Philippine ꓗꓴꓷꓼ ꓔꓲꓺ ꓒꓽ ꓓꓽ ꓐꓴ ꓗꓪ ꓐꓰ ꓗꓴꓷꓼ ꓟꓽ ꓢꓲꓺ ꓡꓲꓺ ꓠ ꓬꓰˍ ꓟ ꓪꓴꓸ ꓠꓬꓲ ꓐꓯ ꓟꓴ ꓕꓱꓻ ꓠꓹ ꓟ ꓐꓱ ꓶ ꓬꓰˍ ꓟ ꓔꓯ ꓔꓳꓹ ꓜꓳꓽ ꓔꓬꓹ ꓟ ꓔꓲꓺ ꓒꓽ ꓓꓽ ꓐꓴ꓾ ꓔꓲꓺ ꓒꓽ ꓐꓴ ꓐꓱ ꓶꓼ ꓪꓽ ꓘꓴ ꓙ ꓖꓶꓽ ꓠꓹ ꓟ ꓓꓰꓽˍ ꓟ=

Philippine ꓗꓴꓷꓼ ꓔꓲꓺ ꓒꓽ ꓓꓽ ꓐꓴ ꓗꓪ ꓐꓰ ꓗꓴꓷꓼ ꓟꓽ ꓢꓲꓺ ꓡꓲꓺ ꓠ ꓬꓰˍ ꓟ ꓪꓴꓸ ꓠꓬꓲ ꓐꓯ ꓟꓴ ꓕꓱꓻ ꓠꓹ ꓟ ꓐꓱ ꓶ ꓬꓰˍ ꓟ ꓔꓯ ꓔꓳꓹ ꓜꓳꓽ ꓔꓬꓹ ꓟ ꓔꓲꓺ ꓒꓽ ꓓꓽ ꓐꓴ꓾ ꓔꓲꓺ ꓒꓽ ꓐꓴ ꓐꓱ ꓶꓼ ꓪꓽ ꓘꓴ ꓙ ꓖꓶꓽ ꓠꓹ ꓟ ꓓꓰꓽˍ ꓟ=

8 ꓦꓻ 5 ꓠꓬꓲ꓾ 2019

Philippine ꓗꓴꓷꓼ ꓗꓪ ꓞꓳ ꓤ ꓔꓯ ꓐꓬꓺ ꓡꓰ ꓝꓲˍ ꓟ ꓜꓽ ꓫꓵꓽ ꓓꓳꓽ ꓫꓵꓽ ꓢꓲꓸ ꓛꓰꓽ ꓔꓯ꓾  ꓗꓴꓷꓼ ꓔꓯ ꓙꓵꓽ ꓢꓴ ꓐꓴ ꓬꓰ ꓔꓬꓹ ꓟ ꓚꓱꓹ(ꓞꓳ ꓤ ꓢꓯꓼ ꓟꓬꓻ ꓔꓯ ꓮ ꓔꓳꓺ ꓔꓳꓺ ꓢꓰꓼˍ ꓟ) ꓔꓯ ꓟꓳꓸꓼ ꓟꓼ ꓧꓳꓹ ꓡꓯꓽ ꓘꓳ ꓟ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓐꓰ ꓗꓴꓷꓼ ꓔꓯ ꓙꓵꓽ ꓢꓴ ꓐꓴ ꓠꓬꓲꓽ ꓗꓴꓸ ꓝ ꓗꓪ ꓟꓽ ꓪ ꓡꓯꓽ ꓘꓳ ꓟ ꓙꓳˍ ꓡꓳ=

