ꓣꓦꓮ ꓡꓲ-ꓢꓴ ꓓꓳꓽ

 1. ꓤ ꓠꓱ ꓤ ꓕꓲ ꓣꓳ ꓡꓰ ꓔꓲꓸꓸ ꓒ ꓪ ꓔꓲ Francis ꓔꓯ Ukraine ꓗꓪ ꓟ ꓤ ꓠꓱ ꓤ ꓐꓴ ꓮ ꓙꓵ: ꓔꓯ ꓚꓬꓴ ꓙ ꓠꓹ ꓟ ꓐꓱ ꓶ Ukraine ꓗꓪ ꓡ꓾ ꓟꓽ ꓡ ꓠ ꓠꓬꓲˍ ꓟ ꓓꓳꓽ

ꓡꓳꓹ ꓬꓰ ꓟ ꓠꓽ ꓛꓳꓼ ꓠꓬꓲ ꓕꓯ ꓤ ꓠꓱ ꓤ ꓕꓲ ꓣꓳ ꓡꓰ ꓔꓲꓸꓸ ꓒ ꓪ ꓔꓲ Pope Francis ꓔꓯ Ukraine ꓗꓪ ꓫ ꓓꓴ ꓟꓶ ꓓꓴ ꓔꓳꓹ ꓜꓳꓽ ꓔꓬ ꓟ ꓤ ꓠꓱ ꓤ ꓐꓴ ꓮ ꓙꓵꓽ ꓔꓯ ꓚꓬꓴꓸ ꓙ ꓠꓹ ꓟ ꓐꓱ ꓶ Ukraine ꓗꓪ ꓡ꓾ ꓟꓽ ꓡ ꓐꓰ ꓐꓯ ꓢꓲ ꓠ ꓠꓬꓲ ꓗꓷꓳ꓾ ꓐꓰ ꓢꓷꓸ ꓪ ꓡꓳ= ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ ꓐꓰ ꓘꓴ ꓜꓲꓼ ꓞꓳ ꓗꓪ ꓟ ꓤ ꓠꓱ ꓐꓴ ꓮ ꓙꓵꓽ (160) ꓛꓲ ꓔꓲꓺ ꓒ ꓪ ꓔꓲ ꓐꓰ ꓫ ꓕꓱˍ ꓟ ꓙꓵꓹ ꓗꓪ ꓤ ꓠꓱ ꓤ ꓡꓰ ꓠ ꓠꓬꓲ ꓗꓷ ꓟ ꓥ ꓡꓳ= ꓕꓱ ꓤ ꓠꓱ ꓤ ꓟꓬꓱꓻ ꓠꓬ Sachar ꓥ ꓢꓲ Ukraine ꓗꓪ ꓐꓰ Rome ꓗꓪ ꓟꓯꓼ ꓘꓰꓹ ꓢꓴ ꓕꓲ ꓣꓳ ꓥ ꓡꓳ꓾ ꓐꓰ ꓢꓷꓸꓪ ꓡꓳ=

2 .ꓴꓢꓮ ꓗꓴꓷꓼ Philadelphia ꓡꓳ ꓒꓱ ꓗꓪ ꓡ ꓛꓴꓸ ꓐꓶ ꓡ ꓢꓲ (3 )ꓣꓳ ꓫꓵꓻ꓾ (11) ꓣꓳ ꓠꓻ ꓓꓴ ꓡꓰ ꓟ ꓓꓳꓽ

