ꓣꓦꓮ ꓡꓲ-ꓢꓴ ꓓꓳꓽ

1ꓸWaimaw ꓡꓳ ꓒꓱ ꓗꓪ ꓮ ꓪꓯꓼ ꓠꓸꓹ ꓫꓵꓽ ꓠꓻ ꓔꓬ ꓟ    ꓓꓳꓽ

Waimaw ꓡꓳ ꓒꓱ ꓗꓪ ꓮ ꓪꓯꓼ ꓠꓸꓹ ꓫꓵꓽ ꓠ.ꓹ ꓔꓬ ꓡꓳ ꓐꓰ ꓐꓯ ꓡꓳ= ꓮ ꓟꓶ ꓕꓲ ꓦ ꓟ ꓗꓪ ꓠꓬ ꓮ ꓪꓯꓼ ꓠꓸꓹ ꓫꓵꓽ ꓠ.ꓹ ꓡ ꓟ ꓪꓴꓸ ꓠꓬꓲ ꓮ ꓪꓯꓼ ꓥ ꓟꓲ ꓫꓵꓻ ꓡꓰꓳ ꓐꓰ ꓮ ꓪꓯꓼ ꓦꓱꓻ ꓢꓴ ꓕꓲ ꓣꓳ ꓡꓰ ꓐꓯ ꓡꓳ= Waimaw ꓡꓳ ꓒꓱ  ꓢ.‐ꓖ. ꓞꓳ ꓘꓹ ꓗꓪ ꓠꓬ ꓮ ꓪꓯꓼ ꓟꓷꓽ ꓠꓷꓹ ꓗꓪ ꓠꓯꓺ ꓠꓯ ꓗꓷ ꓡ ꓢꓲ ꓬꓲꓸ ꓜ ꓥ ꓟꓲ ꓟꓽ ꓜ ꓫꓵꓻ ꓬꓰ_ ꓡꓳ ꓐꓰ ꓮ ꓪꓯꓼ ꓦꓱꓻ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

2. ꓖꓴ ꓟꓶꓸ Korea ꓗꓴꓷꓼ ꓗꓪ ꓟꓬ-ꓟ ꓟꓬꓱꓽ ꓬꓰ ꓢꓴ (142) ꓣꓳ ꓛꓲ ꓬꓰ ꓟ ꓓꓳꓽ

ꓖꓴ ꓟꓶꓸ Korea ꓗꓴꓷꓼ ꓗꓪ ꓟꓬꓱꓽ ꓬꓰ ꓠꓹ ꓟ ꓐꓱ ꓶ ꓟꓬ-ꓟ ꓑ ꓫꓬ (142) ꓣꓳ ꓠꓬ ꓮ ꓟꓲ (26) ꓠꓬꓲ ꓕꓯ Yangon ꓙꓱꓻ ꓦꓲ ꓠꓽ ꓔꓶꓸ ꓗꓪ ꓐꓰ ꓲ‐ꓚꓧꓴ ꓙꓱꓻ ꓦꓲ ꓠꓽ ꓔꓶꓸ ꓗꓪ ꓛꓲ ꓬꓰꓳ꓾ ꓐꓰ ꓖꓴ ꓟꓶꓸ Korea ꓗꓴꓷꓼ ꓗꓪ ꓟ ꓟꓬ-ꓟ ꓣꓳꓸ ꓗꓪ ꓐꓰ ꓢꓷꓸ ꓩꓴ ꓡ ꓡꓳ= ꓖꓴ ꓟꓶꓸ Korea ꓗꓴꓷꓼ ꓗꓪ ꓟꓬꓱꓽ ꓬꓰ ꓢꓴ ꓟꓬ-ꓟ ꓑ ꓫꓬ ꓐꓴ ꓔꓯ ꓠꓲꓹ ꓒꓴ ꓒꓴ ꓡꓰ ꓘꓳ, ꓣꓴ ꓢꓲ ꓟꓬꓱꓽ ꓬꓰ_ ꓕꓯ ꓛꓳ ꓠ, ꓟ ꓡꓲ ꓒꓲꓼ ꓔꓯ ꓐꓯ ꓟ. ꓖꓶ_ ꓡꓳ ꓐꓰ ꓢꓷꓸ ꓪ ꓡꓳ=                       

