ꓧ1ꓠ1 ꓐꓯˍ ꓟ ꓠꓸꓹ ꓗꓪ ꓐꓰ ꓫꓵꓸꓸ ꓘꓷ ꓡꓰ ꓢꓴ ꓞꓳ ꓤ 78 ꓣꓳ ꓛꓲ ꓙꓳꓽ ꓡˍ ꓟ=

ꓧ1ꓠ1 ꓐꓯ ꓟ ꓠꓸꓹ ꓗꓪ ꓐꓰ ꓫꓵꓸꓸ ꓘꓷ ꓡꓰ ꓢꓴ ꓞꓳ  ꓤ 78 ꓣꓳ ꓛꓲ ꓙꓳꓽ ꓡˍ ꓟ=

ꓧ1ꓠ1 ꓠꓸꓹ ꓓꓴ ꓕꓲꓽ ꓫꓵꓽ ꓒꓬꓱꓼ ꓡˍ ꓟ ꓗꓪ ꓐꓰ 1 ꓦꓸꓹ 1 ꓠꓬꓲ ꓗꓪ ꓐꓰ 7 ꓦꓸꓹ ꓟ 27 ꓠꓬꓲ ꓗꓪ ꓛꓲ ꓫꓵꓸꓸ ꓢꓴ 78 ꓣꓳ ꓗꓪ ꓛꓲ ꓙꓳꓸꓸ ꓡˍꓳ ꓐꓰ ꓑ ꓫꓬꓼ ꓐꓱ ꓶꓼ ꓠꓯꓸꓹ ꓞꓲꓼ ꓔꓯ ꓙꓵꓽˍ ꓟ ꓠꓸꓹ ꓫꓵꓽ ꓠꓸꓹ ꓙꓰꓽ ꓔꓯꓸ ꓗꓽ ꓕˍ ꓟ  ꓔꓯ ꓙꓵꓽ ꓢꓴ ꓗꓪ ꓐꓰ ꓐꓯ ꓔ ꓡꓳ=

ꓧ1ꓠ1 ꓠꓸꓹ ꓔꓬ ꓢꓴ ꓠꓬ ꓞꓲꓼ ꓟꓳꓽ ꓢꓴ ꓾ ꓟꓶꓸꓸ ꓤ ꓠꓸꓹ ꓢꓴ ꓐꓰ ꓠꓱꓸ ꓐꓯꓼ ꓠꓸꓹ ꓙꓳ ꓢꓴ ꓥ ꓠꓬ ꓧꓪꓽ ꓖꓳ ꓓꓱꓽ ꓢꓯꓼ ꓐꓹ ꓟ ꓐꓰ ꓧ1ꓠ1 ꓠꓸꓹˍ ꓟ ꓟꓶꓸꓹ ꓤ ꓗꓷ ꓡꓰ ꓢꓲ ꓠꓯꓼ ꓞꓲꓼ ꓦꓲꓸꓹ ꓗꓪ ꓛꓲ ꓡˍ ꓟ ꓪꓴꓸ ꓠꓬꓲ  ꓫꓵꓸꓹˍ ꓟ ꓥ ꓢꓲ꓾ ꓖꓳ ꓟ ꓔꓯ ꓤ ꓟꓳ ꓠꓹ ꓟ ꓐꓰ ꓗꓽ ꓕꓸ ꓦꓽ ꓠꓹ ꓟ ꓐꓱ ꓶ ꓠꓯꓸꓹ ꓞꓲꓼ ꓔꓯ ꓟꓳꓸ ꓐꓰ ꓡꓳꓸꓸ ꓖꓪ ꓟ ꓕꓲꓽ ꓫꓵꓽ ꓡꓰ ꓕꓲꓽ ꓫꓵꓽ ꓔꓯ ꓙꓵꓽ ꓢꓴ ꓐꓴ ꓗꓪ ꓐꓰ ꓐꓯ ꓔ ꓟ ꓥ ꓡꓳ=

ꓧ1ꓠ1 ꓠꓸꓹ ꓐꓯˍ ꓟ ꓠꓬ ꓞꓳ ꓤ ꓕꓲꓽ ꓣꓳ ꓗꓪ ꓐꓰ ꓕꓲꓽ ꓣꓳ ꓠꓶꓼ ꓚꓵˍ ꓟ ꓠꓸꓹ ꓥ ꓢꓲ꓾ ꓧꓪꓽ ꓖꓳ ꓓꓱꓽ ꓢꓲꓽ ꓫꓬ ꓠꓹ ꓟ ꓡꓰ ꓟꓽ ꓛꓲ꓾ ꓡꓯꓽ-ꓒꓯ ꓔꓯ ꓟꓽ ꓠꓽ ꓠꓽ ꓞꓲꓽˍ ꓟ ꓾ ꓢꓯꓼ ꓙꓳ ꓠ ꓜꓽˍ ꓟ ꓐꓰ ꓬꓲꓸ ꓙꓵꓹ ꓙꓳ ꓙꓳ ꓡꓰ ꓬꓲꓼ ꓔ ꓠ ꓗꓹ ꓡꓳ ꓐꓰ ꓟꓲ ꓕꓵꓼ ꓪꓽ ꓖꓶꓽ ꓔ ꓡꓳ ꓾ ꓐꓰ ꓐꓐꓚ ꓓꓳꓽ ꓗꓪ ꓐꓯ ꓔ ꓡꓳ=