ꓤ ꓟꓶꓼ ꓤꓼ ꓐꓴ ꓠꓲꓹ ꓟ ꓢ ꓢꓼˍ ꓐꓰ ꓔꓬ ꓢ ꓠꓹˍꓟ

ꓤ ꓟꓶꓼ ꓤꓼ ꓐꓴ ꓠꓲꓹ ꓟ ꓢ ꓢꓼˍ ꓐꓰ ꓔꓬ ꓢ ꓠꓹˍꓟ  ꓟꓯ-ꓢꓲ-ꓗꓳ(Mexican) ꓔꓲꓸꓹꓒꓽ ꓓꓽ ꓐꓴ ꓡꓰꓽ ꓗꓴꓷꓼ ꓢꓲꓽ ꓒꓽ ꓐꓴ ꓔꓯ ꓓꓰ ꓗꓷꓹ ꓟ-ꓸ

ꓤꓽ ꓟꓶꓼ ꓤꓼ ꓐꓴ ꓔꓯꓼ ꓒꓵꓽ ꓗꓹ ꓢꓲꓼ ꓠꓲꓹ ꓟ ꓢ ꓢ ꓠꓲꓹ ꓡꓱ ꓡꓱˍ ꓐꓰ ꓗꓹ ꓟ ꓗꓴꓷꓼ ꓒꓬꓱꓼ ꓡ ꓠꓹ ꓟ ꓐꓱ ꓶ ꓟꓯ-ꓢꓲ-ꓗꓳ ꓔꓲꓸꓹ ꓒꓽ ꓓꓽ ꓜꓴ ꓗꓪ ꓐꓰ ꓟꓳꓸ ꓖꓶꓽ ꓕꓳ ꓶ ꓐꓳ ꓢꓲꓼ ꓗꓴꓷꓼ ꓙꓵꓽ ꓢꓴ ꓔꓯꓼ ꓓꓰ: ꓗꓷ ꓳ-ꓸ

ꓖꓳ ꓕꓳ-ꓶ  ꓗꓪ ꓟꓳꓹ ꓖꓶꓽ ꓔꓸ ꓟ ꓠꓬ ꓡꓳꓹ ꓬꓰˍꓟ 2019 ꓘꓳꓼ ꓕꓯꓽ ꓤꓽ ꓟꓶꓼ ꓤꓼ ꓐꓰ ꓮꓸ ꓟꓲꓽ 3000 ꓣꓳ ꓠꓬ ꓫꓹ ꓙꓵꓽ ꓟꓶꓽ ꓙꓵ ꓔꓳꓹ ꓜꓳꓽ ꓢꓲ ꓢꓰꓼ ꓗꓷꓸˍ ꓡꓳ ꓐꓰ ꓟꓳꓸ ꓖꓶꓽ ꓔ ꓸ ꓡꓳ-ꓸ ꓕꓲꓽ ꓐꓱ ꓠꓬ ꓦꓲ ꓢꓲ-ꓒꓽ ꓡꓰꓽ ꓠꓲꓹ ꓜꓳ ꓢꓲ ꓢꓰꓼ ꓗꓷꓹˍ ꓟ ꓡꓰꓽ ꓐꓰ ꓪ ꓜꓲ ꓟꓬꓽ ꓡ ꓔꓬ ꓡꓳ= ꓖꓳ ꓟ ꓪꓴꓸ ꓠꓬꓲ  ꓤ ꓟꓶꓼ ꓤꓼ  ꓐꓴ ꓔꓯꓹ ꓚꓬꓴ ꓙ ꓗꓽ ꓕꓽ ꓙ ꓡ ꓠꓹˍ ꓟ ꓐꓱ ꓶ ꓓꓰꓽ ꓔꓸ ꓟ ꓞꓳ ꓜꓴ ꓗꓪ ꓐꓰ ꓙ ꓫꓱꓽ ꓢꓲꓼ ꓓꓰˍ ꓡꓳ=

ꓤ ꓟꓶꓼ ꓐꓴ ꓔꓯꓸ ꓫꓸ ꓙꓵꓹˍꓟ  ꓗꓪ ꓐꓰ ꓥꓪ ꓠꓴꓽ ꓮꓽ ꓘꓶꓸ ꓠꓲꓹ ꓟ ꓠ ꓔꓬ ꓡꓳ-ꓸ ꓫꓸ ꓙꓵꓽ ꓟꓶꓽ ꓙꓵꓽ ꓔꓳꓹ ꓜꓳꓽ ˍꓟ ꓗꓪ ꓐꓰ ꓥꓵ  ꓔꓬ ꓢꓲꓼ ꓠꓲꓹ ꓟ ꓩꓴ ꓢꓲꓼ ꓓꓽ ꓔꓳꓹ ꓡꓹˍꓟ ꓟꓲ ꓙꓳ  ꓡ ꓪ-ꓸ ꓖꓳ ꓡꓰ ꓓꓽ ꓔꓳꓹ ꓡꓯꓼ ꓘꓳˍꓟ ꓪꓴꓸ ꓠꓬꓲ ꓡꓳꓸ ꓬꓰ ꓟ ꓠꓽ ꓦꓬꓼ ꓠꓬꓲ ꓕꓯꓽ ꓤ ꓟꓶꓼ 2 ꓣꓳ ꓐꓰꓼ ꓤꓼ ꓠꓵ ꓤꓼ ꓕꓲꓽ ꓣꓳ ꓫꓵ  ꓡꓰꓳ-ꓸ ꓐꓰ  ꓟꓯ-ꓢꓲ-ꓗꓳ ꓔꓲꓸꓹ ꓒꓽ(Mexican bishops) ꓐꓴ ꓡꓰꓽ ꓟꓳꓹ ꓖꓶꓽ ꓡꓳ ꓐꓰꓼ ꓦꓮꓔꓲꓚꓮꓠ ꓓꓳꓽ ꓗꓪ ꓐꓯ ꓔꓸ ꓡꓳ=

Source: vaticanNews