ꓗ-ꓕꓳ-ꓡꓲ ꓘꓴ ꓜꓲꓼ ꓞꓳ ꓐꓰ ꓟꓵꓽ ꓘꓳꓼ ꓦꓬꓼ ꓠꓬꓲ

ꓗ-ꓕꓳ-ꓡꓲ ꓘꓴ ꓜꓲꓼ ꓞꓳ ꓡꓰꓽ ꓟꓸ ꓖꓶꓽ ꓔꓸ ꓟ ꓟꓲ-ꓠꓯ ꓡꓽ ꓞꓳ ꓞꓳ ꓙꓳ ꓚꓱꓸꓹ ꓗꓪ-ꓸ

ꓪꓴ-ꓢ  ꓡꓰꓽ ꓚꓰꓼ ꓔꓸ ꓟ ꓣꓳꓽ ꓔꓬ_ꓟ ꓟꓲ-ꓠꓯ ꓕꓱ ꓟ ꓔꓯꓸ ꓢꓲ ꓡꓲꓸ ꓠꓲꓹ ꓛꓵꓼ ꓛꓵꓼ ꓐꓰ ꓗꓹ ꓛꓵꓽ ꓠꓹ_ꓟ ꓟꓸ ꓖꓶꓽ ꓔꓬ ꓡꓳ= ꓖꓳ ꓟ ꓠꓯꓼ_ ꓗꓪ  ꓚꓰꓽ ꓔꓸ ꓟ ꓟꓲ-ꓠꓯ ꓐꓰ ꓣꓳꓽ ꓚꓳ ꓡꓳ ꓗꓪ ꓙꓳ_ꓟ ꓟꓲ-ꓠꓯ ꓖꓴꓽ ꓙꓴꓽ ꓔꓯꓸ ꓟꓽ ꓔꓱ_ꓟ ꓚꓱꓹ ꓡꓰꓽ ꓐꓬ ꓡꓰ ꓝꓲꓸꓸꓔꓬ ꓡꓳ=

