Burkina Faso ꓗꓪ ꓟ ꓪꓽ ꓘꓴ ꓦꓲꓻ ꓕꓲꓽ ꓟ ꓗꓪ ꓛꓴꓽ ꓙꓳ ꓢꓴ ꓐꓴ ꓡꓰ ꓢꓰꓼ ꓡˍ ꓟ ꓪꓴꓸ ꓠꓬꓲ ꓡꓽ ꓞꓳ 14 ꓣꓳ ꓫꓵꓻ ꓗꓷ ꓟ꓾

Burkina Faso ꓗꓪ ꓟ ꓙꓲ-ꓢꓴ ꓢꓲ-ꓤ ꓐꓴ ꓬꓲꓸ ꓪꓺꓽ ꓪꓽ ꓘꓴ ꓦꓲꓻ ꓗꓪ ꓜꓲꓼ ꓡꓳꓽ ꓔꓬꓹ ꓟ

Burkina Faso ꓗꓪ  ꓟ ꓪꓽ ꓘꓴ  ꓦꓲꓻ ꓕꓲꓽ ꓟ ꓗꓪ ꓛꓴꓽ ꓙꓳ ꓢꓴ ꓐꓴ ꓡꓰ ꓢꓰꓼ ꓡˍ ꓟ ꓪꓴꓸ ꓠꓬꓲ ꓡꓽ ꓞꓳ 14 ꓣꓳ ꓫꓵꓻ ꓗꓷ ꓟ꓾

5ꓸ12ꓸ2019

ꓡꓳꓹ ꓬꓰ ꓟ ꓠꓽ-ꓦꓬ-ꓠꓬꓲ ꓕꓯ Burkina Faso Hantoukoura ꓗꓪ ꓟ ꓙꓲ-ꓢꓴ ꓢꓲ-ꓤ ꓪꓽ ꓘꓴ ꓦꓲꓻ ꓕꓲꓽ ꓟ ꓔꓯ ꓛꓴꓽ ꓙꓳ ꓢꓴ ꓐꓴ ꓡꓰ ꓢꓰꓼ ꓡˍ ꓟ ꓪꓴꓸ ꓠꓬꓲ ꓡꓽ ꓞꓳ 14 ꓣꓳ ꓫꓵꓻ ꓗꓷꓳ=

ꓢꓰꓼ ꓡ ꓢꓴ ꓐꓴ ꓠꓬ Nigeria ꓗꓴꓷꓼ ꓘꓶꓽ ꓗꓪ ꓐꓰ ꓟꓳ-ꓕꓳ ꓐꓰ ꓛꓲꓺ ꓡ ꓢꓲ꓾ ꓪꓽ ꓘꓴ ꓦꓲꓻ ꓘꓴꓽ ꓠꓯꓸꓼ ꓗꓪ ꓪꓽ ꓘꓴ ꓔꓬꓹ ꓢꓴ ꓐꓴ ꓔꓯ ꓤ ꓟꓶꓽ ꓤ ꓐꓰ ꓞꓳ ꓑꓸ ꓠꓬꓲꓽ ꓐꓴ ꓐꓴꓺ ꓗꓷ ꓢꓲ ꓠꓬꓲ꓾ ꓟꓲꓺ ꓛꓬꓺ ꓗꓪ ꓟꓳꓼ ꓗꓷ ꓝꓲ ꓢꓲ꓾ ꓞꓳ ꓑꓸ ꓐꓴ ꓔꓯ ꓟꓶꓻ ꓛꓺ ꓐꓰ ꓑꓲꓸ ꓗꓷ ꓢꓲ꓾ ꓕꓲꓽ ꓣꓳ ꓕꓲꓽ ꓣꓳ ꓡꓽ-ꓛꓬꓴꓸ ꓐꓰ ꓐꓶꓻ ꓢꓰꓼ ꓗꓷꓳ= ꓫꓵꓻ ꓗꓷ ꓟ ꓞꓳ ꓑꓸ ꓐꓴ ꓠꓬ ꓤ ꓠꓱ ꓤ ꓡꓰꓽ ꓥ ꓡꓳ꓾ ꓐꓰ ꓟꓳꓸ ꓖꓶꓽ ꓔ ꓡꓳ=

