Asia ꓗꓴꓷꓼ ꓜꓴꓻ ꓗꓪ ꓟꓶꓽ ꓦꓻ ꓦꓻ ꓝꓲꓸ ꓬꓲꓻ ꓙꓬꓻ ꓙꓵꓽ ꓟꓶˍ ꓟ ꓪꓴꓸ ꓠꓬꓲ꓾ꓠꓬꓹ ꓖꓴ ꓦꓲꓻ ꓟꓽ ꓙꓳ ꓗꓷ ꓡꓰ ꓢꓴ ꓾ ꓫꓸ ꓙꓵˍ ꓟ ꓟꓶ ꓢꓴ ꓐꓴ ꓐꓱ ꓶ ꓔꓲꓺ ꓒꓽ ꓪ ꓔꓲꓸ ꓝꓣꓮꓠꓚꓲꓢ ꓡꓰ ꓪꓽ ꓘꓴ ꓖꓶꓽˍ ꓟ=

Asia ꓗꓴꓷꓼ ꓜꓴꓻ ꓗꓪ ꓟꓶꓽ ꓦꓻ ꓦꓻ ꓝꓲꓸ ꓬꓲꓻ ꓙꓬꓻ ꓙꓵꓽ ꓟꓶˍ ꓟ ꓪꓴꓸ ꓠꓬꓲ꓾ꓠꓬꓹ ꓖꓴ ꓦꓲꓻ ꓟꓽ ꓙꓳ ꓗꓷ ꓡꓰ ꓢꓴ ꓾ ꓫꓸ ꓙꓵˍ ꓟ ꓟꓶ ꓢꓴ ꓐꓴ ꓐꓱ ꓶ  ꓔꓲꓺ ꓒꓽ ꓪ ꓔꓲꓸ ꓝꓣꓮꓠꓚꓲꓢ ꓡꓰ ꓪꓽ ꓘꓴ ꓖꓶꓽˍ ꓟ=

8 ꓦꓻ ꓟ 15 ꓠꓬꓲ꓾ 2019

ꓲꓠꓓꓲꓮ ꓗꓴꓷꓼ ꓖꓴ ꓟꓶꓸ Karnataka꓾Gujarat꓾Maharashtra ꓐꓰ Kerala ꓗꓪ ꓟꓶꓽ ꓦꓻ ꓦꓻˍ ꓟ꓾ ꓬꓲꓻ ꓙꓬꓻ ꓙꓵꓽ ꓟꓶˍ ꓟ ꓐꓰ ꓡꓳꓽ ꓓꓳꓻ ꓧꓳˍ ꓟ ꓠꓬ ꓬꓲꓸ ꓑꓶꓸ ꓟꓽ ꓞꓶꓻ ꓞꓶꓻ ꓒꓬꓱꓼ ꓡ ꓓꓹ ꓟ꓾ ꓫꓵꓽ ꓪꓴꓽ ꓖꓳ ꓟ ꓪꓴꓸ ꓠꓬꓲ ꓞꓳ ꓤ 300 ꓣꓳ ꓟꓽ ꓛꓲ ꓫꓵꓺ ꓢꓲ꓾ ꓞꓳ ꓤ 12 ꓫꓬꓹ ꓟꓽ ꓛꓲ ꓟ ꓠꓬ ꓠꓬꓹ ꓖꓴ ꓦꓲꓻ ꓟꓽ ꓙꓳ ꓗꓷ  ꓡꓰ ꓟ ꓥ ꓡꓳ=

