ꓬꓲꓸꓹ ꓙꓬꓸꓹ ꓠꓯ ꓬꓲꓸꓹ ꓐꓰ ꓬꓲꓸꓹ ꓡꓴꓽ ꓐꓬꓱꓸꓹ ꓓꓽ ꓟ ꓗꓪ ꓐꓰ ꓟꓶ ꓫꓵꓽ ꓮ ꓙꓵꓽ ꓔꓯ ꓬꓲꓸ ꓦꓬ; ꓠꓬꓲ ꓟꓶꓸꓹ ꓤ ꓗꓪ ꓛꓲ ꓠꓬꓲ ꓡꓳꓸ ꓗꓪꓽ ꓫꓵꓼ ꓠꓹ ꓟ ꓔꓲꓸꓸ ꓒ ꓪ ꓔꓲ ꓣꓳ, ꓗꓪ ꓐꓰ ꓕꓵꓼ ꓪꓽ ꓖꓶꓽˍ ꓟ=

ꓬꓲꓸꓹ ꓙꓬꓸꓹ ꓠꓯ ꓬꓲꓸꓹ ꓐꓰ ꓬꓲꓸꓹ ꓡꓴꓽ ꓐꓬꓱꓸꓹ ꓓꓽ ꓟ ꓗꓪ ꓐꓰ ꓟꓶ ꓫꓵꓽ ꓮ ꓙꓵꓽ ꓔꓯ ꓬꓲꓸ ꓦꓬ; ꓠꓬꓲ ꓟꓶꓸꓹ ꓤ ꓗꓪ ꓛꓲ ꓠꓬꓲ ꓡꓳꓸ ꓗꓪꓽ ꓫꓵꓼ ꓠꓹ ꓟ ꓔꓲꓸꓸ ꓒ ꓪ ꓔꓲ ꓣꓳ, ꓗꓪ ꓐꓰ ꓕꓵꓼ ꓪꓽ ꓖꓶꓽˍ ꓟ=

7 ꓦꓸꓹ ꓟ 25 ꓠꓬꓲ ꓕꓯ ꓬꓰ ꓗꓷ ꓟ꓾ ꓟꓵꓽ ꓗꓳꓹ ꓓꓵꓸꓸ ꓓꓵꓸꓸ ꓠꓯ ꓬꓲꓸꓹ ꓔꓯꓸ ꓟꓳꓸꓼ ꓙꓵꓽ ꓪ ꓙꓳ ꓢꓴ ꓜꓴꓸꓹ 25ꓘꓳꓼ ꓐꓲˍ ꓟ ꓑꓮꓲ  ꓗꓪ꓾ ꓬꓲꓸꓹ ꓙꓬꓸꓹ ꓠꓯ ꓬꓲꓸꓹ ꓐꓰ ꓬꓲꓸꓹ ꓡꓴꓽ ꓐꓬꓱꓸꓹ ꓓꓽ ꓟ ꓗꓪ ꓐꓰ ꓟꓶ ꓫꓵꓽ ꓮ ꓙꓵꓽ ꓔꓯ ꓬꓲꓸ ꓦꓬꓽ ꓠꓬꓲ ꓟꓶꓸꓹ ꓤ ꓗꓪ ꓛꓲ ꓣꓱꓽ ꓠꓹ ꓟ Vatican ꓗꓴꓷꓼ ꓴꓠ ꓜꓴꓸꓹ ꓗꓪ ꓮ ꓕꓯ ꓟꓲ ꓟꓬꓱꓽ ꓬꓰ ꓢꓴ ꓕꓲꓽ ꓣꓳ ꓥ ꓟ ꓔꓲ.. ꓒꓽ ꓓꓽ  Bernadito Auza  ꓗꓪ ꓐꓰ ꓐꓯ ꓔ ꓟ ꓥꓳ=

ꓟꓵꓽ ꓗꓳꓹ ꓓꓵꓸꓸ ꓓꓵꓸꓸ ꓠꓯ ꓬꓲꓸꓹ ꓔꓯꓸ ꓟꓳꓸꓼ ꓙꓵꓽ ꓪ ꓙꓳ ꓢꓴ ꓜꓴꓸꓹ ꓐꓴ ꓣꓱꓽ ꓬꓰ ꓔꓬꓹ ꓟ ꓔꓯ ꓫꓸ ꓟꓳˍ ꓟ ꓐꓰ꓾ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓧꓪ ꓟꓶ ꓔ ꓟ ꓔꓯ ꓡꓳꓸ ꓠꓬꓲˍ ꓠꓬ꓾ ꓟꓲꓽ ꓕꓯ ꓢꓲ ꓤꓶꓸꓹ ꓐꓱ ꓶꓼ ꓐꓬꓸꓸ ꓡꓰ ꓓꓴ ꓡꓰꓽ ꓡꓳꓸ ꓟꓳˍ ꓟ ꓔꓯ ꓟꓲ ꓖꓴ ꓟꓸ ꓖꓶꓽ ꓔ ꓡꓳ=

