ꓟꓵꓽ ꓗꓳꓼ ꓓꓵ ꓓꓵ ꓟ ꓓꓳꓽ

ꓡꓽ ꓞꓳ ꓧꓪꓽ ꓖꓳꓸꓹ ꓓꓱꓽ ꓚꓱꓼ ꓐꓰ ꓚꓳꓸꓹ ꓡꓳꓸꓹ ꓡꓳꓸꓹ ꓗꓪ ꓟ ꓢꓯꓸ ꓫꓵꓽ ꓢꓯꓸ ꓙꓵꓽ ꓝꓸ ꓡꓯꓼ ꓘꓳ_ꓟ-ꓸ

ꓞꓳ ꓤꓽ ꓧꓪꓽ ꓖꓳ ꓓꓱꓽ ꓠꓸꓹ ꓓꓴ ꓒꓬꓽ ꓓꓴ ꓚꓱꓼ ꓐꓰ ꓣꓳꓽ ꓚꓳꓸꓹ ꓡꓳ ꓗꓪ ꓙꓳ ꓔꓬ ꓟ ꓟꓶꓽ ꓘꓳꓼ ꓦꓬꓼ ꓠꓬꓲ ꓐꓰ ꓢꓲꓼ ꓜꓲ ꓡꓳ ꓜꓲ ꓮꓽ ꓙꓵꓽ ꓠꓬ ꓕꓲꓽ ꓟ ꓐꓰ ꓕꓲꓽ ꓟ ꓝꓸ ꓡꓯꓼ ꓘꓳ_ ꓟ ꓔꓯꓸ COVID ꓠꓸꓹ ꓫꓵꓽ ꓓꓽ ꓡꓰꓽ ꓟꓸ ꓖꓶꓽ ꓔꓬ ꓡꓳ ꓐꓰꓼ ꓔꓲꓸꓹꓒꓽ ꓓꓽ Pope Francis ꓡꓰꓽ Vatican ꓜꓲꓼ ꓓꓴ ꓗꓪ ꓐꓯꓼ_ ꓡꓳ=

ꓡꓽ ꓞꓳ ꓐꓰ ꓟꓲ-ꓠꓯ ꓗꓪ ꓙꓳ_ꓟ ꓮꓽ ꓙꓵꓽ ꓕꓲꓽ ꓟ ꓐꓰ ꓕꓲꓽ ꓟ ꓙ ꓡꓯꓼ ꓘꓳ-ꓸ ꓝꓸ ꓡꓯꓼ ꓘꓳ_ꓟ ꓔꓯꓸ ꓟꓳꓸ ꓖꓶꓽ ꓔꓸ ꓟ ꓥ ꓡꓳ-ꓸ

“ꓪꓴ-ꓢ ꓡꓰꓽ ꓚꓰꓼ ꓔꓸ ꓟ ꓮꓽ ꓙꓵꓽ ꓠꓬ ꓕꓲꓽ ꓫꓵꓽ ꓐꓰ ꓕꓲꓽ ꓫꓵꓽ ꓔꓳꓼ ꓙ ꓡꓯꓼ ꓘꓳ_ꓟ ꓥ ꓢꓲ-ꓸ ꓬꓲꓸ ꓡꓰꓽ ꓟꓲ-ꓠꓯ ꓡꓽ ꓞꓳ ꓔꓯ ꓦ ꓡꓱ ꓐꓳ ꓐꓳꓼ ꓡꓯꓼ ꓙꓱ ꓔꓸ ꓡꓳ-ꓸ ꓬꓲꓸ ꓡꓰꓽ ꓖꓶꓽ ꓢꓲꓸ ꓡꓯꓼ ꓙꓱ ꓔꓸ ꓟ ꓟꓲ-ꓠꓯ ꓕꓱ ꓟ ꓔꓯ-ꓸ ꓮꓽ ꓔꓳ ꓔꓳꓸꓹ ꓣꓱꓽ ꓢꓴ ꓠꓬ ꓟꓲ-ꓠꓯ ꓡꓽ ꓞꓳ ꓮꓽ ꓙꓵꓽ ꓢꓴ ꓕꓯꓽ ꓢꓲꓸꓹꓠꓸꓹ ꓓꓴ ꓒꓬꓽ ꓓꓴ ꓐꓰꓼ ꓐꓬ ꓡꓰ ꓝꓲꓹ_ꓢꓴ ꓥ ꓡꓳ ꓐꓰ ꓐꓯ ꓗꓷꓳ=