Philippine ꓗꓴꓷꓼ ꓗꓴꓷꓼ ꓙꓵꓽ ꓢꓴ ꓗꓪ ꓐꓰ ꓗ-ꓔꓳ-ꓡꓲ ꓔꓲꓺ ꓒꓽ ꓓꓽ 4 ꓣꓳ ꓾ ꓔꓲꓺ ꓒꓽ 3 ꓣꓳ꓾ ꓐ-ꓣ-ꓓꓯ 1 ꓣꓳ ꓾ 2 ꓪ ꓔꓲꓸ ꓐꓰ ꓔꓳꓹ ꓢꓴ ꓑꓮꓣ-ꓔꓲ ꓗꓪ ꓟ ꓞꓳ ꓤ 35 ꓣꓳ ꓐꓴ ꓔꓯ ꓟꓬꓱꓻ ꓓꓳꓽ ꓒꓬꓹ ꓟ ꓾ ꓗꓴꓷꓼ ꓔꓯ ꓟꓽ ꓢꓲꓺ ꓡꓲꓺ ꓠ ꓬꓰˍ ꓟ꓾ ꓐꓯ ꓟꓴ ꓘꓶꓽˍ ꓟ ꓔꓯ ꓘꓶꓻ ꓡꓶꓽˍ ꓟ ꓐꓯ ꓢꓲ ꓐꓯ ꓟꓴ ꓕꓱꓻ ꓠꓹ ꓟ ꓐꓱ ꓶ ꓬꓰˍ ꓟ ꓔꓯ ꓔꓳꓹ ꓜꓳꓽ ꓔꓬꓹ ꓟ ꓐꓰ ꓝꓴꓲꓸ ꓙꓳˍ ꓟ ꓚꓬꓹ ꓥꓳ ꓐꓯˍ ꓠꓬ ꓐꓱꓻ ꓓꓴꓽ ꓗꓪ ꓔꓬꓹ ꓠ ꓗꓷ ꓡꓰˍ ꓥꓳ=

ꓗꓴꓷꓼ ꓔꓯ ꓟꓽ ꓢꓲꓺ ꓡꓲꓺ ꓠ ꓬꓰˍ ꓟ ꓐꓰ ꓠꓱꓸ ꓐꓯꓼ ꓟ ꓐꓯ ꓟꓴ ꓕꓱꓻ ꓠꓹ ꓟ ꓐꓱ ꓶ ꓬꓰˍ ꓟ ꓔꓯ ꓔꓳꓹ ꓜꓳꓽ ꓔꓬꓹ ꓟ ꓔꓲꓺ ꓒꓽ ꓓꓽ ꓐꓴ ꓠꓬ꓾(1) ꓔꓲꓺ ꓒꓽ ꓓꓽ Honesto Ongtigo (Cubao ꓢ-ꓢꓶ-ꓠ ) ꓾ (2) ꓔꓲꓺ ꓒꓽ ꓓꓽ Pablo Virgilio (Kalookan ꓢ-ꓢꓶ-ꓠ)꓾(3) ꓔꓲꓺ ꓒꓽ ꓓꓽ Teodoro Bacani Jr. (Novaliches ꓢ-ꓢꓶ-ꓠ)꓾(4)ꓔꓲꓺ ꓒꓽ ꓓꓽ Socrates Villegas (Lingayen-Dagupan ꓢ-ꓢꓶ-ꓠ) ꓐꓴ ꓥ ꓡꓳ=

ꓖꓳ ꓡꓱ ꓐꓯ ꓟꓴ ꓕꓱꓻ ꓠꓹ ꓟ ꓐꓱ ꓶ ꓬꓰˍ ꓟ ꓔꓯ ꓔꓳꓹ ꓜꓳꓽ ꓔꓬꓹ ꓟ ꓔꓯ ꓟꓳꓸꓼ ꓙ ꓙꓲ ꓟ ꓗꓴꓸ ꓠ ꓛꓲ ꓗꓷ ꓡꓰ ꓟ ꓔꓯ ꓔꓲꓺ ꓒꓽ ꓓꓽ Valles ꓗꓪ ꓐꓰ ꓪꓽ ꓘꓴ ꓙ ꓖꓶꓽ ꓠꓹ ꓟ ꓓꓰꓽˍ ꓟ ꓔꓯ ꓟꓲ ꓖꓴꓺ ꓟꓸ ꓖꓶꓽ ꓔ ꓡꓳ=

