꓔꓯꓹ ꓙꓰ ꓢꓲ ꓠꓬꓲ꓾ ꓢꓰꓼ ꓗꓷ ꓢꓲ ꓛꓴꓽ-ꓟꓲ ꓗꓪ ꓷꓹ ꓨ ꓔ ꓡꓳ=

ꓚꓲꓸ ꓛꓬꓼ ꓔꓲꓺ ꓒꓽ ꓐꓴ  ꓟꓽ ꓠꓽ ꓠꓽ ꓗꓷ ꓟꓶˍ ꓥ ꓟꓲ  Sokoto ꓗꓪ ꓟ ꓔꓲꓺ ꓒꓽ ꓓꓽ  ꓐꓰ ꓔꓲꓺ ꓒꓽ Matthew Hassan Kukah ꓐꓴ ꓗꓪ ꓐꓰ ꓕꓲꓽ ꓠꓲꓹ ꓕꓲꓽ ꓪꓺꓽ ꓗꓹ ꓟ ꓔꓯ ꓐꓬꓻ ꓡꓰ ꓝꓲˍ ꓟ ꓓꓳꓽ ꓔꓯ ꓟꓽ ꓐꓯꓻ ꓒꓬꓱꓻ ꓠꓹ ꓟ ꓓꓰꓽ ꓔ ꓡꓳ꓾ ꓐꓰ 8 ꓦꓸꓹ ꓟ 2 ꓠꓬꓲ ꓕꓯ ꓦatican ꓓꓳꓽ ꓗꓪ ꓐꓯ ꓔ ꓟ ꓥꓳ=

https://bit.ly/2YGZP30