Kachin Catholic Community of America (KCCA) ꓜꓴꓻ Christmas ꓑꓮꓲꓽ ꓓꓽ ꓟ ꓗꓪ ꓘꓴˍ ꓟ

Kachin Catholic Community of America (KCCA) ꓜꓴꓻ Christmas ꓑꓮꓲꓽ ꓓꓽ ꓟ ꓗꓪ ꓘꓴˍ ꓟ꓾

American ꓕꓲꓽ ꓗꓴꓷꓼ ꓡꓱꓸꓼ ꓗꓪ ꓔꓬꓹ ꓟ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓐꓴ ꓐꓱ ꓶꓼ Christmas ꓑꓮꓲꓽ ꓓꓽ ꓟ ꓔꓯ ꓬꓰ ꓓꓴ ꓥꓳ=

American  ꓗꓴꓷꓼ ꓗꓪ ꓔꓬꓹ ꓟ ꓗꓮꓚꓧꓲꓠ ꓞꓳꓽ ꓫꓵꓽ ꓮꓽ ꓙꓵꓽ ꓔꓯ ꓠꓲꓹ ꓒꓴ ꓗꓹ ꓛꓲꓽ ꓛꓲꓽ ꓡꓰ ꓐꓰ ꓑꓮꓲꓽ ꓔꓯ ꓑꓯꓹ ꓠꓹ ꓟ ꓐꓱ ꓶ ꓮꓽ ꓙꓵꓽ ꓔꓯ ꓘꓴˍ ꓥꓳ=

ꓮ ꓟꓶ ꓬꓰ ꓠꓹ ꓟ Christmas ꓑꓮꓲꓽ ꓗꓪ ꓠꓬ ꓟꓬꓮ-ꓟꓮ ꓗꓴꓷꓼ ꓢ-ꓢꓶ-ꓠꓽ (3) ꓟ ꓗꓪ ꓟ ꓔꓲꓺ ꓒꓽ (4) ꓣꓳ ꓥ ꓟ꓾ ꓟꓶ-ꓚꓲ-ꓠ ꓢ-ꓢꓶ-ꓠ ꓗꓪ ꓟ ꓔꓲꓺ ꓒꓽ John La Raw ꓐꓰ ꓔꓲꓺ ꓒꓽ Paul Kin Sa Tu Awng ꓾ ꓡꓮ-ꓢꓧꓳ ꓢ-ꓢꓶ-ꓠ ꓗꓪ ꓟ ꓔꓲꓺ ꓒꓽ Zing Hang Lwi Ji  ꓾ ꓐ-ꓟꓮꓪ ꓢ-ꓢꓶ-ꓠ ꓗꓪ ꓟ ꓔꓲꓺ ꓒꓽ Paul Laphai Awng Dang ꓐꓴ ꓡꓻ ꓢꓲ ꓟꓲ-ꓢꓮ ꓛꓴꓺ ꓔꓲꓺ ꓖꓶꓽ ꓡ ˍ ꓥꓳ=

ꓓꓳꓽ ꓕꓱꓻ ꓟ ꓔꓯ ꓑ ꓙꓽ ꓢꓴ ꓙꓲ-ꓢꓴ ꓠꓯꓸꓼ ꓗꓪ ꓟ ꓬꓲꓼ ꓤ ꓠꓬꓲ ꓤ ꓐꓴ ꓮꓽ ꓙꓵꓽ ꓥꓪ ꓠꓴꓽ (KCCA) Christmas ꓑꓮꓲꓽ ꓔꓯ ꓠꓲꓹ ꓒꓴꓺ ꓒꓴꓺ ꓡꓰꓽ ꓐꓰ ꓬꓰ ꓐꓻ ꓡ ꓠꓹ ꓟ ꓐꓱ ꓶꓼ ꓪꓽ ꓘꓴ ꓙ ꓖꓶꓽ ꓠꓹ ꓟ ꓓꓰꓽˍ ꓡꓳ=

ꓑꓮꓲꓽ ꓦꓬꓼ ꓠꓬꓲ

24ꓸ12ꓸ2019 ꓕꓯ ꓠꓬ ꓘꓴ-ꓜꓲ-ꓞꓳ ꓬꓲꓼ ꓤ ꓠꓬꓲ ꓤ ꓮꓽ ꓙꓵꓽ ꓛꓲꓺ ꓡꓻˍ ꓥꓳ=

25ꓸ12ꓸ2019 ꓕꓯ ꓠꓬ ꓑꓮꓲꓽ ꓦꓬꓼ ꓠꓬꓲ꓾

26ꓸ12ꓸ2019 ꓕꓯ ꓠꓬ ꓧꓹ ꓡꓯꓽ ꓘꓳˍ ꓟ ꓠꓬꓲ ꓥ ꓡꓳ=  

ꓑꓮꓲꓽ ꓬꓰ ꓖꓴ ꓠꓬ Texas ꓡꓳ ꓒꓱ꓾ Waco ꓘꓹ ꓾ Sacred Heart Catholic Church ꓪꓽ ꓘꓴ ꓦꓲꓻ ꓗꓪ ꓥ ꓡꓳ=

ꓑꓮꓲꓽ ꓗꓪ ꓘꓴ ꓢꓴ--------- American ꓗꓴꓷꓼ ꓗꓪ ꓛꓲꓺ ꓬꓰ ꓟ ꓗꓮꓚꓧꓲꓠ ꓗ-ꓔꓳ-ꓡꓲ ꓐꓴ ꓥ ꓡꓳ=