ꓟꓬ-ꓟ ꓗꓴꓷꓼ ꓗ-ꓔꓳ-ꓡꓲ ꓔꓲ ꓓ ꓟ ꓐꓴ ꓣꓳ ꓗꓴꓷꓼ ꓐꓱ ꓶ ꓜꓽ ꓚꓲꓸ ꓚꓲꓸ ꓢꓲ꓾ ꓪ ꓘꓴ ꓠꓹ ꓟ ꓐꓯ ꓑꓶ ꓗꓷ ꓟ ꓚꓱꓼ

ꓗꓴꓷꓼ ꓢꓲ ꓡꓰ ꓗꓸ ꓛꓲꓽ ꓠꓼˍꓟ ꓐꓱ ꓶꓽ ꓪꓽ ꓘꓴ ꓔꓬ ꓟ-ꓸ

ꓟꓬ-ꓟ ꓗꓴꓷꓼ ꓗ-ꓔꓳ-ꓡꓲ ꓔꓲ ꓓ ꓟ ꓐꓴ ꓣꓳ ꓗꓴꓷꓼ ꓐꓱ ꓶ ꓜꓽ ꓚꓲꓸ ꓚꓲꓸ ꓢꓲ꓾ ꓪ ꓘꓴ ꓠꓹ ꓟ ꓐꓯ ꓑꓶ ꓗꓷ ꓟ ꓚꓱꓼ-ꓸ

 

            ꓟꓬ-ꓟ ꓗꓴꓷꓼ ꓗ-ꓔꓳ-ꓡꓲ ꓔꓲ ꓓ ꓟ ꓐꓴ ꓣꓳ ꓗꓴꓷꓼ ꓐꓱ ꓶ ꓜꓽ ꓚꓲꓸ ꓚꓲꓸ ꓢꓲ꓾ ꓪ ꓘꓴ ꓠꓹ ꓟ ꓐꓯ ꓑꓶ ꓗꓷꓳ-ꓸꓟꓬ-ꓟ ꓗꓴꓷꓼ ꓗ-ꓔꓳ-ꓡꓲ ꓔꓲꓸꓸ ꓒ ꓓ ꓐꓴ ꓠꓬ ꓗꓴꓷꓼ ꓘꓴꓽ ꓗꓪ ꓔꓬ ꓟ ꓪꓴ-ꓢ ꓟꓬꓱꓽ ꓬꓰ ꓔꓬ ꓢꓴ ꓜꓴ ꓮ ꓙꓵꓽ ꓐꓰ ꓢ-ꓢ-ꓠ ꓕꓲꓽ ꓟ ꓡꓱꓸꓼ 7 ꓠꓬꓲ 2 ꓦ ꓢꓲ ꓒ ꓦꓬꓼ ꓠꓬꓲ ꓗꓪ ꓜ ꓚꓲꓸ ꓚꓲꓸ ꓪꓽ ꓘꓴ ꓠꓬꓲ ꓐꓰ ꓢꓷꓸ ꓙ ꓟꓳ ꓙ ꓗꓷꓳ=

ꓔꓲꓸꓸ ꓒ ꓓ ꓴ ꓡꓰ ꓔꓲꓸꓸ ꓒ ꓐꓴ ꓐꓰ ꓘꓴ ꓜꓲꓼ ꓞꓳ ꓔꓯ ꓣꓳꓽ ꓗꓴꓷꓼ ꓢꓲ ꓡꓰ ꓡ ꓟ ꓐꓱ ꓶ ꓟꓲ-ꓢ ꓔꓲꓺ ꓖꓶꓽ ꓠ ꓟ ꓐꓯ ꓖꓶꓽ ꓗꓷꓳ=

