ꓙꓵꓻ ꓠꓲꓹ ꓕꓲꓽ ꓟ ꓐꓰ ꓕꓲꓽ ꓟ ꓪꓽ ꓡꓯ ꓘꓳ ꓢꓲ-ꓸ ꓢꓲ ꓡꓲ_ꓟ ꓚꓱꓹ ꓔꓯ ꓢꓯꓼ ꓕꓵꓼ

31ꓸ1ꓸ2020 ꓟꓶ-ꓚꓲ-ꓠ
ꓟꓶ-ꓚꓲ-ꓠ (ꓟꓚꓚ) ꓗꓪ ꓐꓰ ꓧꓳꓽ ꓪꓴꓸ ꓢꓲ꓾ 3ꓸ01ꓸ2020 ꓠꓬꓲ ꓕꓯ꓾ ꓡꓳ ꓒꓱ ꓘꓴꓽ ꓗꓪ ꓔꓬ ꓟ ꓙꓵ ꓠꓲꓹ ꓕꓲꓽ ꓟ ꓡꓰ ꓕꓲꓽ ꓟ ( ꓬꓰ-ꓢꓴ ꓔꓯ ꓘꓴ ꓣꓴ ꓔꓬ ꓢꓴ ꓐꓴꓗꓓꓮ꓾ ꓧꓲꓠꓓꓴ꓾ ꓲꓢꓡꓮꓟ ꓐꓰ ꓢꓲꓗ ꓙꓵ ꓠꓲꓹ) ꓗꓪ ꓟ ꓟꓬꓱꓽ ꓧꓳꓽ ꓪꓴꓸ ꓢꓴ ꓐꓴ ꓝꓮꓲ ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓟ ꓞꓳ ꓪꓴꓽ ꓞꓳ ꓟ ꓐꓴ ꓟꓬꓮꓠꓟꓮꓣ ꓞꓳ ꓫꓵꓽ ꓢꓲꓽ ꓒꓽ ꓐꓰ ꓕꓲꓽ ꓪꓺꓽ ꓜꓲꓼ ꓢꓴ 100 ꓟꓽ ꓞꓲ ꓠꓬ ꓟꓶ-ꓚꓲ-ꓠ ꓡꓳ ꓒꓱ ꓮꓪꓠꓖ ꓠꓮꓠ ꓢꓔꓸꓚꓳꓡꓴꓟꓐꓮꓠ ꓪꓽ ꓘꓴ ꓦꓲ ꓜꓲꓼ ꓔꓶꓸ ꓗꓪ ꓜꓲꓼ ꓛꓲ ꓡˍ ꓡꓳ=
ꓗꓴꓷꓼ ꓢꓲ ꓡꓲˍ ꓟ ꓐꓰ ꓪꓴꓽ ꓟꓴ ꓡ ꓠˍ ꓟ ꓙꓵꓻ ꓠꓲꓹ ꓮꓽ ꓙꓵꓽ ꓕꓲꓽ ꓠꓲꓹ ꓕꓲꓽ ꓪꓺꓽ ꓖꓪ ꓙꓱ ꓔꓬ ꓟ ꓥ ꓡꓳ=
ꓐꓴꓗ-ꓓꓮ ꓗꓪ ꓐꓰ ꓐꓯˍ ꓟ ꓠꓬ ꓚꓲꓸ ꓛꓬꓽ ꓞꓳ ꓫꓵꓽ ꓐꓴ ꓚꓲꓸ ꓛꓬꓽ ꓙꓵ ꓠꓲꓹ ꓔꓯ ꓒꓵꓽ ꓢꓲꓼ ꓙꓵ ꓔꓬ ꓟ ꓡꓰꓽ ꓐꓰ ꓠꓱꓸ ꓐꓯꓼ ꓙꓵ ꓠꓲꓹ ꓔꓯ ꓥˍ ꓟꓲ ꓒꓵꓽ ꓗꓴˍ ꓠꓬ꓾ ꓗꓴꓷꓼ ꓐꓰ ꓟꓲ ꓠꓯ ꓡꓽ ꓞꓳ ꓕꓲꓽ ꓜꓴ ꓡꓰ ꓕꓲꓽ ꓜꓴ ꓘꓴ ꓠꓯꓸꓼ ꓗꓪ ꓢꓲ ꓡꓲ ꓗ ꓛꓲꓽ ꓓꓴ ꓙꓳ ꓡˍ ꓥꓳ= ꓠꓬꓲꓸ ꓠꓬꓲ ꓣꓳ ꓐꓴ ꓤꓶ ꓦꓬꓼ ꓠꓬꓲ ꓗꓪ ꓢꓲ ꓡꓲˍ ꓟ ꓔꓯ ꓘꓳꓹ ꓣꓴ ꓐ ꓡ ꓠꓹ ꓟ ꓠꓬ꓾ ꓠꓬꓲꓸ ꓠꓬꓲ ꓟ ꓣꓳ ꓐꓴ ꓠꓯꓸꓼ ꓗꓪ ꓙꓵꓽ ꓪꓽ ꓐꓰ ꓣꓳꓽ ꓐꓴ ꓟꓬꓱꓽ ꓥ ꓡꓳ-ꓸ ꓐꓰ ꓐꓯ ꓔ ꓡꓳ=
ꓟꓲꓽ ꓕꓯꓽ ꓢꓲ ꓣꓳꓽ ꓐꓴ ꓮꓸ ꓐꓲ ꓮꓸ ꓟꓲꓽ ꓤꓶ ꓦꓬꓼ ꓠꓬꓲ ꓗꓪ ꓢꓲ ꓡꓲ ꓐꓰ ꓗꓹ ꓛꓲꓽ ꓠ ꓢ ꓠꓹ ꓟ ꓠꓬ ꓠꓬꓲꓹ ꓠꓬꓲ ꓟ ꓣꓳꓽ ꓐꓴ ꓕꓲꓽ ꓠꓲꓹ ꓕꓲꓽ ꓪꓼ ꓢꓯꓼ ꓕꓵꓼ ꓠ ꓗ ꓡꓳ=
ꓑꓰꓔꓰꓣ ꓥꓪ-ꓬꓳ-ꓢꓷ

Add new comment

3 + 9 =