ꓖꓳ ꓡꓱ ꓥˍ ꓟꓲ ꓴ-ꓑ-ꓓꓰ ꓡꓲꓽ ꓠꓬ ꓟꓽ ꓬꓰ ꓗꓷ ꓢꓰꓼ ꓟ꓾ ꓟꓸ ꓟꓲ ꓦꓵꓼ ꓙꓱꓼˍ ꓟ ꓔꓯ ꓬꓰ ꓪ ꓡꓰ ꓟ ꓾ ꓔꓲꓺ ꓒꓽ ꓓꓽ ꓐꓴ ꓠꓬ ꓫꓸ ꓙꓵꓻ ꓓꓴ ꓔꓳꓹ ꓜꓳꓽ ꓔꓬꓹ ꓟ ꓐꓰ ꓐꓯ ꓟꓴ ꓫꓬꓹ ꓖꓴ ꓗꓪ ꓐꓰ ꓐꓯ ꓟꓴ ꓕꓱꓻ ꓠꓹ ꓟ ꓐꓱ ꓶ ꓬꓰˍ ꓟ ꓔꓯ ꓔꓳꓹ ꓜꓳꓽ ꓔꓬꓹ ꓟ ꓔꓯ ꓟꓲ ꓐꓯ ꓟꓸ ꓔ ꓡꓳ=

Philippine ꓗꓴꓷꓼ ꓔꓲꓺ ꓒꓽ ꓓꓽ ꓐꓴ ꓜꓴꓻ ꓗꓪ ꓟ ꓪꓴꓸ ꓓꓵꓺ ꓣꓱꓽ ꓢꓴ ꓔꓲꓺ ꓒꓽ ꓓꓽ ꓗꓪ ꓐꓰ ꓾ ꓕꓲꓽ ꓠꓲꓹ ꓕꓲꓽ ꓪꓺꓽ ꓪꓽ ꓘꓴ ꓖꓶꓽ ꓠꓹ ꓟ꓾ ꓔꓲꓺ ꓒꓽ ꓐꓴ꓾ ꓙꓲ-ꓫꓬ-ꓟ ꓘꓴ-ꓜꓲ-ꓞꓳ-ꓢꓲ-ꓤ ꓐꓴ꓾ ꓮ ꓙꓵꓽ ꓕꓲꓽ ꓠꓲꓹ ꓕꓲꓽ ꓪꓺꓽ ꓪꓽ ꓘꓴˍ ꓟ ꓗꓪ ꓔꓹ ꓠꓹ ꓟ ꓔꓯ ꓟꓲ ꓕꓵꓼ ꓪ ꓖꓶꓽ ꓔ ꓡꓳ=

Manila ꓡꓳ ꓒꓱ ꓔꓲꓺ ꓒꓽ ꓓꓽ Cardinal Tagle ꓗꓪ ꓐꓰˍ ꓟꓲ ꓘꓶꓻ ꓙꓵꓻ ꓟꓶˍ ꓟ ꓔꓲꓺ ꓒꓽ ꓓꓽ ꓐꓴ꓾ ꓔꓲꓺ ꓒꓽ ꓐꓴ ꓐꓱ ꓶꓼ ꓐꓰ ꓗꓴꓷꓼ ꓙꓲꓻ ꓓꓴ ꓐꓱ ꓶ ꓪꓽ ꓘꓴ ꓙ ꓖꓶꓽ ꓠꓹ ꓟ ꓔꓯ ꓟꓲ ꓠꓽ-ꓦꓬꓼ-ꓠꓬꓲ ꓟꓲ-ꓢꓮ ꓬꓰˍ ꓟ ꓗꓪ ꓓꓰꓽ ꓔ ꓡꓳ=

ꓴꓚꓮꓠꓰꓪꓢ/ꓚꓐꓮꓑꓠꓰꓪꓢ ꓗꓪ ꓟ ꓓꓳꓽ ꓔꓯ Vatican News ꓗꓪ ꓐꓰ ꓢꓲꓺ ꓣꓴꓺ ꓔ ꓟ ꓥ ꓡꓳ=

https://bit.ly/2GOLCHb