ꓣꓦꓮ ꓡꓲ-ꓢꓴ ꓓꓳꓽ

1. ꓟ‐ꓴ‐ꓑꓲꓠ ꓡꓳ ꓒꓱ ꓗꓪ ꓟꓲꓽ ꓦꓲ., ꓓꓽ ꓟ ꓙꓱꓼ ꓡ ꓟ ꓑꓶ ꓓꓴ ꓞꓳ  ꓦꓲ., (162) ꓦꓲ, ꓐꓬ ꓡꓰˍ ꓟ ꓓꓳꓽ   

ꓟ‐ꓴ‐ꓑꓲꓠ ꓡꓳ ꓒꓱ ꓗꓪ ꓡꓳ ꓬꓰˍ ꓟ 5 ꓦ ꓟ 16 ꓠꓬꓲ. ꓟꓶꓽ ꓘꓶꓼ ꓙꓵ, ꓕꓯ ꓟꓲꓽ ꓦꓲ., ꓓꓽ ꓟ ꓙꓱꓼ ꓡ ꓟ ꓪꓴ. ꓠꓬꓲ ꓞꓳ ꓘ, (12) ꓘ, ꓗꓪ ꓟ ꓞꓳ ꓦꓲ., (162) ꓦꓲ, ꓐꓬ ꓡꓳ ꓐꓰ ꓢꓷ. ꓪ ꓡꓳ꓿  ꓟꓲꓽ ꓦꓲ., ꓓꓽ ꓟ ꓙꓱꓼ ꓡ ꓢꓲ꓾ ꓐꓬ ꓡꓰˍ ꓟ ꓞꓳ ꓦꓲ., ꓔꓯ ꓮ. ꓔꓳ. ꓢꓰꓼ ꓢꓴ ꓐꓴ ꓡꓰ ꓮ ꓟꓲ 5 ꓦ ꓟ 17 ꓠꓬꓲꓽ ꓠꓯꓼ ꓠꓯꓼ ꓙꓵ., ꓕꓯ ꓬꓰ ꓙ ꓪ ꓡꓰꓳ ꓐꓰ ꓢꓷ. ꓪ ꓡꓳ꓿ ꓮ ꓟꓶ ꓕꓱ ꓡꓰ ꓐꓬ ꓡꓰˍ ꓟ ꓞꓳ ꓦꓲ., ꓞꓳ ꓣꓳ ꓐꓴ ꓔꓯ ꓠꓬ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓬꓰ ꓙ ꓔꓳ, ꓙ ꓡꓳ ꓐꓰ  ꓮ. ꓔꓳ. ꓢꓰꓼ ꓢꓴ ꓜꓴ ꓗꓪ ꓟ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳˍ ꓐꓰ ꓢꓷ. ꓪ ꓡꓳ꓿

2. ꓢꓧꓮꓠ‐ꓢꓴ ꓞꓳ ꓘ, ꓗꓪ ꓟꓳ‐ꓓꓳ ꓐꓰ ꓚꓬꓚꓡꓰ ꓙꓵꓽ ꓡꓯꓼ ꓘꓳ ꓡꓰ ꓢꓲ꓾ ꓟꓳ‐ꓓꓳ ꓫꓵ. ꓒꓽ ꓛꓰ, ꓙꓰ_ ꓟ ꓓꓳꓽ

ꓟꓲ‐ꓚꓲ‐ꓠ ꓡꓳ ꓒꓱ ꓢꓧꓮꓠ‐ꓢꓴ ꓞꓳ ꓘ, ꓗꓪ ꓪꓴꓠ‐ꓔꓳ ꓙꓳ ꓦꓲ., ꓒ ꓕꓲ ꓙ., ꓖꓴ ꓗꓪ ꓟꓳ‐ꓓꓳ ꓐꓰ ꓚꓬꓚꓡꓰ ꓙꓵꓽ ꓡꓯꓼ ꓘꓳ ꓟ ꓗꓷ ꓡꓰ ꓢꓲ꓾ ꓟꓳ‐ꓓꓳ ꓫꓵ. ꓒꓽ ꓠꓬ ꓛꓰ, ꓙꓰꓳ ꓐꓰ ꓢꓷ. ꓪ ꓡꓰꓳ꓿ ꓗ ꓗꓪ ꓐꓰ ꓫꓵ. ꓡ ꓟ ꓚꓬꓚꓡꓰ ꓐꓰ  ꓗꓮꓚꓧꓲꓠ ꓢꓴ ꓗꓪ ꓐꓰ ꓫꓵ. ꓡ ꓟ ꓟꓳ‐ꓓꓳ ꓙꓵꓽ ꓡꓯꓼ ꓘꓳ ꓡꓰ ꓟ ꓪꓴ. ꓠꓬꓲ ꓚꓬꓚꓡꓰ ꓫꓵ. ꓢꓴ ꓠꓬ ꓛꓲ ꓒꓯ, ꓗꓪ ꓠ., ꓓꓴ ꓡꓰꓳ ꓐꓰ ꓖꓳ ꓗꓪ ꓡꓳ ꓟꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿ ꓠ., ꓓꓴ ꓡꓰ ꓢꓴ ꓠꓬ 30 ꓘꓳꓼ ꓡꓳˍ ꓟ ꓤ ꓒ ꓤ ꓕꓲ ꓣꓳ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓟꓲ‐ꓚꓲ‐ꓠ ꓡꓳ ꓒꓱ ꓐꓮꓡꓮ‐ꓟꓲꓠ‐ꓧꓔꓲꓠ ꓓꓽ ꓖꓴ ꓗꓪ ꓥˍ ꓟꓲ 5 ꓦ ꓟ 15 ꓠꓬꓲ ꓕꓯ ꓟꓳ‐ꓓꓳ ꓐꓰ ꓚꓬꓚꓡꓰ ꓙꓵꓽ ꓡꓯꓼ ꓘꓳ ꓬꓰ ꓢꓲ꓾ (20) ꓘꓳꓼ ꓛꓲ ꓡꓳꓼ_ ꓟ ꓤ ꓟꓶ ꓤ ꓕꓲ ꓣꓳ ꓠ., ꓓꓴ ꓬꓰ ꓢꓲ꓾ ꓟꓳ‐ꓓꓳ ꓫꓵ. ꓒꓽ ꓠꓬ ꓛꓰ, ꓙꓰꓳ ꓐꓰ the 74 madia ꓓꓳꓽ ꓗꓪ ꓐꓯ ꓔ ꓡꓳ꓿

