ꓟꓳ.-ꓠꓯꓹ ꓡꓳ ꓒꓱ ꓗꓪ ꓬꓰ ꓔꓬ ꓟ ꓡꓲ-ꓢꓴ ꓕꓳ: ꓶ ꓐꓰ ꓪꓴ-ꓢ ꓐꓯ ꓘꓶ: ꓟ. ꓖꓶ ꓓꓳ ꓡꓰꓳ=

ꓔꓮꓳ:-ꓖꓬꓲ. ꓢ-ꓢꓶ-ꓠ: ꓟꓳ.-ꓠꓯꓹ ꓡꓳ ꓒꓱ꓾ ꓟꓯ:-ꓤ-ꓡꓲ: ꓘꓹ ꓗꓪ ꓦ ꓐ ꓡꓴ. ꓡꓴ. ꓟ. ꓒ ꓟ. ꓟ ꓐꓴ ꓡꓰ ꓟ. ꓖꓶ ꓔꓬ ꓟ ꓡꓲ-ꓢꓴ ꓕꓳ: ꓶ ꓐꓰ ꓪꓴ-ꓢ ꓐꓯ ꓘꓶ: ꓢꓳꓺ ꓜꓲꓼ ꓓꓴ ꓔꓯ 4ꓦ 14 ꓠꓬꓲ ꓕꓯ ꓢꓳꓺ ꓡꓳꓹ ꓬꓰ ꓟ ꓥ ꓡꓳ=

ꓢꓳꓺ ꓜꓲꓼ ꓓꓴ ꓕꓱ ꓟ ꓠꓬ ꓦ ꓐ ꓡꓴ. ꓡꓴ. ꓜꓴꓻ ꓐꓴ ꓡꓰ ꓟ. ꓖꓶ ꓔꓬ ꓟ 8 ꓧꓪꓹ ꓕꓲ ꓧꓪꓹ ꓟ ꓥ ꓡꓳ꓾ ꓐꓰ ꓢꓷ. ꓪˍ ꓡꓳ= ꓦ ꓐ ꓡꓴ. ꓡꓴ. ꓟ. ꓒ ꓟ. ꓟ ꓐꓴ ꓠꓬ ꓔꓮꓳ:-ꓖꓬꓲ. ꓢ-ꓢꓶ-ꓠ: ꓟꓳ.-ꓠꓯꓹ ꓡꓳ ꓒꓱ ꓗꓪ ꓟ ꓔꓲꓺ ꓒ ꓐꓰ ꓟꓯ:-ꓤ-ꓡꓲ: ꓘꓹ ꓗꓪ ꓟ ꓢꓲꓺ ꓤ ꓐꓴ ꓡꓰ ꓘꓴ ꓔ ꓟ ꓪꓴ. ꓠꓬꓲ ꓬꓲ ꓪ ꓐꓴ ꓠꓬ ꓡ-ꓫꓬꓳ ꓢ-ꓢꓶ-ꓠ: ꓗꓪ ꓐꓰ ꓡ ꓢꓲ ꓟ. ꓖꓶ ꓗꓷ ꓟ ꓥ ꓡꓳ=

ꓢꓳꓺ ꓜꓲꓼ ꓓꓴ ꓗꓪ ꓡꓲ-ꓢꓴ ꓕꓳ: ꓶ ꓢꓳꓺ ꓟꓶˍ ꓟ ꓡꓰ: ꓟ: ꓞꓲꓺ ꓪꓴ-ꓢ ꓐꓯ ꓘꓶ: ꓟ. ꓖꓶˍ ꓟ ꓗꓪ ꓐꓰ ꓘ-ꓣꓲ-ꓢ-ꓟꓮ ꓢꓯꓼ ꓪ ꓘꓳꓹ ꓣꓴ ꓟꓶ ꓡꓰ ꓟ (18) ꓣꓳ꓾ ꓘꓴ ꓜꓲꓼ ꓞꓳ ꓡꓲ: ꓗꓪ ꓐꓰ ꓡꓯ: ꓒꓯꓹ ꓝ ꓟꓶ ꓢꓴ (2) ꓙꓱꓻ꓾ ꓘꓴ ꓜꓲꓼ ꓞꓳ ꓒꓳꓹ ꓗꓪ ꓓꓵ: ꓡ ꓢꓲ ꓖꓳ ꓓꓱ: ꓔꓲꓹ ꓟꓶ ꓡꓰ ꓢꓴ ꓞꓳ ꓦꓲꓻ 4 ꓦꓲꓻ ꓙꓳ ꓡꓰꓳ꓾ ꓐꓰ ꓢꓷ. ꓪˍ ꓡꓳ= 

ꓡꓲ-ꓢꓴ ꓕꓳ: ꓶ ꓐꓰ ꓪꓴ-ꓢ ꓐꓯ ꓘꓶ: ꓟ. ꓖꓶˍ ꓟ ꓦꓬꓼ ꓠꓬꓲ ꓠꓬ 24.3.2022 ꓗꓪ ꓐꓰ 18.4.2022 ꓗꓪ ꓛꓲꓺ ꓟ. ꓖꓶ ꓗꓷ ꓟ ꓥꓳ=