Austria ꓢꓲꓹ ꓠꓯ ꓗꓪ ꓮꓸ ꓔꓳꓸ ꓐꓬˍ ꓟ ꓗꓪ ꓫꓵꓻ ꓢꓴ 23 ꓣꓳ ꓛꓲꓺ ꓙꓳ ꓡꓰꓳ

Austria ꓗꓴꓷꓼ ꓢꓲꓹ ꓠꓯ ꓗꓪ ꓮꓸ ꓔꓳꓸ ꓐꓬꓻˍ ꓟ

Monday, January 06, 2020

Austria ꓢꓲꓹ ꓠꓯ ꓗꓪ ꓮꓸ ꓔꓳꓸ ꓐꓬˍ ꓟ ꓪꓴꓸ ꓠꓬꓲ ꓫꓵꓻ ꓢꓴ ꓠꓬ 23 ꓣꓳ ꓙꓳ ꓡꓰꓳ꓾ ꓐꓰ Austria ꓗꓴꓷꓼ ꓗꓪ ꓟ ꓟꓵꓽ ꓙꓵꓽ ꓢꓲꓽ ꓒꓽ Scott Marrison ꓡꓰ ꓐꓯ ꓗꓷꓳ=

ꓢꓲ ꓠꓯ ꓗꓪ ꓮꓸ ꓔꓳꓸ ꓐꓬˍ ꓟ ꓠꓬ ꓕꓱꓻ ꓕꓲꓽ ꓠꓽ ꓡꓳꓹ ꓬꓰ ꓕꓯ ꓪꓺ ꓙꓲꓻ ꓪꓴꓽ ꓡꓻ ꓔꓬꓹ ꓟ ꓪꓴꓸ ꓠꓬꓲ ꓾ ꓮꓸ ꓔꓳꓸ ꓖꓳ ꓟ ꓔꓯ ꓢꓰꓼ ꓗꓷ ꓠꓹ ꓟ ꓐꓱ ꓶ ꓾ ꓮꓸ ꓔꓳꓸ ꓢꓰꓼ ꓜꓴꓻ 3 ꓔꓴꓻ ꓛꓲꓺ ꓔꓯ ꓘꓴ ꓗꓷ ꓟ ꓔꓯ ꓟꓲ ꓬꓲꓸ ꓐꓯ ꓔ ꓡꓳ=

ꓕꓱ 24 ꓙꓵꓹ ꓟ ꓠꓬ Austria ꓗꓴꓷꓼ ꓐꓱ ꓶꓼ ꓮ ꓘꓶꓸ ꓫꓸ ꓟ ꓬꓲꓸ ꓙꓵꓹ ꓔꓯ ꓔꓳꓹ ꓜꓳꓽ ꓔꓬꓹ ꓟ ꓥ ꓡꓳ꓾ ꓐꓰ ꓟꓵꓽ ꓙꓵꓽ ꓢꓲꓽ ꓒꓽ Scott Marrison ꓡꓰ TV ꓘꓴꓽ ꓗꓪ ꓐꓰ ꓐꓯ ꓖꓶꓽ ꓗꓷꓳ=

Austria ꓗꓴꓷꓼ ꓗꓪ ꓟ ꓗꓴꓷꓼ ꓫꓴꓻ 3 ꓟ ꓗꓪ ꓠꓽ-ꓛꓳ-ꓠꓬꓲ ꓕꓯ ꓟꓲꓽ ꓦꓲꓻ ꓮ ꓘꓶꓸ ꓙꓱꓼˍ ꓟ ꓐꓰ ꓮ ꓘꓶꓸ ꓛꓺ ꓡ ꓟ ꓪꓴꓸ ꓠꓬꓲ ꓢꓲꓹ ꓠꓯ ꓗꓪ ꓮꓸ ꓔꓳꓸ ꓐꓬꓻ ꓟ ꓟꓬꓽ ꓡ ꓗꓷ ꓟ ꓥ ꓢꓲ꓾ꓗꓳꓸ ꓗꓷ ꓟ 2 ꓠꓬꓲ ꓕꓯ ꓮꓸ ꓔꓳꓸ ꓢꓰꓼˍ ꓟ ꓗꓪ ꓐꓹ ꓐ ꓐꓰ ꓤ (2 ꓑꓸ ꓡꓼ) ꓫꓵꓻ ꓗꓷ ꓟ ꓥ ꓡꓳ=

ꓫꓵꓻ ꓗꓷ ꓟ 2 ꓑꓸ ꓡꓼ ꓠꓬ꓾ ꓬꓲꓸ ꓞꓲꓼ 78 ꓘꓳꓼ ꓙꓳˍ ꓟ Dick Lang ꓐꓰ ꓬꓲꓸ ꓤ 43 ꓘꓳꓼ ꓙꓳˍ ꓟ Calton ꓐꓴ ꓡꓰꓽ ꓥ ꓡꓳ=

ꓮ ꓟꓶ ꓐꓬꓻ ꓗꓷ ꓟ ꓠꓬ Austria ꓗꓪ ꓮꓽ ꓘꓶꓸ ꓪꓴꓽˍ ꓟ ꓥ ꓡꓳ= ꓮꓸ ꓔꓳꓸ ꓗꓪ ꓐꓰ ꓡꓰꓽ Austria ꓕꓲꓽ ꓗꓴꓷꓼ ꓡꓱꓸꓼ ꓗꓪ ꓛꓺ ꓢꓯꓼ ꓮ ꓘꓶꓸ ꓟꓬꓽ ꓡ ꓢꓲ꓾ Kimbara ꓡꓳ ꓒꓱ ꓗꓪ 109F ꓗꓪ ꓛꓲ ꓙꓳ ꓢꓲ꓾ Sidani ꓖꓳ ꓟꓶꓸ ꓗꓪ ꓟ Penrith ꓡꓳ ꓒꓱ ꓗꓪ 120F ꓗꓪ ꓛꓲꓺ ꓙꓳ ꓡꓰꓳ=

ꓢꓲꓹ ꓠꓯ ꓮꓸ ꓔꓳꓸ ꓢꓰꓼ ꓔꓬꓹ ꓢꓴ ꓐꓴ ꓔꓯ ꓬꓰ ꓙ ꓠꓹ ꓟ ꓐꓱ ꓶꓼ ꓟꓵꓽ ꓗꓳꓹ ꓓꓵꓺ ꓓꓵꓺ ꓗꓪ ꓐꓰ ꓒꓴ ꓗꓪ ꓐꓰ ꓬꓰ ꓙ ꓔꓬꓹ ꓟ ꓠꓬ ꓾ Austria ꓒꓴ 230 ꓫꓬꓹ ꓛꓲꓺ ꓟꓶꓻ ꓗꓷ ꓟ ꓔꓯꓸ ꓟꓲ ꓑ ꓙˍ ꓡꓳ=

Credit to VOA Burmese News