3. ꓚꓳꓦꓲꓓ‐19 ꓠ., ꓐꓶ ꓓꓲꓽ ꓟꓬ, ꓡ ꓟ ꓪꓴ. ꓠꓬꓲ ꓠꓯꓼ ꓞꓲꓽ ꓑꓶ ꓠ, ꓟ ꓐꓱ ꓶ ꓖꓴ ꓪꓴ. Korea ꓘꓴꓷꓼ ꓙꓵꓽ ꓢꓲ ꓒꓽ ꓗꓲꓟ‐ꓙꓳꓠꓖ‐ꓴꓠ ꓡꓰ ꓟꓯꓼ ꓤ ꓐꓴ ꓔꓯ ꓛꓬ, ꓔ ꓟ ꓓꓳꓽ

ꓚꓳꓦꓲꓓ‐19 ꓠ., ꓐꓶ ꓓꓲꓽ ꓠ., ꓢꓴ ꓟꓬ ꓡ ꓟ ꓪꓴ. ꓠꓬꓲ ꓖꓴ ꓪꓴ. Korea ꓠꓬ ꓬꓲ. ꓪꓴ. ꓕꓲ ꓧꓪ, ꓐꓯ ꓑꓶ ꓩꓴ ꓗ. ꓠꓯ. ꓠꓯ., ꓞꓲꓼ ꓑꓶ ꓠ, ꓟ ꓐꓱ ꓶ ꓫ. ꓔꓬ ꓟ ꓪꓴ. ꓠꓬꓲ ꓖꓴ ꓪꓴ.  Korea ꓗꓴꓷꓼ ꓙꓵꓽ ꓢꓲ ꓒꓽ ꓗꓲꓟ‐ꓙꓳꓠꓖ‐ꓴꓠ ꓡꓰ ꓟꓯꓼ ꓤ ꓐꓴ ꓔꓯ ꓝꓲ ꓩꓴˍ ꓟ ꓥ ꓡꓳ ꓐꓯ ꓡꓳ꓿ ꓡꓳ, ꓬꓰ_ ꓟ ꓕꓲꓽ ꓠꓽ ꓗꓪ ꓚꓳꓦꓲꓓ‐19 ꓠ., ꓓꓴ ꓮ ꓘꓶ. ꓟꓬ ꓡ ꓟ ꓑꓶ ꓓꓴ ꓖꓴ ꓪꓴ. Korea ꓗꓴꓷꓼ ꓗꓪ  ꓠꓯ., ꓞꓲꓼ ꓑ ꓡꓳꓼ ꓖꓶ ꓟ ꓘꓴꓽ ꓟ ꓡꓰ ꓟ ꓞꓲ ꓠ., ꓐꓶ ꓓꓲꓽ ꓗꓽ ꓕ. ꓠꓯ., ꓞꓲꓼ ꓥˍ ꓟꓲ ꓟꓽ ꓕꓴ. ꓖꓶ ꓟ ꓑꓶ ꓓꓴ ꓚꓳꓦꓲꓓ‐19 ꓠ., ꓐꓶ ꓓꓲꓽ ꓠ., ꓓꓴ ꓔꓯ  ꓮ ꓘꓶ. ꓔꓳ, ꓜꓳ ꓔꓬ ꓟ ꓥ ꓡꓳ ꓐꓰ ꓢꓷ. ꓠꓲ, ꓓ ꓒꓽ ꓐꓴ ꓡꓰ ꓐꓯ ꓡꓳˍ ꓐꓰ ꓟꓬꓮꓠꓟꓮꓣ ꓑꓡꓮꓔꓝꓳꓣꓟ ꓓꓳꓽ ꓗꓪ ꓐꓯ ꓔ ꓡꓳ꓿