ꓕꓱ ꓟ ꓠꓬ ꓟꓲ-ꓠꓯ ꓡꓼ ꓞꓳ ꓠꓯꓹ ꓦꓯꓸ ꓙꓵꓽ_ ꓟ ꓪꓴꓸ ꓠꓬꓲ  ꓥ ꓡꓳ-ꓸ ꓣꓳꓽ  ꓡꓽ ꓞꓳ ꓐꓴ ꓪꓴꓹ ꓠꓬꓲꓸꓸꓸꓸꓸ

1ꓸ ꓟꓲ-ꓠꓯ ꓗꓴꓷꓼ ꓗꓪ ꓙꓳ_ ꓟ ꓬꓲ  ꓡꓵꓽ ꓐꓱ ꓓꓽ ꓐꓴ ꓠꓬ ꓟꓽ ꓢꓲ-ꓫꓬ ꓡꓰꓳ=  

ꓬꓲ-ꓡꓵꓽ ꓐꓱ ꓓꓽ ꓐꓴ ꓠꓬ-ꓸ

-       ꓟꓵꓽ ꓘꓳꓼ ꓦꓬꓼ ꓠꓬꓲ ꓔꓯꓸ ꓔꓬ_ꓢ ꓠꓼ ꓟ ꓙꓽ ꓖꓶꓽ ꓙ ꓔꓬ ꓡꓳ=

-       ꓣꓳꓽ ꓡꓽꓞꓳ ꓜꓽ ꓪꓳ ꓡꓳꓸ ꓪꓳ ꓔꓯꓸ ꓔꓳꓹ ꓙ ꓔꓬ ꓡꓳ=

-       ꓟꓲ-ꓠꓯ ꓡꓽ ꓞꓳꓽ ꓣꓱꓽ ꓫꓵꓽ ꓣꓱ ꓟꓶꓹ ꓥ ꓕ ꓑꓳꓸ ꓔꓯꓸ ꓖꓶꓽ ꓔꓬ ꓡꓳ=

ꓖꓳ ꓡꓰ ꓥꓹ_ ꓟꓲ ꓠꓬꓲꓹ ꓠꓬꓲ ꓟ ꓦꓬꓼ ꓠꓬꓲ ꓗꓪ ꓠꓬ-ꓸ ꓣꓳꓽ ꓡꓽꓞꓳ ꓐꓴ ꓪꓴꓹ ꓠꓬꓲ ꓬꓲ-ꓡꓵꓽ ꓐꓱ ꓓꓽ ꓠꓬ ꓢꓲ ꓢꓲ ꓫꓬ ꓫꓬ ꓟꓽ ꓗꓷ ꓡꓰꓳ-ꓸ ꓣꓳꓽ ꓤ ꓟꓳ ꓓꓴ ꓟꓽ ꓙꓳ ꓟ ꓑꓶꓸ ꓓꓴ ꓟꓽ ꓙꓵ_ꓟ ꓥ ꓕ ꓑꓳꓸ ꓔꓯꓸ ꓬꓲ-ꓙꓬ ꓘꓴꓽ ꓗꓪ ꓡꓳ ꓗꓷ_ꓟ ꓪꓴꓸ ꓠꓬꓲ ꓥ ꓡꓳ-ꓸ

2ꓸ ꓟꓲ-ꓠꓯ ꓧꓪ ꓖꓳ ꓓꓱ  ꓐꓰ  ꓟꓲ-ꓦꓲ ꓢꓯꓼ ꓟꓽ ꓢꓲ-ꓫꓬ ꓡꓰ_ꓟ=

-       ꓟꓲ-ꓠꓯ ꓗꓴꓷꓼ ꓕꓲ ꓚꓳ ꓡꓳ ꓠꓯꓼ ꓗꓪ ꓙꓼ ꓫꓵꓽ ꓙꓼ ꓙꓵꓽ ꓮꓽ ꓘꓶꓸ ꓣꓱꓽ ꓔꓬ_ ꓟ ꓪꓴꓸ ꓠꓬꓲ-ꓸ

-       ꓟꓳ-ꓓꓳ ꓮꓽ ꓘꓶꓹ ꓣꓱꓽ_ꓟ ꓪꓴꓸꓠꓬꓲ ꓟꓽ ꓙꓵ_ꓟ ꓟꓶꓽ ꓘꓴꓽ ꓢꓯꓼ ꓪꓴꓸ ꓠꓬꓲ-ꓸ

-       ꓕꓲ  ꓟꓵꓽ ꓕꓲꓽ ꓗꓴꓷꓼ  ꓡꓱꓼ ꓗꓪ ꓣꓱꓽ ꓔꓬ ꓟ ꓟꓲꓽ ꓦꓲ ꓙꓼ(Air-Condition & Refrigerator) ꓣꓱꓽ ꓔꓬ ꓟ ꓪꓴꓸ ꓠꓬꓲ-ꓸ

-       ꓡꓽ ꓞꓳ ꓡꓰꓽ ꓡꓳꓸꓸꓗꓷ_ꓟ  ꓣꓱꓽ ꓫꓵꓽ ꓑꓶꓸ ꓓꓴ-ꓸ

ꓕꓱ  ꓟꓬ ꓑꓶꓸ ꓓꓴ ꓟꓲ-ꓦꓲ ꓢꓯꓼ ꓟ ꓢꓲ-ꓫꓬ ꓡꓰ ꓟ ꓥ ꓡꓳ-ꓸ

     3ꓸ ꓟꓲ-ꓠꓯ ꓧꓪꓽ ꓐꓬ  ꓡꓰ ꓢꓲ  ꓟꓵꓽ ꓚꓱꓸꓹ ꓒꓳ ꓡꓰ _ ꓟ=

-       ꓟꓲ-ꓠꓯ ꓡꓽ ꓞꓳ ꓚꓱꓼ-ꓸ ꓶꓸꓸ ꓡꓯꓽ ꓚꓱꓼ ꓐꓰ ꓗꓴꓷꓼ ꓙꓵꓽ ꓚꓱ  ꓑꓶꓸ ꓓꓴ ꓟꓲ-ꓠꓯ ꓧꓪꓽ ꓐꓬ ꓡꓰ ꓢꓲꓹ ꓟꓵꓽ ꓛꓱꓼ ꓗꓷ ꓡꓰ_ ꓡꓳ-ꓸ