ꓟꓵꓽ ꓗꓳꓹ ꓓꓵꓺ ꓓꓵꓺ ꓚꓲꓸ ꓛꓬ ꓔꓬꓹ ꓟ ꓦꓲꓻ ꓾ ꓟꓵꓽ ꓔꓯ ꓡꓳꓺ ꓗꓷ ꓢꓲ ꓾ ꓕꓲꓽ ꓖꓺ ꓗꓪ ꓘꓷꓹ ꓙꓰ ꓢꓴ ꓐꓴ ꓐꓰ ꓫꓸ ꓙꓵꓻ ꓔꓬꓹ ꓢꓴ ꓐꓴ ꓠꓬꓲ ꓗꓪ ꓔꓲꓺ ꓒ ꓪ ꓔꓲ Francis ꓡꓰ ꓟꓲ-ꓢ ꓔꓲꓺ ꓖꓶꓽ꓾ ꓪꓽ ꓘꓴ ꓖꓶꓽˍ ꓥꓳ=

ꓟꓵꓽ ꓗꓳꓹ ꓓꓵꓺ ꓓꓵꓺ ꓚꓲꓸ ꓛꓬ ꓔꓬꓹ ꓟ ꓦꓲꓻ ꓾ ꓟꓵꓽ ꓔꓯ ꓡꓳꓺ ꓗꓷ ꓢꓲ ꓾ ꓕꓲꓽ ꓖꓺ ꓗꓪ ꓘꓷꓹ ꓙꓰ ꓢꓴ ꓐꓴ ꓐꓰ ꓫꓸ ꓙꓵꓻ ꓔꓬꓹ ꓢꓴ ꓐꓴ ꓠꓬꓲ ꓗꓪ ꓔꓲꓺ ꓒ ꓪ ꓔꓲ Francis ꓡꓰ ꓟꓲ-ꓢ ꓔꓲꓺ ꓖꓶꓽ꓾ ꓪꓽ ꓘꓴ ꓖꓶꓽˍ ꓥꓳ=   

9 ꓦ ꓟ 22 ꓠꓬꓲ꓾ 2019

ꓕꓲꓽ ꓠꓽ ꓡꓰ ꓕꓲꓽ ꓠꓽ ꓜꓲꓼ ꓡꓳꓽˍ ꓟ ꓞꓳ ꓜꓴꓻ ꓜꓲꓼ ꓡꓳꓽ ꓓꓴ ꓐꓰ Angelus ꓪꓽ ꓘꓴˍ ꓟ ꓗꓪ ꓛꓲ ꓡˍ ꓟ 9 ꓦ ꓟ 29 ꓠꓬꓲ ꓠꓽ-ꓦꓬ-ꓠꓬꓲ ꓗꓪ ꓛꓲ ꓡꓹ ꓟ 105 ꓧꓪꓹ ꓟꓵꓽ ꓗꓳꓹ ꓓꓵꓺ ꓓꓵꓺ ꓚꓲꓸ ꓛꓬ ꓔꓬꓹ ꓟ ꓦꓲꓻ꓾ꓟꓵꓽ ꓔꓯ ꓡꓳꓺ ꓗꓷ ꓢꓲ꓾ ꓕꓲꓽ ꓖꓺ ꓗꓪ ꓘꓷꓹ ꓙꓰ ꓢꓴ ꓐꓴ ꓠꓬꓲ ꓠꓯꓼ ꓠꓯꓼ 10ꓽ30ꓙꓵꓹ ꓕꓯ ꓔꓲꓺ ꓒꓽ ꓪ ꓔꓲ Francis ꓗꓪ ꓐꓰ ꓙꓲꓻ ꓫꓬ ꓢꓴ ꓒꓲ-ꓕꓱ ꓑꓹ ꓗꓪ ꓟꓲ-ꓢ ꓔꓲꓺ ꓖꓶꓽ꓾ ꓪꓽ ꓘꓴ ꓖꓶꓽˍ ꓥꓳ꓾ ꓐꓰ ꓐꓯ ꓑꓶꓻ ꓗꓷ ꓟ ꓥꓳ=

ꓖꓳ ꓑꓹ ꓗꓪ ꓜꓲꓼ ꓛꓲ ꓡ ꓢꓴ ꓐꓴ ꓔꓯˍ ꓟꓲ ꓪꓽ ꓘꓴˍ ꓟ ꓗꓪ ꓐꓰ ꓫꓸ ꓙꓵꓻ ꓔꓬꓹ ꓢꓴ ꓐꓴ ꓐꓰ ꓕꓲꓽ ꓪꓺꓽ ꓔꓬꓹ ꓟ ꓔꓯ ꓟꓳꓸ ꓖꓶꓽ ꓠꓹ ꓟ ꓬꓲꓸ ꓪꓽ ꓐꓴ ꓐꓰ ꓕꓲꓽ ꓪꓺꓽ ꓫꓸ ꓙꓵꓻ ꓔꓬꓹ ꓢꓴ ꓐꓴ ꓐꓱ ꓶ ꓪꓽ ꓘꓴ ꓖꓶꓽ ꓗꓷꓳ=

ꓟꓲ-ꓢ ꓔꓲꓺ ꓖꓶꓽˍ ꓟ ꓖꓳ ꓟ ꓔꓯ ꓲ-ꓔ-ꓡꓲ ꓗꓴꓷꓼ ꓔꓲꓺ ꓒꓽ ꓓꓽ ꓐꓴ ꓜꓴꓻ ꓐꓰ ꓔꓲꓺ ꓒꓽ ꓪ ꓔꓲ ꓣꓳꓹ ꓞꓳ ꓤ ꓤꓶꓻ ꓪꓴꓽ ꓟꓴ ꓡ ꓠ ꓛꓵꓹ ꓔꓴꓺ ꓖꓶꓽˍ ꓟ  ꓜꓴꓻ ꓐꓴ ꓗꓪ ꓐꓰ ꓫꓸ ꓙꓵꓻ ꓔꓬꓹ ꓢꓴ ꓮꓽ ꓙꓵꓽ ꓐꓱ ꓶ꓾ ꓟꓬꓽ ꓠꓬꓲ ꓚꓲꓸ ꓛꓬꓼ ꓔꓬꓹ ꓖꓴ ꓔꓯ ꓡꓳꓺ ꓗꓷ ꓢꓲ ꓕꓲꓽ ꓖꓺ ꓗꓪ ꓘꓷꓹ ꓙꓰ ꓢꓴ꓾ ꓪꓴꓽ ꓜꓽ ꓗꓷˍ ꓟ ꓟꓶ ꓢꓴ ꓐꓴ ꓐꓰ ꓠꓲꓹ ꓟ ꓙꓽ ꓫꓸ ꓔꓬꓹ ꓟ ꓦꓲ ꓘꓴꓽ ꓢꓴ ꓐꓴ ꓐꓱ ꓶ ꓔꓶꓻ ꓙꓱꓼ ꓬꓰ ꓢꓲ ꓔꓲꓺ ꓖꓶꓽˍ ꓥꓳ ꓐꓰ ꓟꓳꓸ ꓖꓶꓽ ꓔ ꓡꓳ=

Credit to Vatican News 

https://bit.ly/2kXEJeU