ꓪꓴꓽ ꓜꓽ ꓗꓷ ꓟꓶˍ ꓟ ꓞꓳ ꓤ ꓐꓴ ꓔꓯ ꓡꓳꓸ ꓙ ꓖꓴ ꓗꓪ ꓔꓲꓸꓸ ꓒ ꓪ ꓔꓲ Francis ꓡꓰ ꓚꓳꓸꓹ ꓙꓰˍ ꓟ=

ꓪꓴꓽ ꓜꓽ ꓗꓷ ꓟꓶˍ ꓟ ꓞꓳ ꓤ ꓐꓴ ꓔꓯ ꓡꓳꓸ ꓙ ꓖꓴ ꓗꓪ ꓔꓲꓸꓸ ꓒ ꓪ ꓔꓲ Francis ꓡꓰ ꓚꓳꓸꓹ ꓙꓰˍ ꓟ=

ꓪꓴꓽ ꓜꓽ ꓗꓷ ꓟꓶˍ ꓟ ꓞꓳ ꓤ ꓐꓴ ꓔꓯ ꓡꓳꓸ ꓙ ꓖꓴ ꓗꓪ ꓔꓲꓸꓸ ꓒ ꓪ ꓔꓲ Francis ꓡꓰ ꓚꓳꓸꓹ ꓙꓰˍ ꓟ=

 

ꓫꓱꓸ ꓤ ꓟ ꓠꓽ ꓥꓪꓽ ꓠꓬꓲ ꓔꓯ ꓚꓲꓸ ꓟꓶ ꓓꓴ ꓐꓯ ꓢꓲ꓾ ꓔꓲ ꓒꓽ ꓪ ꓔꓲ Francis ꓡꓰ꓾ ꓪꓴꓽ ꓜꓽ ꓗꓷ ꓟꓶˍ ꓟ ꓞꓳ ꓤ ꓐꓴ ꓔꓯ ꓡꓳꓸ ꓙ ꓟ 23 ꓣꓳ ꓟ ꓔꓲ ꓒꓽ ꓪ ꓔꓲ ꓬꓳ-ꓦ ꓜꓴꓸꓹ ꓗꓪ ꓚꓳꓸꓹ ꓙꓰ ꓗꓷꓳ=

