ꓡ ꓠꓹ ꓟ ꓥꓪꓽ ꓦ (14) ꓠꓬꓲ ꓗꓪ ꓐꓰ (20) ꓠꓬꓲ ꓘꓴꓽ ꓗꓪ ꓐꓲꓠ-ꓖ-ꓡ ꓠꓯꓻ ꓬꓲ ꓗꓪ ꓟꓲꓽ ꓦꓲ ꓕꓳꓽ ꓥꓳꓽ ꓤ ꓕꓲ ꓟ ꓒꓬꓱꓼ ꓡ ꓓꓴ ꓙꓳˍ ꓡꓳ꓾

Wednesday, May 08, 2024

ꓡ ꓠꓹ ꓟ ꓥꓪꓽ ꓦ (14) ꓠꓬꓲ ꓗꓪ ꓐꓰ (20) ꓠꓬꓲ ꓬꓲ ꓘꓴꓽ ꓗꓪ ꓐꓲꓠ-ꓖ-ꓡ ꓠꓯꓻ ꓬꓲ (ꓬꓲꓻ ꓡꓴꓽ ꓐꓱ) ꓘꓴꓽ ꓗꓪ ꓟꓲꓽ ꓦꓲ ꓕꓳꓽ ꓥꓳꓽ ꓤ ꓕꓲ ꓟ ꓒꓬꓱꓼ ꓡ ꓗꓴꓸˍ ꓡꓳ ꓐꓰ ꓟꓵꓽ ꓘꓳꓼ ꓔꓯ ꓡꓳꓸ ꓠꓬꓲ ꓢꓴ ꓢꓴ-ꓢꓴ-ꓢꓯꓥ ꓡꓰ ꓐꓯˍ ꓡꓳ=

ꓬꓲ ꓡꓰ ꓐꓯ ꓟ ꓠꓬ꓾ ꓠꓯ ꓬꓲꓻ ꓞꓻ ꓢꓯꓼ ꓟꓴ ꓓꓯꓻ ꓡ ꓔꓬ ꓠꓬꓲ꓾ ꓬꓲ ꓢꓯꓼ ꓪꓽ ꓠꓬꓲˍ ꓟ ꓟꓲꓽ ꓦꓲ ꓕꓳꓽ ꓥꓳꓽ ꓒꓬꓱꓼ ꓡˍ ꓟ ꓚꓱꓹ ꓙꓳˍ ꓟ ꓑꓶꓸ ꓓꓴ ꓟꓵꓽ ꓘꓳꓼ ꓔꓯ ꓬꓲ ꓙꓲꓻ ꓡꓳꓸ ꓠꓬꓲ ꓚꓬꓹ ꓠꓬꓲ ꓔꓬ ꓡꓳ꓾ ꓐꓰ ꓮ ꓟꓰ 5 ꓦ 7 ꓠꓬꓲ ꓕꓯ ꓐꓯ ꓡꓳ=

ꓮ ꓟꓶ ꓥꓪꓽ ꓦ ꓘꓴꓽ ꓗꓪ ꓧꓶꓸ ꓕꓯ ꓟ ꓢꓶꓸ ꓟꓽ ꓞꓲꓺ ꓞꓻ ꓡˍ ꓟ ꓥ ꓢꓲ꓾ ꓥꓪꓽ ꓦ ꓡꓳꓹ ꓬꓰˍ ꓕꓲ ꓠꓽ ꓗꓪ ꓐꓲꓠ-ꓖ-ꓡ ꓠꓯ ꓬꓲ ꓗꓪ ꓟꓲꓽ ꓦꓲ ꓢꓯꓼ ꓠꓲꓸˍ ꓟ ꓒꓬꓱꓼ ꓡ ꓢꓲ ꓠꓬꓲ꓾ 6 ꓦ ꓬꓲ ꓪꓴꓸ ꓕꓲ ꓠꓽ ꓗꓪ ꓣ-ꓘꓮꓲ ꓗꓴꓷꓼ ꓫꓴ ꓖꓴ ꓪꓴꓸ꓾ ꓥ ꓠꓬ꓾ ꓐꓲꓠ-ꓖ-ꓡ ꓗꓴꓷꓼ ꓢꓲ-ꓔ-ꓗꓮꓴ ꓗꓴꓷꓼ ꓫꓴ ꓗꓪ ꓟꓲꓽ ꓦꓲ ꓕꓳꓽ ꓥꓳꓽ ꓙꓱꓼ ꓡ ꓓꓴ ꓙꓳˍ ꓡꓳ꓾ ꓐꓰ ꓬꓲ ꓡꓰ ꓐꓯ ꓔ ꓡꓳ=