American ꓗꓴꓷꓼ ꓗꓪ ꓕꓲꓽ ꓠꓽ ꓟ ꓘꓴꓽ ꓠꓯꓸꓼ ꓡ-ꓛꓬꓴꓸ ꓐꓰ ꓢꓰꓼ ꓗꓷ ꓟꓶˍ ꓟ 3 ꓖꓻ ꓙꓳˍ ꓟ ꓪꓴꓸ ꓠꓬꓲ ꓔꓲꓺ ꓒꓽ ꓪ ꓔꓲ ꓝꓣꓮꓠꓚꓲꓢ ꓡꓰ ꓪ ꓘꓴ ꓖꓶꓽ ꓗꓷ ꓟ=

American ꓗꓴꓷꓼ ꓗꓪ ꓕꓲꓽ ꓠꓽ ꓟ ꓘꓴꓽ ꓠꓯꓸꓼ ꓡ-ꓛꓬꓴꓸ ꓐꓰ ꓢꓰꓼ ꓗꓷ ꓟꓶˍ ꓟ 3 ꓖꓻ ꓙꓳˍ ꓟ ꓪꓴꓸ ꓠꓬꓲ ꓔꓲꓺ ꓒꓽ ꓪ ꓔꓲ ꓝꓣꓮꓠꓚꓲꓢ ꓡꓰ ꓪ ꓘꓴ ꓖꓶꓽ ꓗꓷ ꓟ=

8 ꓦꓻ 4 ꓠꓬꓲ꓾ 2019

ꓕꓲꓽ ꓠꓽ ꓡꓰ ꓕꓲꓽ ꓠꓽ꓾ ꓠꓽ ꓦꓬꓼ ꓠꓬꓲ ꓜꓲꓼ ꓡꓳꓽ ꓖꓴꓽ ꓗꓪ ꓜꓲꓼ ꓡꓳꓽˍ ꓟ ꓾Angelus ꓪꓽ ꓘꓴˍ ꓟ ꓗꓪ American ꓗꓴꓷꓼ Texas, Califonia ꓐꓰ Ohio 3 ꓖꓻ ꓗꓪ ꓕꓲꓽ ꓠꓽ ꓟ ꓘꓴꓽ ꓠꓯꓸꓼ ꓗꓪ ꓡ-ꓛꓬꓴꓸ ꓐꓰ ꓢꓰꓼ ꓗꓷ ꓟꓶˍ ꓟ ꓪꓴꓸ ꓠꓬꓲ ꓫꓵꓺ ꓢꓴ ꓐꓴ꓾ ꓠꓻ ꓓꓴ ꓓꓴ ꓡꓰ ꓢꓴ ꓐꓴ꓾ ꓠꓲꓹ ꓟ ꓫꓸ ꓔꓬꓹ ꓟ  ꓦꓲꓻ ꓘꓴꓽ ꓢꓴ ꓐꓰ ꓕꓲꓽ ꓪꓺꓽ ꓪꓽ ꓘꓴˍ ꓟ ꓠꓯꓸꓼ ꓗꓪ ꓕꓲꓽ ꓠꓲꓹ ꓕꓲꓽ ꓪꓺꓽ ꓙꓳ ꓔꓬꓹ ꓥꓳ꓾ ꓐꓰ  ꓔꓲꓺ ꓒꓽ ꓪ ꓔꓲ ꓝꓣꓮꓠꓚꓲꓢ ꓡꓰ ꓐꓯ ꓗꓷꓳ=

7 ꓦꓻ ꓟ 28 ꓠꓬꓲ ꓠꓽ ꓦꓬꓼ ꓠꓬꓲ ꓕꓯ ꓗ-ꓡꓲ-ꓩꓳ-ꓠꓲ-ꓬ (Califonia) ꓗꓴꓷꓼ ꓫꓴꓺ Gilroy Garlic Food Festival ꓐꓯˍ ꓟ ꓜꓽ ꓫꓵꓽ ꓓꓳ ꓻ ꓫꓵꓽ ꓑꓮꓲ ꓬꓰ ꓔꓬꓹ ꓕꓯ ꓬꓲꓸ ꓞꓲꓼ 19 ꓘꓳꓼ ꓛꓲ ꓙꓳˍ ꓟ ꓞꓳ ꓡꓱ ꓤ ꓕꓲꓽ ꓣꓳ ꓗꓪ ꓐꓰ ꓡ-ꓛꓬꓴꓸ ꓔꓯꓹ ꓢꓲ ꓟꓽ ꓠꓽ ꓠꓽ ꓐꓶꓻˍ ꓟ ꓪꓴꓸ ꓠꓬꓲ꓾  ꓬꓲꓸ ꓞꓲꓼ 6 ꓘꓳꓼ ꓙꓳˍ ꓟ ꓤ ꓑ ꓤ ꓕꓲꓽ ꓣꓳ ꓐꓰ 13ꓘꓳꓼ ꓙꓳˍ ꓟ ꓤ ꓟꓶꓽ ꓤ ꓕꓲꓽ ꓣꓳ ꓐꓰ ꓕꓲꓽ ꓪꓺꓽ 3 ꓣꓳ ꓫꓵꓺ ꓢꓲ꓾ 12 ꓤꓳ ꓠꓻ ꓓꓴ ꓟꓶ ꓡꓰꓳ=