ꓝꓮꓲ ꓡꓽ ꓞꓳ  ꓕꓲꓽ ꓣꓳ ꓐꓰ ꓕꓲꓽ ꓣꓳ ꓠꓵ ꓠꓲꓹ ꓙꓽ ꓗꓳ ꓠꓲꓹ ꓫꓱꓸ ꓤꓼ ꓠ ꓗ_ꓡꓳ-ꓸ ꓠꓸꓹ ꓫꓵꓽ ꓓꓽ ꓦꓬꓼ ꓠꓬꓲ ꓙꓵꓼ ꓗꓪ ꓦꓼ_ꓟꓲ ꓢꓯꓼ ꓐꓽ ꓢꓴ-ꓸ ꓠꓸꓹ ꓔꓬ ꓢꓴ ꓐꓰ ꓞꓲꓼ ꓪꓴꓽ ꓢꓴ ꓮꓽ ꓙꓵꓽ ꓔꓯ ꓬꓰꓙ ꓔꓳꓼ ꓙ ꓠ ꓗꓸꓹ ꓡꓳ ꓐꓰ ꓐꓯ_ꓡꓳ=

ꓣꓳꓽ ꓐꓴ ꓮꓽ ꓙꓵꓽ ꓦꓲ-ꓓꓽ ꓥꓼ_ꓟ ꓟꓲ-ꓠꓯ ꓕꓱ ꓟ ꓐꓰ ꓙꓳ_ꓟ ꓮꓽ ꓙꓵꓽ ꓔꓯꓹ ꓠꓵ  ꓠꓲꓹ ꓡꓰꓽ ꓤ ꓟꓳ ꓖꓶꓽ ꓠꓼ ꓟ ꓮꓽ ꓘꓶꓸ ꓣꓳꓸ ꓚꓵꓹ ꓡꓳ-ꓸ ꓙꓯꓸꓹ ꓟꓵꓽ ꓗꓪ ꓟ ꓪꓽ ꓥꓼ_ꓟꓲ ꓬꓵ ꓡꓵꓽ ꓐꓱ ꓓꓽ ꓗꓪ ꓛꓲ ꓡꓰ ꓢꓲꓼ ꓦꓬꓼ ꓠꓬꓲ ꓟꓶꓽ ꓘꓳꓼ ꓐꓬ ꓡꓰ_ꓟ ꓥꓼ ꓟꓲ ꓮꓽ ꓟꓬ ꓙꓳ ꓡꓰꓳ-ꓸ ꓕꓱ ꓟ ꓔꓯꓸ ꓝꓮꓲꓸ ꓓꓽ ꓔꓳꓼ ꓐ ꓡ ꓠꓼ ꓟ ꓠꓬ-ꓸꓟꓲ-ꓠꓯ ꓡꓽ ꓞꓳ ꓮꓽ ꓙꓵꓽ ꓕꓲꓽ ꓠꓲꓹ ꓕꓲꓽ ꓪꓼ ꓢꓯꓼ ꓕꓵꓼ ꓠ_ꓟ ꓬꓲꓸ ꓙꓵꓸꓹ ꓛꓲ ꓔꓬ ꓪ ꓐꓰ  ꓢꓷꓸ ꓙ ꓟꓳꓸ ꓙ ꓖꓶꓽ_ ꓟ ꓔꓯ (VOA)  ꓓꓳꓽ ꓗꓪ ꓐꓳ ꓔꓸ ꓡꓳ=

Source; VOAnews

#vatican News