ꓣꓦꓮ ꓡꓲ-ꓢꓴ ꓓꓳꓽ

1.  ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓟꓳ‐ꓓꓳ ꓐꓰ ꓢꓮꓲ-ꓗꓯ ꓙꓵꓽ ꓡꓯ ꓘꓳ ꓡꓰ ꓢꓲ꓾ ꓕꓲ ꓣꓳ ꓫꓵꓸꓹ꓾ ꓠꓬꓲꓽ ꓣꓳ ꓠꓻ ꓓꓴ ꓡꓰ ꓟ ꓓꓳꓽ

ꓟꓲ-ꓚꓲ- ꓠ ꓡꓳ ꓒꓱ ꓢꓲ-ꓔ-ꓑꓴ ꓞꓳ ꓘꓹ ꓑꓮꓡꓟ ꓢꓑꓣꓲꓠꓖ ꓧꓳꓔꓰꓲ ꓒ ꓕꓲꓺ ꓗꓪ ꓮ ꓟꓰ ꓠꓯꓼ ꓠꓯꓼ (7) ꓙꓵꓹ ꓕꓯ ꓟꓳ-ꓓꓳ ꓐꓰ ꓢꓮꓲ-ꓗꓯ ꓙꓵꓽ ꓡꓯ ꓘꓳ ꓡꓰ ꓢꓲ꓾ ꓞꓳ ꓤ ꓕꓲ ꓣꓳ ꓫꓵꓳ꓾ ꓐꓰ ꓢꓷꓸ ꓪ ꓡꓳ= ꓟꓳ-ꓓꓳ ꓡꓰ ꓢꓮꓲ-ꓗꓯ ꓔꓯ ꓙꓵ ꓗꓷ ꓟ ꓥ ꓡꓳ꓾ ꓐꓰ ꓬꓰ ꓙ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=  ꓫꓵꓸꓹ ꓢꓴ (24) ꓘꓳꓼ ꓛꓲ ꓡꓳ ꓟ ꓤ ꓑ ꓤ ꓬꓲꓸ ꓖꓳ ꓓꓱꓽ ꓔꓯ ꓠꓬ ꓟꓲ-ꓚꓲ-ꓠ ꓠꓯꓻ ꓞꓲꓼ ꓦꓲꓸꓹ ꓗꓪ ꓧꓳꓽ ꓩꓴ ꓗꓷ ꓢꓲ꓾ ꓠꓻ ꓓꓴ ꓡꓰ ꓢꓴ ꓔꓯ ꓠꓬ ꓠꓯꓻ ꓞꓲꓼ ꓫꓬꓹ ꓔꓶꓸ ꓗꓪ ꓧꓳꓽ ꓩꓴ ꓗꓷꓳ꓾ ꓐꓰ ꓢꓷꓸ ꓪ ꓡꓳ= ꓗ-ꓛꓲ ꓗꓴꓷꓼ ꓫꓴ ꓟꓲ-ꓚꓲ-ꓠ ꓡꓳ ꓒꓱ ꓠꓮꓴ-ꓠꓮꓠꓖ ꓞꓳ ꓘꓹ ꓡꓳ ꓔ 8 ꓕꓷꓹ ꓐꓴ ꓡꓴꓸ ꓑꓰꓹ ꓔꓶꓸ ꓒ ꓕꓲꓺ ꓗꓪ ꓥˍ ꓟꓲ ꓡꓳꓹ ꓬꓰ ꓟ (6) ꓦ ꓕꓯ ꓥˍ ꓟꓲ꓾ ꓟꓳ-ꓓꓳ ꓐꓰ ꓢꓮꓲ-ꓗꓯ ꓙꓵꓽ ꓡꓯ ꓘꓳ ꓡꓰ ꓢꓲ꓾ ꓟꓳ-ꓓꓳ ꓫꓵꓸ ꓒꓽ ꓛꓰꓹ ꓙꓰꓳ꓾ ꓐꓰ ꓢꓷꓸ ꓪ ꓡꓳ=

2ꓸ Ukraine ꓗꓪ ꓟ ꓤ ꓠꓱ ꓤ ꓐꓴ ꓔꓯ ꓬꓰ ꓙ ꓠꓹ ꓟ ꓐꓱ ꓶ Rusharr journalist ꓢꓲ ꓡꓲˍ ꓟ  ꓠꓳ-ꓐꓯ ꓡꓯ ꓫꓴ ꓔꓯ ꓓꓳ-ꓡ 1004 ꓫꓬꓹ ꓟꓽ ꓞꓲꓺ ꓪꓴ ꓗꓷ ꓓꓴ ꓬꓰˍ ꓟ ꓓꓳꓽ