8 ꓦꓻ ꓟ 3 ꓠꓬꓲ꓾ ꓠꓽ ꓛꓳꓼ ꓠꓬꓲ ꓕꓯ Texas ꓗꓴꓷꓼ ꓫꓴꓺ El Paso ꓙꓵꓽ-ꓔꓲ-ꓖ ꓗꓪ ꓐꓶꓻ ꓗꓷ ꓟ ꓪꓴꓸ ꓠꓬꓲ ꓞꓳ ꓤ 20 ꓣꓳ ꓫꓵꓺ ꓢꓲ ꓮ ꓟꓬꓹ ꓠꓻ ꓓꓴ ꓟꓶ ꓗꓷ ꓟ꓾

8 ꓦꓻ ꓟ 4 ꓠꓬꓲ ꓠꓽ ꓦꓬꓼ ꓠꓬꓲ ꓕꓯ Ohio ꓗꓪ ꓒꓬꓱꓼ ꓗꓷ ꓟ ꓡ-ꓛꓬꓴꓸ ꓐꓶꓻˍ ꓟ ꓪꓴꓸ ꓠꓬꓲ 9 ꓣꓳ ꓫꓵꓺ ꓢꓲ ꓠꓻ ꓓꓴ ꓓꓴ ꓡꓰ ꓢꓴ ꓮ ꓟꓬꓹ ꓙꓳˍ ꓡꓳ ꓐꓰ ꓟꓲ ꓐꓯ ꓟꓸ ꓖꓶꓽ ꓔ ꓡꓳ=

ꓮ ꓟꓶꓻ ꓒꓬꓱꓼ ꓗꓷ ꓟ ꓫꓵꓽ ꓪꓴꓽ ꓡꓰ ꓟꓽ ꓞꓲ ꓾ ꓡ-ꓛꓬꓴꓸ ꓔꓯꓹ ꓢꓲ ꓞꓳ ꓤ ꓮ ꓟꓬꓹ ꓔꓯ ꓐꓶꓻ ꓢꓰꓼˍ ꓟ ꓠꓬ 2019 ꓘꓳꓼ ꓘꓴꓽ ꓠꓯꓸꓼ ꓗꓪ 22 ꓧꓪꓹ ꓕꓲꓽ ꓧꓪꓹ ꓟ ꓐꓶꓻ ꓢꓰꓼ ꓗꓷ ꓟ ꓥꓳ ꓐꓰ ꓟꓲ ꓟꓸ ꓖꓶꓽ ꓔ ꓡꓳ=

ꓠꓻ ꓓꓴ ꓓꓴ ꓡꓰ ꓢꓴ ꓠꓲꓹ ꓟ ꓙꓽ ꓫꓸ ꓔꓬꓹ ꓟ ꓦꓲꓻ ꓘꓴꓽ ꓢꓴ ꓐꓱ ꓶꓼ St.Peter ꓓꓰꓺ ုꓗꓪ ꓜꓲꓼ ꓔꓬꓹ ꓟ ꓞꓳ ꓜꓴꓻ ꓐꓰ ꓕꓲꓽ ꓪꓺꓽ ꓔꓲꓺ ꓒꓽ ꓪ ꓔꓲ ꓝꓣꓮꓠꓚꓲꓢ ꓗꓪ ꓐꓰ ꓣꓱꓽ ꓛꓰꓽ ꓐꓲꓻ ꓞˍ ꓟ ꓪꓽ ꓘꓴ ꓓꓴ ꓔꓯ ꓕꓲꓽ ꓡꓰꓹꓼ ꓶꓼ ꓓꓰꓽ ꓪꓽ ꓘꓴ ꓙ ꓗꓷꓳ=

Credit to Vatican News

https://bit.ly/2OGZk5p