ꓘꓴꓽ ꓜꓲꓼ ꓞꓳ ꓪꓴꓸ ꓓꓵ ꓣꓱꓽ ꓢꓴ ꓐꓴ ꓡꓰꓽ ꓔꓲꓸꓸ ꓒ ꓐꓴ ꓔꓯ ꓬꓲꓸ ꓪ ꓟꓸ ꓟꓲ ꓚꓸˍ ꓕꓯ ꓔꓲꓸꓸ ꓒ ꓓꓽ ꓚꓮꓣꓓꓲꓠꓮꓡ ꓚꓧꓮꓣꓡꓰꓢ ꓐꓳ ꓬꓲꓸ ꓡꓰ ꓐꓯ ꓑꓶꓸꓸ ꓔˍ ꓟ ꓙ ꓟꓳ ꓘꓶꓽ ꓔꓯ ꓣꓱꓽ ꓠ ꓟ ꓐꓱ ꓶ꓾ ꓬꓲꓸ ꓠꓬꓲꓸ ꓖꓶꓽˍ ꓡꓳ=

ꓔꓲꓸꓸ ꓒ ꓐꓴ ꓥˍ ꓟꓲ ꓢꓲ ꓒ ꓦꓬꓼ ꓠꓬꓲ ꓗꓪ ꓵˍ ꓟ ꓟꓸ ꓟꓲ ꓔꓯ ꓣꓱꓽ ꓢꓲ꓾ ꓣꓳꓽ ꓗꓴꓷꓼ ꓗꓪ ꓒꓬꓱꓼ ꓔꓬˍ ꓟ ꓫꓵꓽ ꓪꓴꓽ ꓔꓯ ꓔꓱꓸꓸ ꓕ ꓢꓲ ꓟꓸ ꓟꓲ ꓚꓸꓸ ꓠꓯˍ ꓡꓳ=

ꓟꓲ-ꓢ ꓔꓲꓸꓸ ꓟ ꓡꓰ ꓟ ꓛꓲ꓾ ꓫꓵꓽ ꓫꓵ ꓕꓲꓽ ꓙꓵ ꓣꓳꓽ ꓗꓴꓷꓽ ꓐꓱ ꓶ ꓪꓽ ꓘꓴ ꓠꓹ ꓟ ꓥꓳ=

2 ꓦ ꓟ 3 ꓠꓬꓲ ꓕꓯ꓾ ꓚꓮꓣꓓꓲꓠꓮꓡ ꓚꓧꓮꓣꓡꓰꓢ ꓐꓳ ꓡꓰ ꓐꓯ ꓑꓶꓸ ꓟꓶ ꓠꓬ “ꓢꓲ ꓡꓰ ꓚꓱ ꓔꓯ ꓣꓱꓽ ꓢꓲ ꓣꓳꓽ ꓠꓲꓹ ꓡꓶꓽ ꓔꓯ ꓟꓳꓸ ꓖꓶꓽ ꓠꓯˍ ꓡꓳ” ꓐꓰ ꓐꓯˍ ꓡꓳ=

ꓚꓮꓣꓓꓲꓠꓮꓡ ꓡꓰ ꓣꓳꓽ ꓗꓴꓷꓽ ꓢꓲ ꓡꓰ ꓟ꓾ ꓟꓶ ꓡꓰ ꓠꓹ ꓟ ꓠꓬ ꓫꓸ ꓕꓱ ꓖꓪ ꓙꓱ ꓡꓯꓼ ꓘꓳ ꓠꓹ ꓗˍ ꓡꓳ=

ꓚꓮꓣꓓꓲꓠꓮꓡ ꓠꓬ ꓣꓳꓽ ꓗꓴꓷꓼ ꓗꓪ ꓟꓶ ꓫꓵꓸꓸ ꓫꓵꓸꓸ ꓡꓰ ꓔꓳ ꓙꓳꓽ ꓔꓬˍ ꓟ ꓫꓸ ꓙꓵ ꓟꓶꓼ ꓓꓴ ꓕꓱ ꓟ ꓡꓳꓹ ꓬꓰ ꓠꓹ ꓟ ꓐꓱ ꓶ ꓬꓲꓸ ꓪꓽ ꓘꓴ ꓙ ꓖꓶꓽ ꓔꓬ ꓡꓳ ꓐꓰ ꓐꓯˍ ꓡꓳ=