ꓕꓰ ꓡꓰ ꓚꓳꓸꓹ ꓙꓰˍ ꓟ ꓗꓪ ꓪꓴꓽ ꓜ ꓗꓷ ꓟꓶˍ ꓟ ꓤ ꓟꓶꓽ ꓤ ꓐꓴ ꓔꓳꓹ ꓜꓳꓽ ꓗꓷ ꓟ ꓫꓸ ꓙꓵꓽ ꓓꓴ ꓔꓯ ꓠꓸꓸ ꓠꓹ ꓖꓶꓽ ꓢꓲ꓾ ꓕꓱ ꓘꓶ ꓛꓲ ꓫꓸ ꓙꓵ  ꓗꓷ ꓟ꓾ ꓚꓳ ꓑꓸ ꓕꓲꓽ ꓣꓳ ꓡꓰ ꓐꓰ ꓔꓳꓹ ꓜꓳꓽ ꓗꓷ ꓟ ꓤ ꓟꓶ ꓤ ꓐꓴ ꓔꓯ ꓟꓳꓸꓹ ꓪꓸ ꓥꓳ ꓐꓰ ꓥꓪ ꓟ ꓥꓳ ꓡꓳꓸꓔ꓾ ꓕꓱ ꓗꓪ ꓟ ꓤ ꓟꓶ ꓤ ꓐꓴ ꓠꓬ ꓚꓵꓸꓸ ꓚꓵꓸꓸ ꓡꓯꓼ ꓐꓳ ꓔꓶꓸ ꓓꓴ ꓗꓪ ꓢꓰꓼ ꓗꓷ ꓟꓶ ꓢꓴ ꓤ ꓟꓶ ꓤ ꓥꓳ ꓐꓰ ꓾ ꓠꓲꓹ ꓥꓴ ꓢꓲ ꓐꓯ ꓗꓷꓳ=ꓪ ꓙꓲꓸꓸ ꓫꓸ ꓙꓵ ꓓꓴ ꓒꓬꓱꓼˍ ꓟ ꓠꓬ ꓤ ꓟꓶ ꓤ ꓐꓴ ꓔꓯ ꓘꓶꓸꓹ ꓙꓵꓸꓸ ꓢꓴ ꓐꓴ ꓠꓬ ꓚꓲꓸ ꓛꓬ ꓖꓳ ꓓꓱ  ꓚꓲꓸ ꓛꓬ ꓙꓲ-ꓢꓴ-ꓢꓲ-ꓤ ꓐꓰ ꓐꓯ ꓔꓬꓹ ꓢꓴ ꓐꓴ ꓡꓰꓽ ꓥ ꓟ ꓔꓯ ꓠꓲꓹ ꓟ ꓫꓸ ꓫˍ ꓐꓰ ꓢꓷꓸ ꓪ ꓡꓰꓳ=ꓖꓳ ꓗꓪ ꓟ ꓤ ꓟꓶ ꓤ ꓐꓴ ꓔꓯ ꓔꓲꓸꓸ ꓒꓽ ꓪ ꓔꓲ Francis ꓡꓰ ꓟꓽ ꓙꓲꓸꓸ ꓟ ꓬꓰ ꓗꓷ ꓢꓴ ꓐꓴ ꓔꓯ ꓖꓼ ꓖꓶꓽ ꓠꓹ ꓟ ꓝꓴꓲꓸ ꓬꓰ ꓢꓴ ꓐꓴ ꓬꓲꓸ ꓛꓵꓸꓸ ꓣꓷꓠꓸ ꓗꓷꓳ꓾ ꓐꓰ ꓟꓸ ꓖꓶꓽ ꓔ ꓡꓳ=

ꓢꓯꓼ ꓐꓽˍ ꓟ ꓤ ꓟꓶ ꓤ ꓐꓴ ꓔꓯ ꓔꓱꓹ ꓚꓵˍ ꓟ ꓠꓵ ꓠꓲꓹ ꓗꓪ ꓐꓰ ꓟꓽ ꓥ ꓥ꓾ ꓮ ꓔꓳꓸꓹ ꓔꓳꓸꓹ ꓤꓶ ꓢꓲ ꓚꓲꓸ ꓛꓬꓼ ꓠꓲꓹ ꓫꓵˍ  ꓟ ꓔꓯ ꓡꓰꓽ ꓛꓳ ꓢꓲ ꓘꓶꓸꓹ ꓙꓵˍ ꓟ꓾ ꓚꓳ ꓑ ꓬꓰ ꓟ ꓠꓲꓹ ꓒꓳ ꓠꓲꓹ ꓙꓬꓸꓹ ꓬꓰˍ ꓟ ꓔꓯ ꓗꓽ ꓕ ꓠꓹ ꓟ꓾ ꓠꓲꓹ ꓟ ꓘꓴꓽ ꓠꓯꓸꓼ ꓗꓪ ꓐꓬꓸꓹ ꓡꓰ ꓔꓬꓹ ꓟ ꓔꓯ ꓞꓳ ꓤ ꓮ ꓙꓵꓽ ꓢꓷꓸ ꓡꓰ ꓠ ꓞꓳ ꓤ ꓮ ꓙꓵꓽ ꓬꓰ ꓠꓹ ꓗꓹ ꓟ꓾ ꓤ ꓟꓶ ꓤ ꓔꓯ ꓚꓲꓸ ꓛꓬ ꓒꓵꓽ ꓶꓽ ꓔꓯ ꓧꓪꓸꓸ ꓓꓴ꓾ ꓣꓱꓽ ꓗꓷ ꓢꓲ ꓟꓽ ꓙꓲꓸꓸ ꓗꓷ  ꓡꓰˍ ꓕꓯ ꓡꓳ ꓦ ꓗꓷ ꓓꓴ ꓕꓲꓽ ꓫꓵꓽˍ ꓡꓰ ꓐꓰ ꓟꓳꓸꓹ ꓡ ꓔꓬꓹ ꓟ ꓠꓬ ꓞꓳ ꓜꓴꓸꓹ ꓐꓴ ꓟꓽ ꓙꓲꓸꓹ ꓗꓷ ꓡꓰ ꓔꓬꓹ ꓟ ꓐꓰ ꓟꓽ ꓔꓱꓹ ꓟ ꓥꓶˍ ꓟ ꓚꓴꓽ ꓬꓲꓸ ꓥ ꓟ꓾ ꓞꓳ ꓜꓴꓸꓹ ꓠꓸꓹ ꓕꓲꓽ ꓟ ꓡꓰ ꓐꓰ ꓒꓬꓱꓼ ꓡ ꓔꓬ ꓟ ꓔꓯ ꓐꓯ ꓟ ꓗꓷ ꓢꓲ꓾ ꓖꓳ ꓡꓱ ꓫꓸ ꓙꓵˍ ꓟ ꓟꓶ ꓔꓬꓹ ꓢꓴ ꓔꓯ ꓚꓬꓴꓸ ꓙ ꓣꓱꓽ ꓙ ꓔꓬꓹ ꓢꓴ ꓐꓴ ꓠꓬ ꓢꓯꓼ ꓙꓳ ꓪꓽ ꓠꓬꓲ ꓢꓴ꓾ ꓠꓲꓹ ꓟ ꓙꓲꓸꓹ ꓢꓴ ꓗꓪ ꓐꓰ ꓓꓳꓸꓹ ꓡˍ ꓟ ꓡꓰꓽ ꓥ ꓡꓳ꓾ ꓐꓰ ꓟꓲ ꓐꓯ ꓟꓸ ꓖꓶꓽ ꓗꓷꓳ=

