Spain ꓗꓴꓷꓼ ꓗꓪ ꓐꓰ COVID-19 ꓠꓻ ꓪꓴꓸ ꓠꓬꓲ ꓫꓵꓻ ꓗꓷ ꓟ ꓪꓴ-ꓢ ꓟꓬꓱꓽ ꓟꓯ ꓢꓴ ꓐꓴ ꓐꓱ ꓶ ꓪꓽ ꓘꓴ ꓖꓶˍ ꓟ ꓠꓬꓲ ꓔꓯ ꓐꓯ ꓖꓶˍ ꓟ

9 ꓦ 29 ꓠꓬꓲ ꓔꓯ Spain ꓗꓴꓷꓼ ꓗꓪ ꓐꓰ COVID ꓦꓬꓼ ꓠꓬꓲ ꓗꓪ ꓫꓵꓻ ꓗꓷ ꓟ ꓪꓴ-ꓢ ꓟꓬꓱꓽ ꓟꓯ ꓢꓴ 357 ꓣꓳ ꓐꓱ ꓶ ꓪꓽ ꓘꓴ ꓖꓶˍ ꓟ ꓠꓬꓲ ꓐꓯ ꓢꓲ꓾ Spain ꓗꓴꓷꓼ ꓪꓴ-ꓢ ꓟꓬꓱꓽ ꓬꓰ ꓢꓴ(ꓔꓲꓺ ꓒ ꓔꓲꓺ ꓟ) ꓐꓴ ꓜꓴꓻ ꓚꓰꓺ ꓗꓪ ꓐꓰ ꓢꓷꓸ ꓙ ꓟꓳ ꓙ ꓗꓷꓳ=

9 ꓦ 29 ꓠꓬꓲ ꓠꓬ ꓟꓴꓽ ꓗꓪ ꓝꓲ ꓓꓴ ꓐꓴ ꓥ ꓟ Michael , Gabriel ꓐꓰ Raphael ꓐꓴ ꓑꓮꓲꓽ ꓦꓬꓼ ꓠꓬꓲ ꓥ ꓡꓳ= ꓖꓳ ꓟ ꓡꓰꓽ ꓟ ꓛꓲ ꓾ ꓚꓲꓸ ꓛꓬꓼ ꓢꓯꓼ ꓟꓬ ꓖꓶ ꓢꓲ COVID ꓦꓬꓼ ꓠꓬꓲ ꓗꓪ ꓠꓻ ꓢꓴ꓾ ꓫꓸ ꓙꓵꓻ ꓔꓬ ꓢꓴ ꓐꓴ ꓔꓯ ꓣꓱꓽ ꓙ ꓗꓷ ꓢꓲ ꓫꓵꓻ ꓗꓷ ꓟ ꓔꓲꓺ ꓒ ꓔꓲꓺ ꓟ ꓐꓴ ꓐꓱ ꓶ ꓪꓽ ꓘꓴ ꓖꓶˍ ꓟ  ꓠꓬꓲˍ ꓟꓲ ꓥ ꓟ ꓪꓴꓸ ꓠꓬꓲ꓾ ꓪꓽ ꓘꓴˍ ꓟ ꓗꓪ ꓐꓻ ꓠꓹ ꓟ ꓔꓲꓺ ꓒ ꓔꓲꓺ ꓟ ꓜꓴꓻ ꓚꓰꓺ ꓗꓪ ꓐꓰ ꓐꓯ ꓔ ꓡꓳ=

ꓚꓲꓸ ꓛꓬꓼ ꓢꓯꓼ ꓟꓬ ꓖꓴ ꓡꓰˍ ꓗꓪ ꓛꓲꓺ ꓪꓴ-ꓢ ꓔꓯ ꓔꓲꓺ ꓖꓶ ꓗꓷ ꓟ ꓾ ꓫꓵꓻ ꓘꓷ ꓡꓰ ꓖꓴ ꓟ ꓔꓲꓺ ꓒ ꓔꓲꓺ ꓟ ꓐꓴ ꓔꓯ  ꓫꓸ ꓟꓳˍ ꓟ꓾ ꓔꓲꓺ ꓒ ꓔꓲꓺ ꓟ ꓐꓴ ꓜꓴꓻ ꓚꓰꓺ ꓗꓪ ꓐꓰ 9 ꓦ ꓟ 25 ꓠꓬꓲ ꓗꓰ ꓞꓳ ꓵꓻ ꓟꓬꓱ ꓖꓳ ꓔ ꓟ ꓗꓪ ꓠꓬ꓾ ꓔꓲꓺ ꓒ ꓔꓲꓺ ꓟ ꓜꓴꓻ (73) ꓜꓴꓻ ꓗꓪ ꓟ ꓞꓳ ꓑꓸ ꓤ ꓾ ꓤ ꓟꓶ ꓤ 357 ꓣꓳ ꓐꓴ ꓠꓬ꓾ COVID-19 ꓪꓴꓸ ꓠꓬꓲ ꓫꓵꓻ ꓗꓷ ꓟ ꓐꓰ꓾ ꓡꓯꓼ ꓫꓵ ꓝꓸ ꓢꓲ꓾ ꓞꓳ ꓵꓻ ꓟꓬꓱ  ꓣꓴ ꓔꓬ ꓟ ꓔꓯ ꓟꓲ ꓾ ꓐꓯ ꓖꓶ ꓗꓷꓳ=

ꓫꓵꓽ ꓘꓷ ꓡꓰ ꓗꓷ ꓟ ꓔꓲꓺ ꓒ ꓔꓲꓺ ꓟ ꓐꓴ ꓔꓯ ꓮ ꓕꓯˍ ꓟꓲ ꓓꓵꓽ ꓙ ꓟꓶ ꓔꓬ ꓟ ꓬꓲꓸ ꓢꓷ ꓡꓰ ꓓꓴ ꓠꓬ꓾ ꓬꓲ ꓪ ꓐꓴ ꓐꓱ ꓶ ꓕꓲꓽ ꓠꓬꓲ ꓖꓶ ꓗꓷ ꓢꓲ꓾ ꓓꓵꓽ ꓙ ꓟꓶ ꓓꓴ ꓠꓬꓲ ꓬꓰ ꓖꓶˍ ꓟ ꓥ ꓡꓳ꓾ ꓐꓰ ꓜꓴꓻ ꓚꓰꓺ ꓗꓪ ꓚꓳꓸ ꓢꓷꓸ ꓙ ꓟꓳ ꓙ ꓘꓶꓽ ꓗꓪ ꓐꓰ ꓘꓴ ꓔ ꓟ ꓔꓯ CNA ꓓꓳꓽ ꓗꓪ ꓐꓯ ꓔ ꓡꓳ=

Photo  courtesy of: Unsplash

https://bit.ly/30bVRis