ꓣꓦꓮ ꓡꓲ-ꓢꓴ ꓓꓳꓽ

1 ꓗꓮꓡꓮꓬ ꓡꓳ ꓒꓱ ꓗꓪ ꓚꓧꓲꓠ ꓟꓯꓼ ꓘꓰꓹ ꓢꓴ ꓑ ꓫꓬ ꓐꓴ ꓟꓬ ꓡ_ ꓟ ꓪꓴꓸ ꓠꓬꓲ ꓜ ꓓꓴ ꓓꓳ ꓓꓴ ꓣꓱꓽ ꓬꓯꓼ ꓔꓬ ꓟ ꓓꓳꓽ

   Sagaing ꓗꓴꓷꓼ ꓫꓴ.. ꓗꓮꓡꓮꓬ ꓡꓳ ꓒꓱ ꓗꓪ ꓚꓧꓲꓠ ꓟꓯꓽ ꓘꓰꓹ ꓢꓴ ꓑ ꓫꓬ ꓐꓴ ꓟꓬ ꓡ ꓢꓲꓸ ꓮ ꓟꓶ ꓟꓯꓼ ꓘꓰ, ꓢꓴ ꓑ ꓫꓬ ꓐꓴ ꓐꓱ ꓶ ꓜ ꓓꓴ ꓓꓳ ꓓꓴ ꓣꓱꓽ ꓬꓯꓼ ꓔꓬ ꓡꓳ ꓐꓰ ꓟꓯꓼ ꓘꓰ, ꓢꓴ ꓑ ꓫꓬ ꓐꓴ ꓔꓯ ꓙꓵꓽ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓰꓳ=  ꓮ ꓟꓶ ꓚꓧꓲꓠ ꓗꓴꓷꓼ ꓫꓴꓸꓹ ꓗꓪ ꓐꓰ ꓟꓯꓼ ꓘꓰꓹ ꓡ ꓢꓴ ꓞꓳ ꓣꓳ ꓠꓬ (200) ꓣꓳ ꓛꓲ ꓙꓳˍ ꓡꓳ ꓐꓰ ꓟꓬꓮꓠꓟꓮꓣ ꓑꓡꓮꓔꓝꓳꓣꓟ ꓓꓳꓽ ꓗꓪ ꓐꓯ ꓔ ꓡꓳ=

2 ꓕꓮꓲ-ꓪ ꓔꓯ ꓧꓶꓽ ꓒꓽ ꓡꓰ ꓓꓶꓽ ꓡ ꓠꓬ ꓴꓢꓮ ꓟꓯꓼ ꓔ ꓙ ꓓꓴ ꓥꓳ ꓐꓰ ꓙꓳꓰ-ꓐ-ꓲꓓꓰꓠ ꓡꓰ ꓐꓯ ꓟ ꓓꓳꓽ

ꓕꓮꓲ-ꓪ ꓔꓯ ꓧꓶꓽ ꓒꓽ ꓗꓴꓷꓼ ꓡꓰ ꓜꓲ ꓜꓲ ꓑꓰꓹ ꓑꓰꓹ ꓓꓶꓽ ꓡ ꓠꓬ ꓕꓮꓲ-ꓪ ꓗꓴꓷꓼ ꓕꓲꓽ ꓒꓳꓹ ꓗꓪ ꓐꓰ ꓴꓢꓮ ꓟꓯꓼ ꓔ ꓙ ꓓꓴ ꓥꓳ꓾ ꓐꓰ ꓴꓢ ꓗꓴꓷꓼ ꓙꓵꓽ ꓢꓴ ꓙꓳꓹ-ꓐ-ꓓꓲ ꓡꓰ ꓡꓳ ꓬꓰ ꓟ 2022 ꓘꓳꓼ 5 ꓦ 23 ꓠꓬꓲ ꓕꓯꓽ ꓕꓱ ꓩꓴ ꓡ ꓡꓳ ꓐꓰ ꓢꓷꓹꓪ ꓡꓳ= ꓧꓶꓽ ꓗꓴꓷꓼ ꓠꓬ ꓕꓮꓲ-ꓪ ꓠꓽ ꓧꓶꓽ ꓒ ꓟꓵꓽ ꓥ ꓡꓳ꓾ ꓐꓰ ꓢꓪꓼ ꓔꓸ ꓡꓳˍ ꓐꓰ ꓢꓷ. ꓪ ꓡꓳ=

3ꓸ ꓑꓮꓴꓠꓖ ꓡꓳ ꓒꓱ ꓮ‐ꓡꓰꓼ ꓞꓳ ꓘꓹ ꓗꓪ ꓟꓲꓽ ꓦꓲꓸꓹ ꓧꓶ. ꓡꓶ.  ꓓꓽ ꓟ ꓙꓱꓼ ꓡ ꓟ ꓑꓶ ꓓꓴ ꓞꓳ ꓦꓲꓸꓹ (90) ꓦꓲꓸꓹ ꓐꓬ ꓡꓰ ˍꓟ ꓓꓳꓽ

ꓟꓳꓠ ꓗꓴꓷꓼ ꓫꓴꓸꓹ ꓑꓮꓴꓠꓖ ꓡꓳ ꓒꓱ  ꓮ‐ꓡꓰꓼ ꓞꓳ ꓘꓹ ꓗꓪ ꓮ ꓟꓲ 5 ꓦ ꓟ 24 ꓕꓯ ꓟꓲꓽ ꓦꓲꓸꓹ ꓧꓶꓸ ꓡꓶ. ꓙꓱꓼ ꓡ ꓟ ꓑꓶ ꓓꓴ ꓞꓳ ꓦꓲꓸꓹ (100) ꓦꓲꓸꓹ ꓛꓲ ꓐꓬ ꓡꓰꓳˍ  ꓐꓰ ꓞꓳ ꓘꓹ ꓢꓴ ꓡꓰ ꓐꓯ ꓡꓳ= ꓮ ꓟꓲ ꓟꓳꓼ ꓡꓳ ꓕꓯ ꓟꓲꓽ ꓦꓲꓸꓹ ꓓꓽ ꓟ ꓙꓱꓼ ꓡ ꓢꓲ꓾ ꓞꓳ ꓦꓲꓸꓹ (5) ꓦꓲꓸꓹ ꓠꓬ ꓐꓬ ꓡꓰꓳ ꓐꓰ ꓐꓯ ꓡꓳ= ꓦꓲꓸꓹ ꓘꓴꓽ ꓗꓪ ꓔꓬ ꓢꓴ ꓕꓲꓽ ꓐꓱ ꓠꓬ ꓠꓸ, ꓓꓴ ꓡꓰ ꓟ ꓙꓳ ꓡꓳ ꓐꓰ ꓐꓯ ꓡꓳ= ꓮ ꓟꓶ ꓠꓬ ꓬꓰ ꓙ ꓢꓴ ꓐꓰ ꓕꓲ ꓪꓼ ꓮ‐ꓡꓰꓼ ꓞꓳ ꓘ, ꓘꓴꓽ ꓗꓪ ꓐꓬ ꓡꓰ ꓟ ꓕꓲꓽ ꓐꓱ ꓔꓯ ꓬꓰ ꓙ ꓓꓳ ꓡꓰꓳ ꓐꓰ ꓢꓷ. ꓪ ꓡꓳ꓿