ꓬꓲꓸ ꓜꓲꓽ ꓬꓲꓸ ꓟꓵꓼ ꓦ ꓡꓱ ꓚꓱꓼ ꓔꓯꓼ ꓒꓳꓸ ꓡꓶꓸ ꓝꓲ ꓠꓯ_ꓟ

Islam ꓙꓵꓻ ꓚꓱꓹ ꓔꓯ ꓬꓲꓸ ꓙꓲꓻ ꓬꓲꓸ ꓟꓰꓹ ꓘꓳ ꓣꓴ ꓝꓲˍ ꓟ ꓕꓯꓽ ꓢꓲ ꓗꓪ ꓙꓳꓺ ꓗˍ ꓟ=

8 ꓦꓻ ꓟ 7 ꓠꓬꓲ ꓾ 2019

Pakistan ꓗꓴꓷꓼ ꓗꓪ ꓦꓻ ꓡꓱ ꓢꓴ ꓮꓽ ꓟꓬꓹ ꓟꓽ ꓙꓳ ꓟ Christian ꓐꓰ Hindus ꓤ ꓟꓶ ꓤ ꓐꓴ ꓔꓯ Islam ꓦꓻ ꓡꓱ ꓚꓱꓹ ꓔꓯ ꓬꓲꓸ ꓙꓲ ꓬꓲꓸ ꓟꓰꓹ ꓘꓳ ꓣꓴ ꓝꓲˍ ꓟ꓾ ꓬꓲꓸ ꓙꓲ ꓬꓲꓸ ꓟꓰꓹ ꓦꓻ ꓡꓱ ꓝꓲˍ ꓟ ꓔꓯ ꓝ ꓢꓲ ꓗ-ꓔꓳ-ꓡꓲ ꓣꓱꓽ ꓙ ꓔꓳꓹ ꓙ ꓜꓴꓻ ꓗꓪ ꓐꓰ ꓪꓴꓸ ꓔꓴꓺ ꓢꓲ꓾ ꓟꓵ ꓗꓳꓹ ꓓꓵꓺ ꓓꓵꓺ ꓗꓪ ꓐꓰ ꓢꓷ ꓡ ꓟ ꓬꓲꓸ ꓓꓳꓽ ꓣꓴ ꓢꓴ ꓐꓴ ꓟꓲꓽ ꓙꓬꓼ ꓗꓪ ꓐꓯ ꓟꓸ ꓖꓶꓽ ꓗꓷꓳ=

Pakistan ꓗꓪ ꓕꓲꓽ ꓘꓳꓼ ꓡꓰ ꓕꓲꓽ ꓘꓳꓼ ꓗꓪ ꓞꓲꓼ ꓣꓳˍ ꓟ ꓤ ꓟꓶ ꓤ ꓐꓴ ꓕꓲꓽ ꓔꓴꓺ ꓣꓳ ꓛꓲ ꓠꓬ ꓬꓲꓸ ꓙꓲ ꓬꓲꓸ ꓟꓰꓹ ꓘꓴ ꓔꓯ ꓙꓰ ꓟꓶˍ ꓟ꓾ ꓦꓲꓻ ꓢꓲ ꓟ ꓕꓲꓽ ꓣꓳ ꓡꓰ ꓐꓰ ꓔꓬꓹ ꓪꓸ ꓟ꓾ ꓲꓢꓡꓮꓟ ꓙꓵꓻ ꓚꓱꓹ ꓔꓯ ꓬꓲꓸ ꓙꓲ ꓬꓲꓸ ꓟꓰꓹ ꓘꓳꓹ ꓣꓴ ꓝꓲˍ ꓟ꓾ ꓐꓰ ꓟꓬꓽ ꓠꓬꓲ ꓫꓸ ꓙꓵꓹ ꓟ ꓠꓬ ꓚꓲꓸ ꓛꓬꓼ ꓔꓯ ꓬꓲꓸ ꓙꓲ ꓬꓲꓸ ꓟꓰꓹ ꓘꓶꓺ ꓙꓵꓺ ꓢꓴ ꓔꓯ ꓡꓯꓽ ꓒꓯꓹ ꓝ ꓝꓲˍ ꓟ ꓠꓬ ꓕꓲꓽ ꓘꓳꓼ ꓡꓰ ꓕꓲꓽ ꓘꓳꓼ ꓗꓪ ꓒꓬꓱꓼ ꓔꓬꓹ ꓟ ꓔꓯ ꓗꓴꓷꓼ ꓙꓵꓽ ꓗ ꓔꓯ ꓟꓳꓸꓼ ꓟꓬꓱꓽ ꓬꓰ ꓔꓬꓹ ꓟ  Yousaf ꓗꓪ ꓐꓰ ꓡꓳꓹ ꓬꓰ ꓟ ꓠꓽ-ꓡꓲ-ꓠꓬꓲ  Karachi ꓗꓪ ꓬꓲꓸ ꓓꓳꓽ ꓣꓴ ꓢꓴ ꓐꓴ ꓟꓲꓽ ꓙꓬꓼ ꓗꓪ ꓐꓯ ꓟꓸ ꓖꓶꓽ ꓗꓷꓳ=

#ꓦꓮꓔꓲꓚꓮꓠ ꓠꓰꓪꓢ