3ꓸOmicron ꓠ., ꓫꓵꓽ ꓮ ꓟꓬ, ꓠꓻ ꓡ ꓟ ꓪꓴ. ꓠꓬꓲ Australia ꓗꓴꓷꓼ  ꓠꓯꓻ ꓞꓲꓼ ꓦꓲꓸꓹ ꓗꓪ ꓠꓯꓸꓹ ꓞꓲꓼ ꓫꓬꓹ ꓢꓴ ꓮ ꓘꓶꓸ ꓟꓬ ꓡ ꓟ ꓓꓳꓽ 

Omicron ꓠ., ꓫꓵꓽ ꓮ ꓟꓬ, ꓠꓻ ꓡ ꓟ ꓪꓴ. ꓠꓬꓲ Australia ꓗꓴꓷꓼ  ꓠꓯꓻ ꓞꓲꓼ ꓦꓲꓸꓹ ꓗꓪ ꓠꓯꓸꓹ ꓞꓲꓼ ꓫꓬꓹ ꓢꓴ ꓮ ꓘꓶꓸ ꓟꓬ ꓡ ꓔꓬ ꓡꓳ ꓐꓰ ꓠꓯꓸꓹ ꓞꓲꓼ ꓣꓱꓽ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=Omicron ꓐꓮꓸ4 ꓐꓰ ꓐꓮꓸ5 ꓐꓴ ꓠꓬ ꓠꓸꓹ ꓫꓵꓽ ꓞꓽ ꓞ ꓚꓲ. ꓢ ꓟ ꓥ ꓡꓳ ꓐꓰ ꓠꓯꓸꓹ ꓞꓲꓼ ꓟꓬꓱꓽ ꓣꓴ ꓜꓴ ꓐꓴ ꓡꓰ ꓐꓯ ꓩꓴ ꓡ ꓡꓳ= ꓮ ꓟꓶ Omicron ꓠꓸꓹ ꓫꓵꓽ ꓠꓸꓹ ꓢꓴ ꓞꓳ ꓣꓳ ꓠꓬ (5ꓹ390) ꓥ ꓡꓳ ꓐꓰ ꓐꓯ ꓡꓳ= ꓞꓲꓼ ꓟꓳ ꓡꓰ ꓢꓴ ꓐꓴ ꓠꓬ ꓜꓲꓽ ꓟ ꓘꓴꓽ ꓟ ꓪꓴꓸ ꓠꓬꓲ ꓫꓵꓻ ꓢꓴ ꓥ ꓟꓲ ꓙꓳ_ ꓡꓳ ꓐꓰ ꓐꓯ ꓡꓳ=

Australia ꓗꓴꓷꓼ ꓗꓪ ꓠꓬ ꓚꓳꓦꓲꓓ-19 ꓠꓸꓹ ꓗ ꓠꓯꓸꓹ ꓞꓲꓼ ꓮ ꓘꓶꓸ ꓗ. ꓔ ꓟ ꓗꓴꓷꓼ ꓕꓲ ꓗꓴꓷꓼ ꓥ ꓢꓲ (16) ꓘꓳꓼ ꓐꓲ ꓡꓰ ꓢꓴ ꓮ ꓙꓵꓽ ꓔꓯ ꓠꓬ ꓚꓳꓦꓲꓓ-19 ꓠꓸꓹ ꓗ ꓠꓯꓸꓹ ꓞꓲꓼ ꓗ. ꓖꓶ ꓔ ꓡꓳ ꓐꓰ Popular News Journal ꓓꓳꓽ ꓗꓪ ꓐꓯ ꓔ ꓡꓳ=