ꓬꓲꓸꓹ ꓙꓬꓸꓹ ꓠꓯꓸꓹ ꓬꓲꓸꓹ ꓠꓬ ꓣꓳꓽ ꓞꓳ ꓤ ꓐꓱ ꓶ ꓡꓯꓼ ꓫꓴ ꓐꓯ ꓢꓲ ꓟꓶꓸꓸ ꓔ ꓟ ꓥ ꓟ ꓪꓴꓸ ꓠꓬꓲ꓾ ꓖꓳ ꓟ ꓔꓯ ꓣꓳꓽ ꓟꓶꓸꓸ ꓔ ꓟ ꓡꓰꓽ ꓟ: ꓥ ꓥI  ꓠꓬꓲꓸꓸ ꓡꓳꓸ ꓗꓪꓽ ꓫꓵꓼ ꓠ ꓗꓹ ꓟ  ꓐꓰ꓾ ꓬꓲꓸꓹ ꓙꓬꓸꓹ ꓠꓯꓸꓸ ꓬꓲꓸꓹ ꓗꓪ ꓙꓳˍ ꓟ ꓮꓽ ꓙꓵꓽ ꓔꓯ ꓣꓱꓽ ꓒꓬꓹ ꓟ꓾ꓟꓽ ꓫꓬꓸꓹ ꓗꓷ ꓡꓰ ꓝꓲˍ ꓟ ꓾ ꓚꓲꓸ ꓛꓬ ꓐꓱ ꓶꓼ ꓡꓰꓽ ꓡꓳꓸ ꓢꓲ ꓬꓰ ꓟ ꓔꓯ ꓤ ꓟꓳ ꓢꓲ ꓾ ꓟꓶꓸꓹ ꓤ ꓗꓪ ꓛꓲ ꓠꓬꓲ ꓡꓳꓸ ꓗꓪꓽ ꓫꓵꓼ ꓠꓹ ꓟ ꓕꓵꓼ ꓪꓽ ꓖꓶˍ ꓟ ꓐꓰ꓾ ꓟꓶ ꓠ ꓔ ꓟ ꓚꓲꓸ ꓛꓬꓼ ꓒꓵꓽ ꓶꓼ ꓔꓯ ꓚꓲꓸ ꓛꓬ ꓐꓱ ꓶꓼ ꓣꓱꓽˍ ꓟ ꓡꓰ ꓐꓰ ꓬꓲꓸꓹ ꓙꓬꓸꓹ ꓠꓯꓸꓹ ꓬꓲꓸꓹ ꓔꓯ ꓟꓲ ꓐꓬ ꓡꓰ ꓓꓴ ꓮ ꓙꓵꓽ ꓗꓪ ꓐꓰ ꓗꓽ ꓕ ꓠ ꓗˍ ꓡꓳ=

ꓬꓲꓸꓹ ꓙꓬꓸꓹ ꓠꓯ ꓬꓲꓸꓹ ꓗꓪ ꓙꓳ ꓟ ꓒꓵꓽ ꓶꓼ ꓗꓪ ꓐꓰ ꓚꓲꓸ ꓛꓬ ꓗꓴꓷꓼ ꓪꓴꓽ ꓡ ꓟꓴ ꓡ ꓚꓱꓹ ꓾ ꓧꓪꓸꓸ ꓜꓽ ꓧꓪꓸꓸ ꓓꓳ ꓚꓱꓹ꓾ ꓟꓬꓱꓽ ꓬꓰ ꓚꓱꓹ ꓮ ꓙꓵꓽ ꓪꓴꓽ ꓟꓴ ꓡ ꓔꓬ ꓟ ꓐꓰ ꓕꓲꓽ ꓪꓸꓸꓽ ꓬꓲꓸꓹ ꓙꓬꓸꓹ ꓗꓪ ꓐꓰ ꓢꓲꓸ ꓓꓳ ꓡ ꓔꓬꓹ ꓡꓳ=ꓢꓲꓸ ꓖꓳ ꓟ ꓔꓯ ꓠꓯ ꓬꓲꓸꓹ ꓔꓯꓸ ꓟꓳꓸꓼ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓬꓰ ꓙ ꓠꓹ ꓟ ꓐꓰ ꓾ ꓬꓲꓸꓹ ꓙꓬꓸꓹ ꓠꓯ ꓬꓲꓸꓹ ꓗꓪ ꓐꓰ ꓟꓶ ꓫꓵꓽ ꓮ ꓙꓵꓽ ꓔꓯ ꓠꓬꓲ ꓡꓳꓸ ꓗꓪꓽ ꓫꓵꓼ ꓠ ꓟ ꓔꓯ ꓡꓰꓽ ꓬꓲꓸ ꓙꓲꓸꓸ ꓬꓰ ꓠꓹ ꓟ Vatican ꓗꓴꓷꓼ ꓴꓠ ꓜꓴꓸꓹ ꓗꓪ ꓮ ꓕꓯ ꓟꓲ ꓟꓬꓱꓽ ꓬꓰ ꓢꓴ ꓕꓲꓽ ꓣꓳ ꓥ ꓟ ꓔꓲ ꓒꓽ ꓓꓽ  Bernadito Auza  ꓗꓪ ꓐꓰ ꓐꓯ ꓔ ꓡꓳ=

https://bit.ly/2ZgZmBJ