ꓟꓳꓸ-ꓔ-ꓡꓰꓸ ꓗꓪ ꓟꓴꓽ ꓖꓴꓽ ꓑꓱꓹ (ꓟꓴꓽ ꓖꓴꓽ ꓘꓶꓽ) ꓗꓷ ꓢꓲ ꓡ ꓞꓳ ꓕꓲ ꓣꓳ ꓐꓰ ꓮꓸ ꓠꓬꓲꓽ 4 ꓟ ꓫꓵꓻ ꓟ

ꓢꓲ-ꓖꓮꓲꓹ ꓟꓵꓽ ꓫꓴ꓾ ꓗ-ꓔ ꓡꓳ ꓒꓱ ꓟꓳꓸ-ꓔ-ꓡꓰꓸ ꓞꓳ ꓘꓹ ꓖꓳ ꓐ ꓢꓲ ꓗꓪ ꓙꓳˍ ꓟ ꓙ-ꓑ-ꓚꓬꓴꓹ-ꓢꓴ ꓞꓳ ꓘꓹ ꓗꓪ ꓟꓴꓽ ꓖꓴꓽ ꓘꓶꓽ ꓟꓴꓽ ꓖꓴꓽ ꓑꓱꓹ ꓗꓷ ꓢꓲ ꓮꓸ ꓠꓬꓲꓽ 4 ꓟ ꓐꓰ ꓤ ꓑ ꓤ ꓕꓲ ꓣꓳ ꓫꓵꓳ꓾ ꓐꓰ ꓖꓳ ꓗꓪ ꓔꓬ ꓢꓴ ꓑ ꓫꓬ ꓐꓴ ꓡꓰ ꓐꓯ ꓡꓳ=

5 ꓦ 5 ꓠꓬꓲ ꓟꓶꓽ ꓘꓶꓼ 7ꓽ00 ꓙꓵꓹ ꓛꓲ ꓕꓯ꓾ ꓓꓰ ꓟꓲ ꓗꓪ ꓐꓰ ꓮꓸ ꓠꓬꓲꓽ ꓡꓳꓼ ꓡꓰ ꓟꓲ ꓛꓬ ꓮꓸ ꓠꓳ ꓚꓰꓹ ꓢꓲ ꓞꓳ ꓘꓹ ꓗꓪ ꓬꓲꓼ ꓡ ꓔꓬ ꓟ ꓙꓻ ꓖꓴ ꓗꓪ ꓟꓴꓽ ꓖꓴꓽ ꓚꓱꓹ ꓬꓯꓼ ꓡꓰ ꓠꓬꓲ ꓫꓵꓻ ꓗꓷ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓫꓵꓻ ꓢꓴ ꓠꓬ ꓬꓲ ꓞꓲꓼ (39) ꓘꓳꓼ ꓙꓳˍ ꓟ ꓴ-ꓟꓳꓹ-ꓧꓰꓲꓠ-ꓕꓴ ꓟꓬꓱ ꓔ ꓢꓴ ꓥ ꓢꓲ꓾ ꓟꓲꓽ ꓕꓯꓽ ꓢꓲ ꓗꓪ ꓟ ꓮꓸ ꓠꓬꓲꓽ (2) ꓟ꓾ ꓗ ꓠꓯꓸ ꓢꓲ ꓗꓪ ꓟ ꓮꓸ ꓠꓬꓲꓽ (2) ꓟ ꓮ ꓙꓵꓽ 4 ꓟ ꓫꓵꓻ ꓟ ꓥ ꓡꓳ꓾ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ=

5 ꓦ 3 ꓠꓬꓲ ꓕꓯ ꓥˍ ꓟꓲ꓾ ꓗ-ꓛꓲ ꓗꓴꓷꓼ ꓫꓴ ꓟꓳꓹ-ꓗꓮꓴ ꓡꓳ ꓒꓱ꓾ ꓢꓸ-ꓟꓮꓪ ꓞꓳ ꓘꓹ ꓗꓪ ꓟꓴꓽ ꓖꓴꓽ ꓘꓶꓽ ꓟꓴꓽ ꓖꓴꓽ ꓑꓱꓹ ꓗꓷ ꓢꓲ꓾ ꓮꓸ ꓠꓬꓲꓽ 24 ꓟ ꓫꓵꓳ꓾ ꓐꓰ ꓢꓷꓸ ꓪ ꓡꓳ=