 ꓬꓲꓸ ꓡꓰ ꓟꓬ-ꓟ ꓗꓴꓷꓽ ꓑ ꓫꓬ ꓐꓴ ꓢꓲ ꓡꓰ ꓡꓰˍ ꓐꓰ ꓔꓬ ꓠꓹ ꓟ ꓓꓰꓽ ꓡꓳ= “ꓣꓳꓽ ꓫꓵꓽ ꓮ ꓟꓬ ꓞꓰ ꓙꓰꓳ” ꓐꓰ ꓟꓲ ꓐꓯˍ ꓡꓳ=

ꓣꓳꓽ ꓗꓴꓷꓼ ꓠꓬ ꓠ ꓓꓱꓽ ꓓꓽ ꓟ ꓔꓱꓹ ꓙꓳ ꓔꓬ ꓠꓬ꓾ ꓠꓯꓸꓸ ꓞꓲꓼ ꓟꓸ ꓒꓽ ꓐꓴ꓾ ꓟꓵꓽ ꓟ ꓬꓰ ꓬꓰ ꓕꓽꓬꓰ ꓠꓹ ꓟ ꓚꓮꓣꓓꓲꓠꓮꓡ ꓓꓰꓽ ꓔ ꓡꓳ=

ꓬꓲꓸ ꓡꓰ ꓟꓯꓼ ꓢꓲꓽ ꓒ ꓐꓴ ꓥˍ ꓟꓲ ꓑ ꓫꓬ ꓐꓴ ꓔꓯ ꓢꓲ ꓡꓰ ꓟ ꓐꓰ ꓟꓬꓱ ꓓꓳꓽ ꓙꓳ ꓙꓳ ꓡꓰ ꓬꓰ ꓖꓶꓽ ꓡꓯ ꓐꓰ ꓬꓲꓼ ꓠꓬꓲꓸ ꓖꓶꓽ ꓔˍ ꓡꓳ=

“ꓓꓶꓽ ꓡꓯꓼ ꓘꓳ ꓔꓲꓸ ꓡꓯꓼ ꓘꓳꓽˍ ꓟ꓾ ꓕꓽ ꓙꓳ ꓝꓲ” ꓐꓰ ꓬꓰ ꓡꓰ ꓐꓯ ꓡꓳ= ꓝꓮꓲ꓾ ꓬꓲ ꓡꓰ ꓛꓳꓽ ꓔˍ ꓢꓴ ꓮ ꓙꓵꓽ ꓔꓯ ꓩꓴ ꓖꓶꓽ ꓠꓹ ꓟ ꓬꓲꓼ ꓠꓬꓲꓸ ꓖꓶꓽ ꓔ ꓡꓳ=

ꓟꓯꓼ ꓢꓲꓽ ꓒ ꓐꓴ ꓥˍ ꓟꓲ ꓕꓲꓽ ꓐꓱ ꓟ ꓑ ꓫꓬ ꓪꓴꓸ ꓓꓵ ꓣꓱꓽ ꓢꓴ ꓐꓴ ꓔꓯ ꓩꓴ ꓖꓶꓽ  ꓗꓷꓳ=

            ꓫꓵꓽ ꓪꓴꓽ ꓕꓱ ꓟ ꓓꓳꓸꓸ ꓡˍ ꓟ ꓠꓬ꓾ 11 ꓦ ꓟ 8 ꓠꓬꓲ ꓕꓯ ꓟꓯꓻ ꓧꓪꓸ ꓡꓰ ꓢꓴ ꓥˍ ꓟ ꓢꓲꓽ ꓒ ꓐꓴ ꓔꓯ꓾ ꓟꓽ ꓘꓳ ꓣꓴ ꓣꓴ ꓐꓰ ꓣꓴꓹ ꓞꓰ ꓗꓷ ꓢꓲ꓾ ꓟꓯꓼ ꓢꓲꓽ ꓒ ꓐꓴ꓾ ꓬꓲꓸ ꓪ ꓚꓳ ꓬꓲꓸ ꓪꓽ ꓗꓴꓷꓽ ꓙꓵꓽ ꓗ ꓔꓯ ꓫꓬꓹ ꓢꓲ꓾ ꓙꓵꓽ ꓔꓬ ꓟ ꓗꓪ ꓐꓰ ꓥˍ ꓡꓳ=

Add new comment

3 + 7 =