ꓟꓬ-ꓟ ꓗꓴꓷꓼ ꓐꓱ ꓶ ꓙꓲꓻ ꓫꓬ ꓢꓴ ꓕꓲꓽ ꓣꓳ ꓘꓳꓹ ꓣꓴ ꓟꓶ ꓡꓰ ꓟ=

ꓟꓬ-ꓟ ꓗꓴꓷꓼ ꓐꓱ ꓶ ꓙꓲꓻ ꓫꓬ ꓢꓴ ꓕꓲꓽ ꓣꓳ ꓘꓳꓹ ꓣꓴ ꓟꓶ ꓡꓰ ꓟ=

10 ꓦ ꓟ 19꓾ 2019

ꓟꓬ-ꓟ ꓗꓴꓷꓼ Taungu ꓢ-ꓢꓶ-ꓠ ꓗꓪ ꓬꓲꓸ ꓘꓳꓼ 30ꓘꓳꓼ ꓛꓲꓺ ꓪꓴ-ꓢ ꓟꓬꓱꓽ ꓟꓯꓻ ꓗꓷ ꓟ ꓲ-ꓔ-ꓡꓲ ꓞꓳ ꓫꓵꓽ ꓑꓲ-ꓟꓰ PIME ꓜꓴꓻ ꓗꓪ ꓟ ꓔꓲꓺ ꓒꓽ Alfredo Cremonesi ꓔꓯ 10 ꓦ ꓟ 19 ꓠꓬꓲ 2019 ꓠ-ꓛꓳ-ꓠꓬꓲ ꓕꓯ ꓲ-ꓔ-ꓡꓲ ꓖꓴ ꓪꓴꓸ Lombardy ꓗꓪ ꓟ ꓬꓲꓸ ꓔꓯ ꓦꓵꓻ ꓗꓷ ꓟ ꓟꓵꓽ Crema ꓢ-ꓢꓶ-ꓠ ꓗꓪ ꓟꓲ-ꓢꓮ (ꓪꓽ ꓘꓴˍ ꓟ) ꓐꓰ ꓬꓲꓸ ꓔꓯ ꓙꓲꓻ ꓫꓬ ꓢꓴ ꓐꓰ ꓚꓰꓹ ꓖꓶꓽˍ ꓟ ꓑꓮꓲ ꓔꓯ ꓬꓰ ꓗꓷꓳ=

Alfredo Cremonesi ꓠꓬ 1952 ꓘꓳꓼ 11 ꓦ 10ꓠꓬꓲ ꓕꓯ ꓾ ꓟꓬ-ꓟ ꓗꓴꓷꓼ ꓗꓪ   ꓪꓴ-ꓢ ꓟꓬꓱꓽ ꓬꓰ ꓓꓴ ꓐꓯ ꓢꓲ ꓛꓲꓺ ꓡ ꓗꓷꓳ=ꓖꓳ ꓕꓯ ꓔꓲꓺ ꓒ ꓠꓬ 23 ꓘꓳꓼ ꓡꓰꓽ ꓙꓳˍ ꓢꓰꓼ ꓡꓳ=

2 ꓧꓪꓹ ꓕꓲꓽ ꓧꓪꓹ ꓟ ꓟꓲꓺ ꓠꓯꓺ ꓢꓰꓼ ꓡꓯꓽ ꓘꓳꓹ ꓟ ꓡꓳꓹ ꓬꓰ ꓗꓸ ꓠꓯꓸ ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓢꓰꓼ ꓡꓯꓽ ꓘꓳ ꓔꓬ ꓕꓯ ꓾ ꓪꓴ-ꓢ ꓟꓬꓱꓽ ꓬꓰ ꓠꓲꓹ ꓡꓶꓽ ꓮꓽ ꓘꓶꓸ ꓙꓳˍ ꓟ ꓔꓲꓺ ꓒꓽ Cremonesi ꓠꓬ ꓘꓴ-ꓜꓲ-ꓞꓳ ꓢꓲꓺ ꓤ ꓐꓴ ꓐꓰ ꓕꓲꓽ ꓪꓺꓽ ꓫꓸ ꓙꓵ ꓓꓴ ꓮ ꓟꓬꓹ ꓔꓯ ꓘꓳꓹ ꓣꓴ ꓗꓷ ꓢꓲ ꓬꓲꓸ ꓮ ꓣꓳ ꓜꓴꓻ ꓐꓰ ꓕꓲꓽ ꓪꓺꓽ ꓔꓬꓹ ꓗꓷꓳ=

