Ivary Cost ꓗꓴꓷꓼ ꓗꓪ ꓗ-ꓔꓳ-ꓡꓲ ꓢ-ꓢꓶ-ꓠ ꓕꓲꓽ ꓟ ꓗꓪ ꓟ ꓟꓬꓱꓽ ꓬꓰ ꓢꓴ( Secretary) ꓕꓲꓽ ꓣꓳ ꓢꓰꓼ ꓗꓷ ꓟꓶˍ ꓟ=

Ivary Cost ꓗꓴꓷꓼ ꓗꓪ ꓗ-ꓔꓳ-ꓡꓲ ꓢ-ꓢꓶ-ꓠ ꓕꓲꓽ ꓟ ꓗꓪ ꓟ ꓟꓬꓱꓽ ꓬꓰ ꓢꓴ( Secretary) ꓕꓲꓽ ꓣꓳ ꓢꓰꓼ ꓗꓷ ꓟꓶˍ ꓟ=

8 ꓦꓻ ꓟ 13 ꓠꓬꓲ꓾ 2019

Ivary Cost ꓗꓴ ꓖꓴ ꓟꓶꓸ Abidjan ꓡꓳ ꓒꓱ ꓗꓪ ꓟ St.Cecile’s ꓗ-ꓔꓳ-ꓡꓲ ꓢ-ꓢꓶ-ꓠ ꓕꓲꓽ ꓟ ꓗꓪ ꓟꓬꓱꓽ ꓬꓰ ꓢꓴ( Secretary) ꓕꓲꓽ ꓣꓳ ꓥ ꓟ Mrs. Faustine Brou ꓠꓬ 8 ꓦꓻ ꓟ 10 ꓠꓬꓲ ꓟꓶꓽ ꓘꓶꓽ ꓝꓲ ꓕꓯ꓾ ꓬꓲꓸ ꓣꓳꓹ ꓗꓪ ꓕꓲꓽ ꓧꓪꓹ ꓡꓲꓸ ꓟꓽ ꓢꓷꓸ ꓗꓳꓸ ꓟ ꓞꓳ ꓤ ꓕꓲꓽ ꓣꓳ ꓛꓴꓽ ꓙꓳ ꓗꓸ ꓧꓪꓸ ꓟ ꓪꓴꓸ ꓠꓬꓲ꓾ꓮꓸ-ꓕꓽ  ꓗꓸ ꓔ ꓟ ꓠꓻ ꓓꓴ ꓮꓽ ꓟꓬ ꓐꓰ ꓡꓱꓸ ꓐꓱꓽ ꓔꓬꓹ ꓟ ꓔꓯ ꓟꓶꓽ ꓘꓶꓽ 11 ꓙꓵꓹ ꓕꓯ ꓟꓳ ꓗꓷ ꓢꓲ꓾ ꓠꓯꓺ ꓞꓲꓼ ꓦꓲꓻ ꓗꓪ ꓧꓳꓽ ꓗꓷˍ ꓥ ꓟꓲ꓾    ꓠꓽ-ꓦꓬꓼ-ꓠꓬꓲ ꓠꓯꓼ ꓠꓯꓼ 4 ꓙꓵꓹ ꓕꓯ ꓫꓵꓺ ꓗꓷꓳ=

ꓬꓲꓸ ꓪ ꓢꓰꓼ ꓗꓷ  ꓟꓶˍ ꓟ ꓔꓯ ꓠꓽ-ꓦꓬꓼ-ꓠꓬꓲ ꓟꓲꓢꓢꓮ ꓪꓽ ꓘꓴˍ ꓕꓯ ꓐꓯ ꓟꓸ ꓖꓶꓽ ꓗꓷ ꓢꓲ꓾ ꓬꓲꓸ ꓦꓻ ꓐꓱ ꓶ ꓡꓰꓽ ꓟꓽ ꓛꓲ꓾ ꓬꓲꓸ ꓔꓯ ꓢꓰꓼ ꓗꓷ ꓢꓴ ꓐꓰ ꓶꓼ ꓟꓲ ꓪꓽ ꓘꓴ ꓙ ꓖꓶꓽ ꓠꓹ ꓟ ꓐꓰ꓾ ꓟꓲ ꓠꓯ ꓕꓱ ꓟ ꓗꓪ ꓤꓶꓻ ꓖꓴ ꓡꓰˍ ꓥ ꓟꓲ ꓣꓳ ꓙꓵꓻ ꓢꓴ ꓐꓴ ꓐꓱ ꓶ ꓕꓲꓽ ꓞꓲꓼ ꓕꓲꓽ ꓑ ꓟ ꓟꓴꓽ ꓗꓪ ꓗꓴꓷꓼ ꓗꓪ ꓔꓬꓹ ꓪˍ ꓥꓳ ꓐꓰ꓾ ꓢ-ꓢꓶ-ꓠ  ꓝꓮꓚꓰꓐꓳꓳꓗ ꓑꓮꓖꓰ ꓗꓪ ꓟꓸ ꓖꓶꓽ ꓔ ꓟ ꓥ ꓡꓳ=

Ivary Cost ꓗꓴꓷꓼ ꓖꓴ ꓟꓶꓸ ꓗꓪ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ-ꓢꓲ-ꓤ ꓐꓴ ꓔꓯ ꓘꓶꓻ ꓙꓵꓺ ꓢꓰꓼˍ ꓟ ꓠꓬ ꓟꓽ ꓠꓽ ꓠꓽ ꓒꓬꓱꓼ ꓔꓬꓹ ꓟ꓾ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓐꓴ ꓔꓯ ꓟꓽ ꓧꓳꓹ ꓟ ꓜꓴꓻ ꓐꓴ ꓬꓰˍ ꓟ ꓥ ꓐꓰ ꓓꓵꓽ ꓙ ꓟꓶˍ ꓟ ꓥ ꓐꓰ facebook page comment ꓐꓳꓻ ꓔ ꓟ ꓟꓲ ꓙꓳˍ ꓡꓳ ꓐꓰ ꓖꓴ ꓟꓸ ꓖꓶꓽ ꓔ ꓡꓳ=

Photo credit to Vatican News

https://bit.ly/2OVUkdg