2020 ꓘꓳꓼ ꓠꓳ-ꓐꓯ ꓢꓲ ꓡꓲˍ ꓟ ꓡꓯ ꓫꓴ ꓔꓯ ꓓꓳꓽ ꓫꓵꓽ  Editor Dimitri Muratov ꓠꓬ Ukraine ꓟꓯꓼ ꓢꓰꓼ ꓡ ꓟ ꓪꓴꓸ ꓠꓬꓲ ꓔꓬ ꓖꓴ ꓦꓲꓸꓹ ꓟꓽ ꓙꓳ ꓫꓸ ꓔꓬ ꓢꓴ ꓤ ꓠꓱ ꓤ ꓐꓴ ꓔꓯ ꓬꓰ ꓙ ꓠꓹ ꓟ ꓐꓱ ꓶ ꓬꓲ ꓔꓯ ꓠꓳ-ꓐꓯ ꓡꓯ ꓫꓴ ꓔꓯ ꓓꓳ ꓡ 1004 ꓫꓬꓹ ꓟꓽ ꓞꓲꓺ ꓪꓴꓽ ꓗꓷˍ ꓡꓳ ꓐꓰ ꓢꓷꓸ ꓪ ꓡꓳ= ꓡꓳꓹ ꓬꓰ ꓟ (20) ꓠꓬꓲ ꓕꓯ ꓟꓲ ꓠꓯ ꓫꓸ ꓢꓴ ꓦꓬꓼ ꓠꓬꓲ ꓐꓯ ꓢꓲ ꓖꓪ ꓙꓱꓻ ꓗꓷˍ ꓟ ꓗꓪ ꓐꓰ ꓪˍ ꓟ ꓒꓵꓽ ꓔꓯ Ukraine ꓟꓯꓼ ꓢꓰꓼ ꓡ ꓟ ꓪꓴꓸ ꓠꓬꓲ ꓔꓬ ꓖꓴ ꓦꓲꓸꓹ ꓟꓽ ꓙꓳ ꓫꓸ ꓔꓬ ꓢꓴ ꓤ ꓠꓱ ꓤ ꓐꓴ ꓐꓱ ꓶ ꓙꓲꓻ ꓖꓴ ꓙꓳ ꓙꓳ ꓣꓱꓽ ꓓꓴ ꓥꓳ꓾ ꓐꓰ Newyork ꓗꓪ ꓪꓴ: ꓗꓷ ꓟ Heritage Auctions ꓗꓪ ꓐꓰ ꓐꓯ ꓑꓶ ꓩꓴ ꓡ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

3  Bhamo Mandalay ꓟꓳ-ꓓꓳ ꓙꓰ ꓙ ꓖꓴ ꓗꓪ ꓬꓲꓸꓹ ꓙꓬ ꓙ ꓡꓰˍ ꓟ ꓑꓶꓸ ꓓꓴ ꓙꓰ ꓠꓹ ꓟ ꓐꓶ ꓶ ꓮ ꓔꓲ ꓤ ꓫꓸ ꓔꓬ ꓟ ꓓꓳꓽ

ꓟꓬ-ꓟ ꓗꓴꓷꓼ Bhamo ꓡꓳ ꓒꓱ Bhamo Mandalay ꓟꓳ-ꓓꓳ ꓙꓰ ꓖꓴ ꓗꓪ ꓬꓲꓸꓹ ꓙꓬ ꓙ ꓡꓰ ꓟ ꓑꓶꓸ ꓓꓴ ꓙꓰ ꓠꓹ ꓟ ꓫꓸ ꓔꓬ ꓡꓳ꓾

ꓐꓰ ꓟꓬ-ꓟ ꓗꓴꓷꓼ ꓮ ꓔꓳꓸ ꓢꓰꓼ ꓜꓴꓻ ꓐꓴ ꓡꓰ ꓐꓯ ꓡꓳ꓾ ꓐꓰ ꓢꓷꓸ ꓪ ꓡꓳ= ꓙ ꓖꓴ ꓖꓳ ꓟ ꓕꓯꓽ ꓢꓲ ꓬꓲꓻ ꓙꓬ ꓙ ꓙꓰˍ ꓟ ꓔꓯ ꓢꓲ-ꓘꓯꓸ ꓟꓵꓽ ꓮ ꓔꓳꓸ ꓢꓰꓼ ꓜꓴꓻ ꓔꓶꓸ ꓗꓪ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓓꓴ ꓓꓳꓺ ꓙꓰ ꓢꓴ ꓐꓴ ꓠꓻ ꓓꓴ ꓟꓽ ꓙꓳ ꓙꓰ ꓪ ꓠꓹ ꓟ ꓐꓱ ꓶ ꓟꓬ-ꓟ ꓗꓴꓷꓼ ꓮ ꓔꓳꓸ ꓢꓰꓼ ꓜꓴꓻ ꓐꓴ ꓡꓰ ꓬꓰ ꓙ ꓔꓬ ꓡꓳ ꓐꓰ Popular News Journal ꓓꓳꓽ ꓗꓪ ꓐꓯ ꓔ ꓡꓳ=