ꓮ ꓟꓶ ꓟ ꓡꓰ ꓐꓰ ꓢꓰꓼˍ ꓟ ꓪꓴꓸ ꓠꓬꓲ ꓫꓵꓻ ꓗꓷ ꓢꓴ ꓐꓴ ꓦꓻ ꓐꓱ ꓶ ꓐꓰ꓾ ꓠꓲꓹ ꓟ ꓫꓸ ꓔꓬꓹ ꓟ ꓦꓲꓻ ꓘꓴꓽ ꓡꓽ ꓞꓳ ꓐꓴ ꓐꓱ ꓶ ꓮꓽ ꓘꓶꓸ ꓠꓲꓹ ꓟ ꓫꓸ ꓟ ꓐꓰ꓾ ꓪꓽ ꓘꓴ ꓙ ꓖꓶꓽ ꓔꓬꓹ ꓟ ꓔꓯ Burkina Faso ꓔꓲꓺ ꓒ ꓓꓽ ꓐꓴ ꓜꓴꓻ ꓗꓪ ꓐꓰ ꓐꓯ ꓗꓷ ꓟ ꓥ ꓡꓳ=

ꓝꓮꓲ ꓝ ꓢꓲ꓾ ꓮ ꓟꓶ ꓟ ꓡꓰ ꓐꓰ ꓙꓲ-ꓢꓴ ꓢꓲ-ꓤ ꓐꓴ ꓔꓯ  ꓘꓶꓻ ꓙꓵꓺ ꓔꓬꓹ ꓟ ꓔꓯ ꓢꓯꓼ ꓐꓽ ꓠ ꓛꓲꓺ ꓬꓰ ꓠꓹ ꓟ ꓔꓯ ꓓꓰꓽ ꓗꓷ ꓥˍ ꓟꓲ꓾ ꓮ ꓟꓶ ꓗꓪ ꓛꓲꓺ ꓙꓲ-ꓢꓴ ꓢꓲ-ꓤ ꓐꓴ ꓘꓶꓻ ꓙꓵꓺ ꓔꓬꓹ ꓟꓶˍ ꓟ꓾ ꓟꓵꓽ ꓗꓳꓹ ꓓꓵꓺ ꓓꓵꓺ ꓗꓪ ꓐꓰˍ ꓟꓲ ꓬꓲꓸ ꓪ ꓐꓴ ꓔꓯ ꓡꓳꓺ ꓗꓷ ꓔ ꓟ ꓡꓰ ꓐꓰ ꓓꓵꓽ ꓙꓽ ꓟꓶˍ ꓟ꓾ ꓮ ꓟꓶ ꓟ ꓡꓰ ꓐꓰ ꓙꓵꓻ ꓚꓱꓹ ꓔꓯ ꓟꓳꓸꓼ ꓟꓽ ꓠꓲꓹ ꓧꓳꓺ ꓡꓯꓽ ꓘꓳ ꓟ ꓟꓵꓽ ꓗꓪ ꓾ ꓞꓳ ꓤ ꓐꓴ ꓔꓯ ꓫꓵꓻ ꓝꓲˍ ꓟ ꓡꓽ-ꓛꓬꓴꓸ ꓪꓴꓽ ꓔꓬꓹ ꓢꓴ ꓐꓴˍ ꓟꓲ ꓡꓯꓼ ꓫꓵꓺ ꓤ ꓟꓳ ꓠꓹ ꓟ ꓔꓯ ꓗ-ꓔꓳ-ꓡꓲ ꓔꓲꓺ ꓒꓽ ꓓꓽ ꓕꓲꓽ ꓣꓳ ꓗꓪ ꓐꓰ ꓐꓯ ꓖꓶꓽ ꓗꓷꓳ=

Credit to Vatican News

https://bit.ly/2Rsqywf

Add new comment

4 + 2 =