ꓡꓳꓹ ꓬꓰ ꓟ 20222 ꓘꓳꓼ 6 ꓦ꓾4 ꓠꓬꓲ ꓕꓯ꓾ Pennsylvania Mꓵꓽ ꓫꓴ꓾ Philadelphia ꓡꓳ ꓒꓱ ꓕꓲꓽ ꓟ ꓗꓪ ꓾ ꓟꓳ ꓡꓳ ꓔꓲ ꓫꓵ ꓗꓪ ꓡ ꓛꓴꓸ ꓐꓶ ꓡ ꓢꓲ 3 ꓣꓳ ꓫꓵꓻꓳ꓾ 11 ꓣꓳ ꓠꓻ ꓓꓴ ꓡꓰꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓰ ꓡꓰ ꓢꓷꓸ ꓖꓶ ꓔ ꓡꓳ= ꓴꓢꓮ ꓗꓴꓷꓼ ꓗꓪ ꓡ ꓛꓴꓸ ꓐꓶꓸꓸ ꓢꓲ ꓞꓳ ꓤ ꓫꓵ_ ꓟ ꓠꓬ ꓦ ꓐ ꓕꓲ ꓦ ꓬꓲꓸ ꓘꓴꓽ ꓗꓪ 3 ꓖ ꓗꓪ ꓙꓳˍ ꓡꓳ ꓐꓰ ꓐꓯ ꓡꓳ= ꓗꓳꓸ ꓗꓷ_ ꓟ 2 ꓠꓽ ꓘꓴꓽ ꓗꓪ ꓔꓰꓫꓮꓢ ꓟꓵꓽ ꓫꓴ ꓙꓳꓥ ꓟ ꓦꓲ ꓗꓪ ꓥ_ ꓟꓲ ꓡ ꓛꓴꓸ ꓐꓶ ꓡ ꓢꓲ ꓡ ꓞꓳ 22 ꓣꓳ ꓫꓵ_ ꓡꓳ= ꓕꓱ ꓕꓲꓽ ꓠꓽ ꓬꓲꓸ ꓘꓴꓽ ꓗꓪ ꓠꓬ 2 ꓖ ꓗꓪ ꓡꓽ ꓛꓴꓸ ꓐꓶ ꓡ ꓟ ꓥꓳ꓾ ꓐꓰ ꓢꓷꓸ ꓪ ꓡꓳ=

3.  ꓚꓳꓦꓲꓓ‐19 ꓠꓻ ꓫꓵꓽ ꓗꓽ ꓠꓯꓻ ꓞꓲꓼ (2) ꓧꓪꓹ ꓗ. ꓓꓳ ꓡꓰ ꓢꓴ ꓞꓳ ꓣꓳ (26ꓸ8) ꓫꓬꓹ ꓟꓽ ꓞꓲ ꓙꓳˍ ꓟ ꓓꓳꓽ

ꓟꓬ‐ꓟ ꓗꓴꓷꓼ ꓗꓪ ꓚꓳꓦꓲꓓ-19 ꓠꓸꓹ ꓫꓵꓽ ꓗꓽ ꓠꓯꓸꓹ ꓞꓲꓼ (2) ꓧꓪꓹ ꓗꓸ ꓓꓳ ꓡꓰ ꓢꓴ ꓞꓳ ꓣꓳ (26ꓸ8) ꓫꓬꓹ ꓟꓽ ꓞꓲꓺ ꓙꓳˍ ꓡꓳ ꓐꓰ 2022 ꓘꓳꓼ 6 ꓦ ꓟ ꓬꓲꓸ ꓪꓴꓸ ꓕꓲ ꓠꓽ ꓠꓯꓼ ꓗꓪ ꓗꓴꓷꓼ ꓘꓴꓽ ꓗꓪ ꓟ ꓠꓯꓻ ꓞꓲꓼ ꓟꓬꓱꓽ ꓣꓱꓽ ꓜꓴ ꓗꓪ ꓐꓰ ꓚꓳꓦꓲꓓ-19 ꓠꓸꓹ ꓫꓵꓽ ꓗꓽ ꓠꓯꓸꓹ ꓞꓲꓼ ꓗꓸ ꓗꓷ ꓟ ꓠꓬ (61) ꓫꓬꓹ ꓧꓪꓹ ꓟꓽ ꓞꓲꓺ ꓗꓸ ꓓꓳ ꓡꓰ ꓟ ꓥ ꓡꓳ ꓐꓰ ꓠꓯꓸꓹ ꓞꓲꓼ ꓟꓬꓱꓽ ꓣꓱꓽ ꓜꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=    

4. ꓧꓶꓸ ꓕꓯ ꓲꓢꓲꓢ ꓐꓴ ꓡꓰ ꓙꓲ-ꓢꓴ ꓢꓲ ꓤꓼ ꓐꓴ ꓔꓯ ꓗꓹ ꓧꓪ ꓢꓲ ꓢꓰꓼ ꓔꓶꓸ ꓗꓪ 172 ꓣꓳ ꓙꓲ-ꓢꓴ ꓧꓪꓽ ꓗꓳ ꓓꓱꓽ(ꓑꓸ ꓑꓸ) ꓘꓳꓹ ꓣꓴˍ ꓟ ꓓꓳꓽ

