ꓪꓽ ꓘꓴ_ ꓟ ꓔꓯ ꓥꓳꓽ

ꓬꓰ-ꓢꓴ ꓠꓬ ꓬꓲ ꓪ ꓔꓯ ꓮ ꓕꓯ ꓟꓲ ꓠꓲꓹ ꓟ ꓟꓽ ꓙꓬ ꓡꓰ ꓡꓰ ꓪ ꓘꓴ ꓝꓲ ꓠꓹ ꓟ꓾ ꓔꓯꓺ ꓥꓳ ꓡꓰ ꓬꓲ ꓪ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓡꓳ ꓒꓱ ꓕꓲ ꓟ ꓗꓪ ꓪꓴ-ꓢ ꓔꓯ_ ꓟꓲ ꓟꓽ ꓙꓳꓺ꓾ ꓡ ꓞꓳ ꓔꓯ_ ꓟꓲ ꓟꓽ ꓒꓵꓽ ꓟ ꓐꓯ ꓟꓴ ꓫꓬꓹ ꓢꓲꓽ ꓒ ꓕꓲ ꓣꓳ ꓙꓳ_ ꓡꓳ꓿ ꓡꓳ ꓒꓱ ꓖꓳ ꓕꓲ ꓟ ꓗꓪ ꓟꓶꓽ ꓛꓵꓽ ꓟ_ ꓟꓲ ꓕꓲ ꓣꓳ ꓙꓳ_ ꓡꓳ꓿ ꓬꓲ ꓠꓬ ꓮ ꓕꓯ ꓟꓲ ꓢꓲꓽ ꓒ ꓖꓳ ꓟ ꓔꓯ ꓙꓰ ꓢꓲ꓾ ꓥꓪ ꓔꓯ ꓛꓴꓽ ꓙꓳ ꓢꓴ ꓔꓯ ꓪꓽ ꓛꓴ ꓚꓱꓹ ꓙ ꓡꓯ꓾ ꓐꓰ ꓐꓯ_ ꓡꓳ꓿ ꓬꓲ ꓪꓴꓸ ꓕꓯ ꓬꓲ ꓟꓽ ꓬꓰ꓿ ꓖꓳ ꓗ ꓠꓯ ꓠꓽ ꓬꓲ ꓠꓲꓹ ꓟ ꓗꓪ ꓕꓱ ꓡꓱ ꓐꓯ_ ꓡꓳ꓾ ꓥꓪ ꓠꓬ ꓪꓴ-ꓢ ꓔꓯ_ ꓟꓲ ꓟꓽ ꓙꓳꓺ ꓥ_ ꓟꓲ꓾ ꓡ ꓞꓳ ꓔꓯ_ ꓟꓲ ꓟꓽ ꓒꓵꓽ ꓥ_ ꓟꓲ꓾ ꓟꓶꓽ ꓛꓵꓽ ꓟ ꓕꓱ ꓕꓲ ꓣꓳ ꓠꓬ ꓥꓪ ꓔꓯ ꓘꓶ ꓡꓶꓽ ꓔꓬ ꓠꓬꓲ꓾ ꓥꓪ ꓬꓲ ꓔꓯ ꓪꓽ ꓛꓴ ꓚꓱꓹ ꓙ_ ꓥꓳ꓿ ꓟꓽ ꓥ ꓠꓬ ꓮ ꓧꓪꓹ ꓬꓲ ꓟꓽ ꓠꓽ ꓠꓽ ꓡ ꓔꓬ_ ꓟ ꓗꓪ ꓐꓰ꓾ ꓥꓪ ꓠꓽ ꓪꓴꓽ ꓧꓶ ꓡꓰ_ ꓥꓳ꓾ ꓐꓯ_ ꓡꓳ꓿ ꓢꓲꓺ ꓒ ꓬꓰ-ꓢꓴ ꓡꓰ ꓐꓯ_ ꓡꓳ꓾ ꓟꓽ ꓙꓲ ꓫꓬ ꓟ ꓐꓯ ꓟꓴ ꓫꓬꓹ ꓢꓲꓽ ꓒ ꓐꓯ_ ꓟ ꓔꓯ ꓠ ꓠꓹ ꓔ꓿ ꓪꓴ-ꓢ ꓠꓽ ꓟꓳꓼ ꓡꓳ ꓢ ꓘꓪ ꓬꓲ ꓔꓯ ꓓꓰꓽ ꓔꓬ_ ꓟ꓾ ꓢꓲꓺ ꓔ ꓢꓴ ꓔꓯ ꓔꓳꓹ ꓢꓴ ꓔꓯ ꓠꓲꓹ ꓟ ꓦꓲꓺ ꓔ ꓖꓶ_ ꓥ_ ꓟꓲ꓾ ꓡꓳꓹ ꓬꓰ_ ꓕꓯ ꓢꓲꓺ ꓔ ꓢꓴ ꓐꓱ ꓶ ꓪꓽ ꓛꓴ ꓟꓽ ꓚꓱꓹ ꓙ ꓡꓺꓽ꓿ ꓥꓪ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ꓾ ꓬꓲ ꓠꓬ ꓬꓲ ꓪ ꓔꓯ ꓮ ꓟꓲꓸ ꓟꓲꓸ ꓪꓽ ꓛꓴ ꓚꓱꓹ ꓙ_ ꓥꓳ꓿ ꓖꓳ ꓡꓱ ꓥ_ ꓟꓲ ꓡ ꓞꓳ ꓮ ꓐꓲ ꓡ_ ꓕꓯ꓾ ꓟꓲ ꓠꓯ ꓗꓪ ꓙꓵꓻ ꓠꓲꓹ ꓧꓪ ꓟꓶ_ ꓡꓺꓽ꓾ ꓐꓯ_ ꓡꓳ꓿  ꓡꓴ-ꓘ ꓕꓳꓽ ꓶ 18: 1-8