ꓢꓲ ꓫꓬ ꓢꓴ ꓐꓴ ꓡꓰ ꓐꓰ ꓢꓲ ꓡꓲꓹ ꓗꓹ ꓛꓲ_ ꓟ ꓔꓯ ꓖꓶ ꓢꓴ ꓢꓯꓼ ꓕꓵꓼ ꓡꓯ꓾

• ꓢꓲ ꓫꓬ ꓢꓴ ꓐꓴ ꓡꓰ ꓐꓰ ꓢꓲ ꓡꓲꓹ ꓗꓹ ꓛꓲ_ ꓟ ꓔꓯ ꓖꓶ ꓢꓴ ꓢꓯꓼ ꓕꓵꓼ ꓡꓯ꓾

ꓢꓲ ꓫꓬ ꓢꓴ ꓑꓮꓲ ꓦꓬꓼ ꓠꓬꓲ ꓗꓪ ꓔꓲꓺ ꓒ ꓪ ꓔꓲ ꓡꓰ ꓢꓲ ꓫꓬ ꓢꓴ ꓐꓴ ꓡꓰ ꓐꓰ ꓫꓱꓸ ꓤ ꓟ꓾ ꓠꓵ ꓠꓲꓹ꓾ ꓔꓱ_ ꓟ ꓗꓪ ꓐꓰ ꓢꓲ ꓡꓲꓹ ꓗꓹ ꓛꓲ_ ꓟ ꓔꓯ ꓧꓳꓽ ꓔꓯ_ ꓢꓴ ꓗꓷ ꓡꓰ ꓠꓹ ꓟ ꓢꓯꓼ ꓖꓶ_ ꓡꓳ= ꓢꓲ ꓫꓬ ꓢꓴ ꓐꓴ ꓮ ꓙꓵꓽ ꓠꓬ ꓐꓲ ꓐꓲ ꓜꓲꓼ ꓜꓲꓼ ꓐꓰ ꓬꓲ ꓪ ꓤꓶꓻ ꓗꓪ ꓔꓬ ꓡꓳ ꓫꓵ ꓟꓽ ꓥ꓾ ꓬꓲ ꓪ ꓠꓬ ꓘꓶ ꓡꓶ ꓗꓽ ꓕ ꓓꓴ ꓮ ꓟꓬꓹ ꓔꓯ ꓒꓳꓹ ꓔꓴ ꓢꓲ ꓔꓬ ꓟ ꓥꓳ=

ꓢꓲ ꓡꓲꓹ ꓗꓹ ꓛꓲ ꓟ ꓖꓶ ꓢꓴ ꓠꓬ ꓶꓼ ꓙꓳ ꓫꓱꓸ ꓙꓳ ꓟ ꓥꓳ= ꓬꓰ-ꓢꓴ ꓡꓰ ꓔꓯ_ ꓡ_ ꓟ ꓢꓲ ꓡꓲꓹ ꓗꓹ ꓛꓲ ꓟ ꓠꓬ ꓣꓳ ꓓꓵꓽ ꓙ_ ꓟ ꓢꓲ ꓡꓲꓹ ꓗꓹ ꓛꓲ_ ꓟ ꓐꓰ ꓛꓸ ꓔ ꓟ ꓥꓳ= ꓢꓲ ꓡꓲꓹ ꓗꓹ ꓛꓲ ꓟ ꓬꓲꓸ ꓟꓸ ꓟꓲꓽ ꓔꓯ ꓠꓱꓸ ꓐꓯꓼ ꓡꓰ ꓘꓶ ꓡꓶ ꓓꓴ ꓟꓽ ꓙꓳ ꓕꓲ ꓣꓳ ꓡꓰ ꓔꓬ ꓟ ꓕꓱ ꓡꓱ ꓓꓵꓽ ꓙ_ ꓟ ꓥꓳ= ꓖꓳ ꓡꓱ ꓐꓯ ꓥ ꓟꓲ ꓬꓰ-ꓢꓴ ꓡꓰ ꓐꓯ ꓔ ꓟ ꓠꓬ ꓫꓱꓸ ꓤ ꓠꓵ ꓠꓲꓹ꓾ ꓔꓱ_ ꓟ ꓐꓰ ꓢꓲ ꓡꓲꓹ ꓗꓹ ꓛꓲ ꓟ ꓔꓯ ꓫꓬꓹ ꓠꓹ ꓟ ꓢꓯꓼ ꓖꓶ_ ꓟ ꓥꓳ= ꓢꓲ ꓡꓲ ꓟ ꓫꓵꓸ ꓔ ꓟ ꓚꓱꓹ ꓔꓯ ꓢꓲ ꓫꓬ ꓕꓳ ꓶ ꓗꓪ ꓐꓯ ꓔ ꓟ ꓥꓳ=  

