ꓮꓴꓠꓖ-ꓑꓮꓠ ꓗꓪ 18’ ꓟꓴˍ ꓟ ꓭꓸ ꓐꓬꓼ ꓗꓪ ꓓꓯꓻ ꓙꓰ ꓢꓲ ꓢꓲꓹ ꓪꓰ ꓧꓼ ꓔꓬ ꓟ ꓮ ꓑ ꓟꓳꓽ ꓕꓲ ꓣꓳ ꓖꓳ ꓗꓪ ꓐꓰ ꓞꓰ ꓡꓰ ꓢꓲ ꓫꓵꓻ ꓟ ꓓꓳꓽ

Wednesday, May 08, 2024

ꓥꓪꓽ ꓦ (6) ꓠꓬꓲ ꓕꓯ ꓮꓴꓠꓖ-ꓑꓮꓠ ꓡꓳ ꓒꓱ ꓒ ꓕꓲ꓾ ꓑꓲꓠ-ꓟꓲ ꓞꓳ ꓘꓹ ꓜꓴ꓾ ꓗꓬꓮꓴꓔ-ꓢꓲꓠꓸ ꓞꓳ ꓘꓹ ꓗꓪ ꓮ ꓑ ꓟꓳꓽ ꓕꓲ ꓣꓳ ꓭꓸ ꓐꓬꓼ ꓕꓯꓽ ꓢꓲ ꓗꓪ ꓓꓯꓻ ꓢꓲ ꓢꓲꓹ ꓪꓰ ꓧꓼ ꓔꓬ ꓟ ꓗꓪ ꓐꓰ ꓞꓰ ꓫꓵꓻ ꓟ ꓙꓳˍ ꓡꓳ꓾ ꓐꓰ ꓬꓰ ꓙ ꓢꓴ ꓜꓴꓻ-ꓮꓴꓠꓖ-ꓑꓮꓠ ꓗꓪ ꓐꓰ ꓢꓷꓸ ꓪ ꓡꓳ=

ꓮ ꓑ ꓟꓳꓽ ꓖꓳ ꓟ ꓠꓬ ꓗꓬꓮꓴꓔ-ꓢꓲꓠꓸ ꓞꓳ ꓘꓹ ꓗꓪ ꓔꓬ ꓢꓴ ꓥ ꓢꓲ ꓠꓬꓲ꓾ ꓬꓲ ꓞꓲꓼ (76) ꓘꓳꓼ ꓙꓳˍ ꓟ ꓥ ꓢꓲ꓾ 18’ ꓟꓴˍ ꓟ ꓭꓸ ꓐꓬꓼ ꓕꓯꓽ ꓢꓲ ꓗꓪ ꓙꓳˍ ꓟ ꓓꓯꓸ-ꓔ-ꓗꓴꓸ ꓢꓲꓹ ꓪꓰ ꓧꓼ ꓔꓬ ꓕꓯ꓾ ꓠꓯꓸ ꓘꓪ ꓗꓪ ꓞꓰꓻ ꓡꓰ ꓢꓲ ꓫꓵꓻ ꓟ ꓥ ꓡꓳ꓾ ꓬꓰ ꓙ ꓢꓴ ꓜꓴ ꓗꓪ ꓟ ꓕꓲ ꓣꓳ ꓡꓰ ꓐꓯ ꓡꓳ=

ꓬꓲ ꓫꓵꓻ ꓟꓳꓻ ꓔꓯ ꓬꓰ ꓙ ꓢꓴ ꓜꓴ ꓡꓰ ꓮꓴꓠꓖ-ꓑꓮꓠ ꓠꓯꓻ ꓞꓲꓼ ꓦꓲ ꓗꓪ ꓧꓳꓽ ꓔꓯꓹ ꓙꓰ ꓗꓷꓳ꓾ ꓐꓰ ꓢꓷꓸ ꓪ ꓡꓳ=