ꓟꓶꓽ ꓘꓳꓼ ꓟꓽ ꓧꓺ ꓟ ꓪꓴꓸ ꓠꓬꓲ ꓫꓸ ꓙꓵꓺˍ ꓟ ꓟꓶ ꓔꓬꓹ ꓢꓴ꓾ ꓫꓵꓺ ꓘꓷ ꓡꓰ ꓢꓴ꓾ ꓠꓻ ꓓꓴ ꓟꓶ ꓡꓰ ꓢꓴ꓾ ꓦꓲꓻ ꓟꓽ ꓙꓳ ꓗꓷ ꓡꓰ ꓢꓴ ꓐꓴ ꓐꓰ ꓠꓲꓹ ꓟ ꓙꓽ ꓫꓸ ꓔꓬꓹ ꓢꓴ ꓮꓽ ꓙꓵꓽ ꓐꓱ ꓶꓼ ‘’ꓟꓸ ꓟ ꓟ-ꓡꓲ-ꓬ ꓟꓴꓽ ꓗꓪ ꓗꓪ ꓧꓳꓽ ꓔꓯꓹ ꓙꓰ ꓟꓶˍ ꓟ’’ ꓑꓮꓲꓽ Angelus ꓪꓽ ꓘꓴˍ ꓟ ꓗꓪ ꓶꓼ ꓓꓰꓽ ꓖꓶꓽ ꓗꓷꓳ=

ꓬꓰ ꓙ ꓚꓬꓴꓸ ꓙ ꓖꓶꓽ ꓢꓴ ꓐꓴ ꓔꓯ ꓟꓲ ꓪꓴ-ꓢ ꓢꓯꓼ ꓪꓽ ꓖꓶꓽ ꓠꓹ ꓟ ꓶꓼ ꓓꓰꓽ ꓖꓶꓽ ꓗꓷꓳ=

ꓲꓠꓓꓲꓮ ꓗꓴꓷꓼ ꓗꓪ ꓟ ꓟꓯꓼ ꓐꓴ  ꓗꓴꓷꓼ ꓘꓴꓽ ꓗꓪ ꓚꓬꓴꓸ ꓙ ꓜꓴꓻ꓾ ꓘꓴ-ꓜꓲ-ꓞꓳ ꓗꓪ ꓟ ꓚꓬꓴꓸ ꓙ ꓜꓴꓻ ꓐꓴ ꓕꓲꓽ ꓡꓰꓸꓼ ꓚꓔꓴꓸ ꓙ ꓔꓳꓹ ꓙˍ ꓟ ꓟꓬꓱꓽ ꓬꓰ ꓖꓶꓽ ꓗꓷ ꓟ ꓔꓯ ꓟꓲ ꓟꓸ ꓖꓶꓽ ꓔ ꓡꓳ=

ꓝꓮꓲ ꓝ ꓢꓲ꓾ ꓣꓳ-ꓢ-ꓣꓲ ꓪꓽ ꓘꓴ ꓖꓶꓽˍ ꓟ  ꓗꓪ ꓐꓰ ꓐꓶꓽ ꓓꓳꓻ ꓗꓴꓷꓼ ꓜꓴꓻ ꓗꓪ ꓢꓲꓺ ꓡꓲꓺˍ ꓟ ꓟꓶ ꓠꓹ ꓟ ꓐꓱ ꓶꓼ ꓬꓰ ꓠꓹ ꓟ꓾ ꓢꓰꓼ ꓡꓯꓽ ꓘꓳ ꓔꓬꓹ ꓟ ꓗꓴꓷꓼ ꓗꓪ ꓐꓰ  ꓫꓸ ꓙꓵ ꓔꓬꓹ ꓢꓴ ꓐꓴ ꓐꓰ ꓕꓲꓽ ꓪꓺꓽ ꓔꓬꓹ ꓟ ꓔꓯ ꓟꓸ ꓖꓶꓽˍ ꓟ ꓐꓯ ꓢꓲ꓾ ꓔꓲꓺ ꓒꓽ ꓪ ꓔꓲꓸ ꓝꓮꓠꓚꓲꓢ ꓡꓰ ꓘꓴ-ꓜꓲ-ꓞꓳ ꓗꓪ ꓟ ꓬꓰ ꓙ ꓚꓬꓴꓸ ꓙ ꓜꓴꓻ ꓐꓴ ꓬꓰ ꓙˍ ꓟ ꓗꓪ ꓐꓰ Syria ꓗꓴꓷꓼ ꓗꓪ ꓖꓶꓽ ꓩꓴˍ ꓟ ꓣꓳ-ꓢ-ꓣꓲ 6000 ꓚ ꓔꓯꓸ ꓶꓼ ꓥꓳꓽ ꓙꓱꓽ ꓖꓶꓽ ꓗꓷꓳ=

Photo credit to Vatican News

https://bit.ly/2TLrzPj