1953 ꓘꓳꓼ 2 ꓦ ꓟ 7ꓠꓬꓲ ꓕꓯ꓾ ꓗ-ꓬꓲꓥ ꓡꓽ-ꓛꓬꓴꓸ ꓔꓯꓹ ꓢꓴ ꓐꓴ ꓔꓯ ꓢꓰꓼ ꓓꓴ ꓐꓰ ꓡˍ ꓟ ꓡꓳꓽ-ꓟꓲ ꓟꓯꓼ ꓜꓴꓻ ꓐꓴ ꓠꓬ Cremonesi ꓟꓬꓱꓽ ꓬꓰ ꓔꓬ ꓟ ꓗ-ꓬꓲꓥ ꓞꓳ ꓫꓵꓽ ꓐꓴ ꓔꓬ ꓟ Donoku ꓢ-ꓢꓶ-ꓠ ꓗꓪ ꓛꓲꓺ ꓡ ꓢꓲ꓾ꓔꓲꓺ ꓒꓽ ꓐꓰ ꓘꓹ ꓗꓪ ꓔꓬ ꓢꓴ ꓐꓴ ꓔꓯ ꓾ ꓗ-ꓬꓲꓥ ꓡꓽ-ꓛꓬꓴꓸ ꓔꓯꓹ ꓢꓴ ꓐꓴ ꓔꓯ ꓔꓳꓹ ꓙ ꓢꓴ ꓐꓰ ꓐꓯ ꓗꓷ ꓢꓲ꓾ ꓔꓲꓺ ꓒꓽ ꓐꓰ ꓕꓲꓽ ꓪꓺꓽ ꓘꓹ ꓗꓪ ꓟ ꓞꓳ-ꓪꓴꓽ ꓐꓰ ꓤ ꓟꓶ ꓤ ꓠꓬꓲ ꓣꓳ ꓔꓯ ꓡꓽ-ꓛꓬꓴꓸ ꓐꓰ ꓐꓶꓻ ꓢꓰꓼ ꓗꓷꓳ=ꓪꓴ-ꓢ ꓟꓬꓱꓽ ꓣꓱꓽˍ ꓟ ꓗꓪ ꓠꓲꓹ ꓟ ꓮꓽ ꓘꓶꓸ ꓙꓳˍ ꓟ ꓔꓲꓺ ꓒꓽ Alfredo Cremonesi ꓠꓬ ꓙꓲˍ ꓟ ꓮ ꓣꓳ ꓡꓳꓸ ꓒꓽ ꓕꓲꓽ ꓣꓳ ꓡꓰ ꓐꓰ ꓪꓴ-ꓢ ꓟꓬꓱꓽ ꓔꓯ ꓟꓯꓻ ꓢꓲ ꓪꓴ-ꓢ ꓐꓱ ꓶꓼ꓾ ꓘꓴ-ꓜꓲ-ꓞꓳ ꓐꓱ ꓶꓼ ꓾ ꓚꓲꓸ ꓛꓬꓽ ꓮ ꓣꓳ ꓜꓴꓻ ꓐꓱ ꓶ ꓚꓲꓸ ꓛꓬꓽ ꓤꓶ ꓔꓯ ꓡꓯꓼ ꓙꓱꓻ ꓖꓶꓽ ꓗꓷ ꓢꓲ ꓾ ꓪꓴ-ꓢ ꓟꓬꓱꓽ ꓔꓯ ꓣꓱꓽ ꓬꓰ ꓢꓴ ꓕꓲꓽ ꓣꓳ ꓥ ꓡꓳ=

Credit to Vatican News

https://bit.ly/35J35f3