ꓬꓰ-ꓢꓴ ꓤꓶꓻ ꓐꓰ ꓢꓲ ꓫꓬ ꓢꓴ ꓐꓴ ꓡꓰ ꓙꓲ_ ꓟ ꓢꓲꓹ ꓪꓰ ꓢꓶꓸ ꓢꓶ ꓓꓱꓼ ꓡ ꓠꓹ ꓟ ꓢꓲ ꓡꓲ ꓟ ꓫꓵꓸ ꓠꓬ ꓧꓶꓸ ꓕꓯ ꓫꓵꓻ ꓡ ꓗꓹ ꓡꓳ ꓐꓰ ꓟꓸ ꓖꓶ ꓟ ꓥꓳ= ꓢꓲ ꓡꓲꓹ ꓗꓹ ꓛꓲ ꓟ ꓠꓬ ꓮ ꓕꓯ ꓥ ꓟꓲ ꓠꓱꓸ ꓐꓯꓼ ꓔꓯ ꓧꓪꓸ ꓠꓹ ꓟ ꓜꓲ ꓜꓲ ꓟꓴ ꓟꓴ ꓟꓽ ꓬꓰ꓾ ꓑꓳꓺ ꓡꓽ ꓛꓴꓸ ꓟꓽ ꓣꓱ_ ꓟ ꓥꓳ= ꓢꓲ ꓡꓲꓹ ꓗꓹ ꓛꓲ ꓟ ꓖꓶ ꓢꓴ ꓒꓬꓱꓼ ꓡ ꓠꓹ ꓟ ꓓꓽ ꓪꓴꓸ ꓠꓬ ꓬꓰ-ꓢꓴ ꓔꓯ ꓣꓳ ꓠꓲꓹ ꓟ ꓒꓵ ꓖꓶ ꓠꓹ ꓟ꓾ ꓬꓲ ꓡꓯꓼ ꓐꓳ ꓔꓶꓸ ꓓꓴ ꓟꓲ ꓙꓬ ꓗꓪ ꓝꓴꓲ ꓣꓷꓠꓸ ꓠꓹ ꓟ ꓥ ꓡꓳ= ꓢꓲ ꓫꓬ ꓢꓴ ꓐꓴ ꓢꓲ ꓡꓲꓹ ꓟ ꓔꓯ ꓢꓴ ꓐꓴ ꓠꓬ ꓪꓴ-ꓢ ꓡꓰ ꓶꓼ ꓤ ꓫꓱꓸ ꓤ ꓖꓶ ꓔ ꓟ ꓥꓳ=

ꓠꓱꓸ ꓐꓯꓼ ꓢꓴ ꓔꓯ ꓬꓰ ꓙ_ ꓟ꓾ ꓟꓽ ꓔꓱ_ ꓟ ꓔꓯ ꓔꓱꓹ ꓜꓳ ꓠꓹ ꓟ ꓬꓰ ꓖꓶ_ ꓟ꓾ ꓝꓴꓲ ꓖꓽ ꓖꓶ ꓖꓶ_ ꓟ ꓐꓰ ꓢꓲ ꓡꓲ ꓟ ꓔꓯ ꓫꓬꓹ ꓠꓹ ꓟ ꓢꓯꓼ ꓕꓵꓼ ꓟ ꓥꓳ= ꓢꓲ ꓡꓲꓹ ꓗꓹ ꓛꓲ ꓟ ꓚꓱꓹ ꓗꓪ ꓙꓻ ꓫꓱ ꓢꓴ ꓠꓬ ꓟꓴ ꓗꓪ ꓗꓴꓷꓼ ꓗꓪ ꓐꓰ ꓶꓼ ꓤ ꓫꓱꓸ ꓤ ꓣꓱ ꓛꓰ ꓟꓶ ꓢꓲ꓾ ꓪꓴ-ꓢ ꓤ ꓠꓱ ꓐꓰ ꓘꓴ ꓟꓶ ꓡ ꓥꓳ= ꓟꓲ ꓠꓯ ꓗꓪ ꓬꓲ ꓪ ꓐꓱ ꓶ ꓬꓲꓸ ꓖ ꓟꓽ ꓙꓳ ꓥ ꓟꓲ ꓟꓴ ꓗꓪ ꓗꓴꓷꓼ ꓗꓪ ꓬꓲ ꓪ ꓠꓬ ꓪꓴ-ꓢ ꓐꓰ ꓠꓶꓽ ꓞꓹ ꓢꓴ ꓐꓴ ꓥ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ_ ꓡꓳ=