ꓖꓳ ꓟ ꓔꓯ ꓪꓴꓽ ꓜꓽ ꓗꓷ ꓟꓶ ꓢꓴ ꓐꓴ ꓔꓯ ꓚꓬꓴꓸ ꓙ ꓔꓬꓹ ꓟ 23 ꓣꓳ ꓟ ꓔꓲ ꓒꓽ ꓪ ꓔꓲ ꓬꓳ-ꓦ ꓜꓴꓸꓹ ꓗꓪ ꓟ ꓔꓲꓸꓸ ꓒꓽ Aldo Buonaiuto ꓡꓰ ꓕꓳꓽ ꓶ ꓑꓷꓠ ꓠꓬꓲˍ ꓔ ꓟ ꓗꓪ ꓔꓲꓸꓸ ꓒꓽ ꓪ ꓔꓲ Francis ꓡꓰ ꓡꓯꓼ-ꓟ ꓠꓬꓲꓸ ꓗꓷ ꓢꓲ ꓾ ꓞꓳ ꓤ ꓐꓯ ꓟ ꓠꓬ ꓮ ꓕꓯ ꓥ ꓟꓲ ꓪꓴꓽ-ꓫꓵꓽ -ꓪꓴꓽ-ꓙꓰ ꓐꓯ ꓢꓲ ꓬꓰ ꓟꓽ ꓓ ꓟ ꓔꓯ ꓟꓲ ꓐꓳꓸꓹ ꓖꓶꓽ ꓗꓷꓳ= ꓝ ꓢꓲ꓾ ꓖꓳ ꓟ ꓡꓰ ꓐꓰ ꓔꓱꓹ ꓚꓵˍ ꓟ ꓔꓯ ꓞꓳ ꓤ ꓮ ꓙꓵꓽ ꓢꓷꓸ ꓡꓰ ꓠ ꓧꓪꓸꓹ ꓟꓰꓹ ꓖꓴ ꓟꓸ ꓖꓶꓽ ꓠꓹ ꓟˍ ꓟꓲ ꓕꓵꓼ ꓪꓽ ꓖꓶꓽ ꓗꓷꓳ=

http://bit.ly/2Yup9sN

Add new comment

2 + 8 =