ꓘꓴ ꓜꓲꓼ ꓞꓳ ꓓꓳꓽ

ꓔꓲꓸꓹꓒꓽ ꓪ ꓔꓲꓸ ꓝꓣꓮꓠꓚꓰꓢ ꓟꓮꓡꓔꓮ ꓗꓴꓷꓼ ꓗꓪ ꓙꓰ ꓠꓹ ꓟ ꓓꓳꓽ

ꓔꓲꓸꓹ ꓒꓽ ꓪ ꓔꓲꓸ ꓝꓣꓮꓠꓚꓰꓢ ꓠꓬ ꓛꓲ ꓡ_ꓟ 5ꓦ 31 ꓠꓬꓲ 2020 ꓘꓳꓼ ꓕꓯ ꓶꓽ ꓓꓳꓽ ꓫꓱꓸ ꓓꓳꓽ ꓚꓱꓸ ꓗꓪ ꓐꓪ ꓐꓰ ꓟꓮꓡꓔꓮ ꓬꓲ-ꓡꓵꓽ ꓐꓱ ꓗꓴꓷꓼ ꓥ ꓟ ꓟꓮꓡꓔꓮ ꓗꓴꓷꓽ ꓐꓰ ꓖꓳ-ꓜꓳ ꓟꓵꓽ ꓗꓪ ꓙ ꓫꓱꓽ ꓠˍꓟ ꓙꓽ ꓖꓶꓽ ꓔ ꓡꓳ ꓐꓰ ꓦꓮꓔꓲꓚꓮꓠ ꓓꓳꓽ ꓗꓪ ꓐꓰ ꓟꓳꓸ ꓖꓶꓽ ꓔ ꓡꓳ=

ꓙ ꓫꓱꓽ ꓚꓱꓹ ꓗꓪ ꓣꓱꓽ ꓠꓹ_ꓟ ꓢꓷ ꓡꓰ ꓓꓴ ꓐꓬꓱꓽ(ꓡꓳꓖꓳ) ꓠꓬ ꓡꓯꓼ ꓐꓳ ꓔꓶꓸ ꓓꓴ ꓔꓯꓼ ꓡꓯꓼ ꓠꓬꓲ ꓟꓳꓸ ꓔꓸ ꓟ ꓐꓰ ꓫꓱꓸ ꓤꓼ ꓠꓲꓸ ꓬꓲ -ꓙꓬ ꓠꓬ ꓞꓽ ꓒꓳꓽ ꓡꓲ ꓐꓰ ꓕꓲꓽ ꓪꓼ ꓥꓸˍꓟ ꓐꓬꓱꓽ ꓥ ꓡꓳ= ꓡꓯꓽ ꓒꓯꓸ ꓐꓬꓱꓽ ꓠꓬ ꓫꓸ ꓙꓵꓽ ꓟꓶꓽ ꓙꓵꓽ ꓔꓳ ꓜꓳꓽ ꓔꓬ ꓢꓴ ꓔꓯ ꓬꓰ-ꓢꓴ ꓢꓲ ꓤꓼ ꓐꓴ ꓡꓰ ꓘꓴ ꓣꓴ ꓔꓬ ꓟ ꓔꓯ ꓐꓬꓱꓽ ꓥ ꓡꓳ= ꓞꓽ ꓒꓳꓽ ꓡꓲ ꓠꓬ ꓝꓲ ꓓꓴ ꓑꓳ-ꓡꓳ ꓶꓽ ꓓꓳꓽ ꓫꓱꓸ ꓓꓳꓽ ꓚ ꓒꓬꓱ ꓕꓯꓽ ꓞꓽ ꓒꓳꓽ ꓡꓲ ꓐꓬ ꓡꓰ ꓢꓲꓹ ꓟꓮꓡꓔꓮ ꓬꓲ-ꓡꓵꓽ ꓐꓱ ꓟꓵꓽ ꓗꓪ ꓛꓲ ꓡ ꓕꓯꓽ ꓟꓮꓡꓔꓮ ꓞꓳ-ꓫꓵꓽ ꓐꓴ ꓡꓰꓽ ꓘꓳ ꓣꓴ ꓔꓸ ꓟ ꓔꓯꓹ ꓢꓷ ꓡꓰ ꓓꓴ ꓐꓬꓱꓽ ꓥ ꓡꓳ=

ꓔꓲꓸꓹꓒꓽ ꓪ ꓔꓲꓸ ꓟꓮꓡꓔꓮ ꓟꓵꓽ ꓗꓪ ꓙꓰˍꓟ ꓬꓲ ꓝꓲꓸ ꓠꓬ ꓝꓲ-ꓓꓴ ꓕꓳꓽ ꓶ 28ꓽ2 ꓖꓳ ꓡꓱ ꓢꓲ ꓐꓶꓽ ꓒ ꓐꓴ ꓠꓬ ꓥꓪ ꓠꓴꓽ ꓔꓯ ꓮ ꓘꓶꓸ ꓙꓲˍꓟ ꓬꓰ ꓖꓶ ꓡ ꓡꓳ- ꓮ ꓡꓲꓳ ꓐꓯ ꓠꓬ ꓖꓳ ꓕꓯ ꓟꓶꓽ ꓦ ꓦ ꓠꓬꓲ-ꓸ ꓙꓬꓸꓸ_ꓟ ꓗꓪ ꓐꓰ ꓬꓲ ꓪꓽ ꓠꓬ ꓮꓸ ꓔꓳꓸ ꓝꓲ ꓖꓶꓽ ꓢꓲ-ꓸ ꓥꓪ ꓠꓴꓽ ꓮꓽ ꓙꓵ ꓢꓴ ꓔꓯ ꓘꓳ ꓣꓴ_ꓡꓳ=

ꓟꓮꓡꓔꓮ ꓟꓵꓽ ꓗꓪ ꓠꓬ ꓡꓳꓸ ꓬꓰ ꓟ ꓔꓲꓸꓹꓒꓽ ꓪ ꓔꓲ ꓙꓳꓧꓠ ꓑꓮꓴꓡ ꓲꓲ ꓠꓬ 1990 ꓘꓳꓼ 5 ꓦ 25-27 ꓕꓯꓽ ꓕꓲꓽ ꓧꓪꓹ 2010 ꓘꓳꓼ 4 ꓦ 17-18 ꓕꓯꓽ ꓔꓲꓸꓹꓒꓽ ꓪ ꓔꓲꓸ ꓐꓰꓠꓰꓓꓲꓚꓔ  ꓐꓰ ꓕꓲꓽ ꓧꓪꓹ ꓶꓽ ꓓꓳꓽ ꓫꓱꓸ ꓓꓳꓽ ꓚꓱ ꓗꓪ ꓐꓰ ꓙꓰ ꓛꓲ ꓔꓸ ꓟ ꓟꓵꓽ ꓥ ꓡꓳ=

Credit: VaticanNews