ꓡꓹ ꓜꓶꓼ ꓒꓵꓽ ꓮ ꓘꓶꓸ ꓞꓰ ꓡꓰ ꓟ ꓑꓶ ꓓꓴ ꓡꓹ ꓜꓶꓼ ꓔꓶꓺ ꓢꓴ ꓐꓴ ꓞꓳꓸ ꓡꓰ ꓓꓴ ꓔꓳꓹ ꓜꓳ ꓔꓬ ꓟ꓾

Thursday, April 25, 2024

ꓡꓹ ꓜꓶꓼ ꓒꓵꓽ ꓮ ꓘꓶꓸ ꓞꓰ ꓡꓰ ꓟ ꓑꓶ ꓓꓴ ꓡꓹ ꓜꓶꓼ ꓔꓶꓺ ꓢꓴ ꓐꓴ ꓞꓳꓸ ꓡꓰ ꓓꓴ ꓔꓳꓹ ꓜꓳ ꓔꓬ ꓟ꓾

ꓡꓹ ꓜꓶꓼ ꓒꓵꓽ ꓮ ꓘꓶꓸ ꓞꓰ ꓡꓰ ꓔꓬ ꓟ ꓑꓶ ꓓꓴ ꓮꓬꓰ-ꓬꓮꓣ-ꓪ-ꓔꓲ ꓟꓵꓽ ꓫꓴꓺ ꓓꓽ ꓘꓴꓽ ꓗꓪ ꓡꓹ ꓜꓶꓼ ꓔꓶꓻ ꓢꓴ ꓐꓴ ꓞꓳꓸ ꓡꓰ ꓓꓴ ꓔꓳꓹ ꓜꓳ ꓡꓰ ꓢꓲ꓾ ꓒꓴ ꓛꓵ ꓔ ꓟ ꓔꓯ ꓝꓱꓹ ꓠꓹ ꓟ ꓫꓸ ꓔꓬ ꓡꓳ ꓐꓰ ꓞꓳ ꓘꓹ ꓢꓴ ꓐꓴ ꓗꓪ ꓐꓰ ꓢꓷꓸ ꓪ ꓡꓳ= ꓟꓬꓱꓽ ꓬꓰ ꓜ ꓢꓴ ꓐꓴ ꓗꓪ ꓐꓰ ꓔꓶꓻ ꓜ ꓠꓹ ꓟ ꓐꓱ ꓶ ꓒꓴ ꓛꓵ ꓢꓲ ꓔꓶꓻ ꓔ ꓥ ꓟꓲ ꓡꓹ ꓜꓶꓼ ꓒꓵ ꓟꓽ ꓙꓳ ꓟ ꓑꓶ ꓓꓴ ꓫꓸ ꓔꓬ ꓟ ꓥꓳ=

“ꓕꓱ ꓕꓲ ꓘꓳꓼ ꓗꓪ ꓡꓹ ꓜꓶꓼ ꓒꓵꓽ ꓙꓳ ꓡ ꓥꓳ ꓐꓰ ꓓꓵꓽ ꓙ ꓢꓲ ꓔꓶꓻ ꓔ ꓟ ꓥꓳ= ꓔꓶꓻ ꓓꓳ ꓗ ꓠꓯꓸ ꓟꓽ ꓟꓶ ꓫꓵꓻ ꓕꓯ ꓟꓶꓽ ꓦ ꓜꓯꓼ ꓡ ꓢꓲ꓾ ꓦ ꓟꓲ ꓮ-ꓗꓼ ꓮ ꓟꓬꓹ ꓐꓬ ꓡꓰ ꓟ ꓥꓳ꓾ ꓮ ꓟꓶ ꓡꓹ ꓜꓶꓼ ꓒꓵꓽ ꓠꓬ 5 ꓔꓴ ꓗꓪ ꓐꓰ 3 ꓔꓴ ꓛꓲ ꓞꓰ ꓡꓰ ꓟ ꓑꓶ ꓓꓴ ꓪꓴꓽ ꓜ ꓥ ꓟꓲ ꓞꓳꓸ ꓡꓰ ꓟ ꓥꓳ꓾ ꓕꓱ ꓡꓰ ꓐꓰ ꓪꓴꓽ ꓜ ꓠꓬ ꓥꓪ ꓠꓴ ꓐꓱ ꓶ ꓟꓽ ꓜꓶ ꓡꓰ ꓟ ꓡꓰ ꓟꓽ ꓞꓶ ꓒꓴ ꓛꓵ ꓧꓹ ꓟ ꓔꓯ ꓥ ꓟꓲ ꓟꓽ ꓜꓱꓹ ꓪ ꓡꓰ ꓗꓷ ꓡꓰ ꓟ ꓥꓳ꓾” ꓐꓰ ꓟꓬꓱꓽ ꓬꓰ ꓜ ꓢꓴ ꓕꓲ ꓣꓳ ꓡꓰ ꓐꓯ ꓔ ꓡꓳ=

ꓮꓬꓰ-ꓬꓮ-ꓪ-ꓔꓲ ꓟꓵꓽ ꓫꓴꓻ ꓗꓪ ꓡꓹ ꓜꓶꓼ ꓔꓶꓻ ꓟ ꓦ ꓟꓲ ꓮ-ꓗꓼ ꓮ ꓟꓬꓹ ꓙꓳ ꓟ ꓥ ꓢꓲ꓾ ꓡꓹ ꓜꓶꓼ ꓬꓲꓸ ꓒꓵ ꓟꓽ ꓙꓳ ꓟ ꓑꓶ ꓓꓴ ꓔꓶꓻ ꓜ ꓢꓴ ꓐꓴ ꓞꓳꓸ ꓡꓰ ꓓꓴ ꓔꓳꓹ ꓜꓳ ꓡꓰ ꓟ ꓥ ꓢꓲ꓾ ꓲ-ꓓꓲ-ꓬ ꓗꓴꓷꓼ ꓗꓪ ꓐꓰ ꓡꓹ ꓜꓶꓼ ꓮ ꓘꓶꓸ ꓟꓽ ꓪꓴꓽ ꓗꓷ ꓡꓰ ꓟ ꓑꓶ ꓓꓴ ꓡꓹ ꓜꓶꓼ ꓒꓵ ꓞꓰ ꓡꓰ ꓟ ꓥ ꓡꓳ ꓐꓰ ꓞꓳ ꓞꓹ ꓢꓴ ꓐꓴ ꓗꓪ ꓐꓰ ꓢꓷꓸ ꓪ ꓡꓳ=