ꓲ-ꓣꓼ ꓗꓴꓷꓼ ꓗ-ꓣ-ꓗꓳꓢꓧ ꓡꓳ ꓒꓱ  ꓐꓮꓖꓧ-ꓓꓲ-ꓓ ꓔꓶꓸ ꓗꓪ ꓤꓼ ꓠꓱ ꓮꓸ ꓐꓲ ꓮꓸ ꓟꓲꓽ ꓐꓴ 172 ꓣꓳ ꓐꓱ ꓶ ꓡꓳꓹ ꓬꓰˍ ꓟ 6 ꓦ 3 ꓠꓬꓲ ꓠꓽ 5 ꓠꓬꓲ ꓕꓯ ꓙꓲ-ꓢꓴ ꓧꓪꓽ ꓗꓳ ꓓꓱꓽ(ꓑꓸ ꓑꓸ) ꓘꓳꓹ ꓣꓴˍ ꓟ ꓑꓮꓲꓽ ꓓꓽ ꓟ ꓬꓰ ꓗꓷꓳ= ꓖꓳ ꓕꓲꓽ ꓔꓶꓸ ꓠꓬ ꓲꓢꓲꓢ ꓐꓯꓹ ꓟ ꓲ-ꓢ-ꓡꓮꓟ ꓙꓵ ꓠꓲꓹ ꓔꓯꓹ ꓡꓰ ꓢꓲ ꓙꓵ GU DI LE, M SW; SI Nꓱꓸ ꓐꓯꓼ ꓙꓵ ꓠꓲꓹ ꓔꓯ ꓙꓵ ꓔꓬ ꓢꓴ ꓔꓯ ꓢꓰꓼ ꓢꓴ ꓐꓴ ꓡꓰ ꓙꓲ-ꓢꓴ ꓢꓲ ꓤꓼ ꓮꓽ ꓟꓬ ꓣꓳ ꓢꓰꓼ ꓗꓶ ꓡꓳꓹ ꓬꓰ ꓟ ꓔꓶꓸ ꓥˍ ꓡꓳ ꓐꓰ ꓐꓯ ꓔ ꓡꓳ=

5 ꓤꓼ ꓠꓱ ꓤꓼ ꓡꓳꓸ ꓦꓲ., ꓗꓪ ꓟꓸ ꓟ ꓬꓰ ꓠꓹ ꓟ ꓢꓳ ꓢꓴ (46 )ꓣꓳ ꓢꓳ ꓓꓳ ꓡꓰꓹ ꓟ ꓓꓳꓽ

ꓔꓲꓺ ꓒꓽ ꓙꓵꓽ ꓔꓶꓸ ꓕꓲꓽ ꓟꓵꓽ ꓡꓰ ꓕꓲꓽ ꓟꓵꓽ ꓗꓪ ꓚꓳ ꓤꓽ ꓠꓱ ꓤꓼ ꓔꓯ ꓟꓸ ꓢꓴ ꓟꓸ ꓟ 46 ꓣꓳ ꓢꓳ ꓓꓳꓽ ꓡꓰꓹ ꓟ ꓑꓮꓲ ꓔꓯ 6ꓦ ꓟ 4 ꓠꓬꓲ ꓠꓽ 6 ꓠꓬꓲ ꓕꓯꓽ ꓟꓶ-ꓚꓲ-ꓠ ꓡꓳ ꓒꓱ ꓡꓰ-ꓗꓳꓠꓰ ꓘꓹ ꓢꓲ ꓫꓬꓹ ꓟ ꓒꓳ-ꓡꓳ ꓪꓽ ꓘꓴ ꓦꓲ ꓗꓪ ꓬꓰ ꓡꓳ ꓡꓲꓳ= ꓕꓱ ꓟ ꓢꓳ ꓜꓲꓼ ꓓꓴ ꓔꓯ ꓟꓶ-ꓚꓲ-ꓠ ꓗ-ꓣꓴ-ꓠ ꓪꓴ ꓡ ꓟꓴ ꓡ ꓜꓴ ꓚꓰ ꓗꓪ ꓐꓰ ꓧꓳꓽ ꓪꓴꓸ ꓢꓲ ꓬꓰꓹ ꓟ ꓥˍ ꓡꓳ=     

Add new comment

7 + 2 =