ꓪꓴ-ꓢ ꓚꓰꓼ ꓔꓸ ꓟ ꓮꓽ ꓙꓵꓽ ꓠꓬ ꓚꓵ ꓘꓶꓽ ꓓꓽ ꓥꓳ-ꓸ

ꓪꓴ-ꓢ ꓚꓰꓼ ꓔꓸ ꓟ ꓮꓽ ꓙꓵꓽ ꓠꓬ ꓚꓵ ꓘꓶꓽ ꓓꓽ ꓥꓳ-ꓸ

ꓬꓳ-ꓓ ꓡꓽ ꓞꓳ ꓐꓰ ꓬꓰ-ꓢꓴ ꓔꓯ ꓘꓴ ꓣꓴ ꓔꓬ ꓢꓴ ꓐꓴ ꓙꓵꓽ ꓔꓬˍ ꓟꓸꓸ ‘ꓚꓰꓼ ꓔꓸ ꓟ’  ꓐꓯꓼˍ ꓟ ꓠꓬ ꓣꓳꓽ ꓚꓳ ꓡꓳ ꓗꓪ ꓙꓳˍ ꓟ ꓕꓯꓽ ꓢꓲ ꓪ ꓜꓲ ꓬꓲꓸ ꓟꓸ ꓟꓲꓽ ꓙꓳˍ ꓟ ꓥꓳ= ꓖꓳ ꓟ ꓠꓬ ꓪꓴ-ꓢ ꓚꓰꓼ ꓔꓸ ꓟ ꓮꓽ ꓙꓵꓽ  ꓠꓵꓸꓸ ꓠꓲꓹ ꓐꓰ ꓐꓲ ꓞ ꓢꓲꓼ-ꓸꓒꓵꓽ ꓓꓰ ꓡꓰˍ ꓟ ꓪꓴꓸ ꓠꓬꓲ ꓥ ꓡꓳ= ꓣꓳꓽ ꓚꓳ ꓡꓳ ꓗꓪ ꓙꓳˍ ꓟ ꓠꓬ ꓣꓳꓽ ꓡꓰ ꓫꓬˍ ꓑꓱ ꓓꓼ ꓟ ꓥ ꓢꓲꓼ ꓢꓷꓸ ꓪ ꓓˍ ꓟ ꓚꓱ ꓙꓳ ꓔꓬ ꓡꓳ= ꓚꓰꓼ ꓔꓸ ꓟ ꓚꓱ ꓗꓪ ꓠꓬ ꓣꓳꓽ ꓐ-ꓐ ꓪꓴ-ꓢ ꓬꓲꓸꓡꓯꓼ ꓒꓯ ꓗꓪ ꓐꓰ ꓖꓶꓽ ꓡꓹ ꓟ ꓡꓯꓼ ꓫꓴ ꓥˍ ꓠꓬꓲ-ꓸ ꓣꓳꓽ ꓟꓲ-ꓠꓯ ꓡꓽ ꓞꓳ ꓕꓲꓽ ꓠꓲꓹ ꓕꓲ ꓪ ꓢꓯꓸ ꓔꓬ ꓠꓼ ꓟ ꓬꓲꓸ ꓡꓰꓽ ꓖꓶꓽ ꓔꓸ ꓟ ꓥꓳ ꓐꓰ ꓣꓳꓽ ꓢꓷꓸ ꓠ ꓗ ꓡꓳ=

ꓪꓴ-ꓢ ꓬꓲ ꓐꓯ ꓘꓶ: ꓡꓰ ꓟꓴ ꓗꓪ ꓔꓯ ꓚꓰꓼ ꓗꓷꓳ= ꓢꓲ ꓒ ꓬꓲ ꓕꓵꓼ ꓘꓶ ꓡꓰ ꓟꓲꓽ ꓟꓲ ꓦ ꓐ ꓗꓴ ꓤꓼ ꓔꓯ ꓚꓰꓼ ꓗꓷꓳ= (ꓟꓴꓽ ꓖꓪ 33ꓽ6) ꓐꓯꓹˍ ꓟ ꓠꓬ-ꓸ ꓟꓲ ꓠꓯ ꓕꓱ ꓟ ꓐꓰ ꓟꓲꓽ ꓟꓲ ꓦ ꓐ ꓗꓳ ꓤꓼ ꓠꓬ ꓬꓲꓸ ꓔꓴ ꓬꓲꓸ ꓒꓬꓳꓼ ꓡˍ ꓟ ꓟꓽ ꓥ -. ꓬꓲꓸ ꓢꓲ ꓒ ꓡꓰꓽ ꓙꓽ ꓖꓶꓽ ꓢꓲ ꓚꓰꓼ ꓔꓸ ꓟ ꓥ ꓡꓳ=

ꓚꓰꓼ ꓔꓸ ꓟ ꓮꓽ ꓙꓵꓽ ꓔꓯ ꓟꓲ ꓠꓯ ꓞꓳ ꓤ ꓡꓰꓽ ꓗꓪꓽ ꓫꓵꓽ ꓠꓹˍ ꓟ ꓢꓲ-ꓒ ꓡꓰ ꓡꓯꓼ ꓙꓱ ꓖꓶꓽ ꓡ ꓳ-ꓸ ꓖꓳ ꓟ ꓪꓴꓸ ꓠꓬꓲ ꓚꓰꓼ ꓔꓸ ꓟ ꓮ ꓙꓵꓽ ꓔꓯ ꓗꓪꓽ ꓫꓵꓽ ꓓꓴ ꓙꓵꓽ ꓪꓽ ꓙꓳˍ ꓟ  ꓣꓳꓽ ꓐꓴ ꓠꓬ ꓬꓲꓸ ꓡꓯꓼ ꓟꓲꓽ ꓔꓯꓸ ꓤꓶ ꓫꓵꓸꓸ ꓟꓬ ꓫꓵꓸꓸ ꓢꓲ ꓕꓲꓽ ꓤꓶ ꓐꓰ ꓕꓶꓽ ꓤꓶ ꓗꓹ ꓛꓲ ꓔꓬ ꓢ ꓠˍ ꓟ-ꓸ  ꓣꓳꓽ ꓐꓴˍ ꓗꓪ ꓶ ꓙꓳ ꓔꓸ ꓟ ꓥꓳ=

ꓢꓯꓸ ꓫꓵꓽ ꓢꓯꓸ ꓙꓵꓽ  ꓮꓽ ꓙꓵꓽ ꓐꓱ ꓶ ꓖꓶꓽ ꓔꓸ ꓟ ꓟꓲ ꓠꓯ ꓕꓱ ꓟ ꓠꓬ ꓬꓲꓸ ꓢꓲ-ꓒ ꓠꓵ ꓠꓲꓹ ꓔꓯ ꓢꓷꓹ ꓡꓰ ꓓꓴ ꓕꓲꓽ ꓟ ꓥ ꓡꓳ= 

ꓠꓬꓲꓸ ꓠꓬꓲ ꓟ ꓣꓳꓽ ꓤꓶ ꓦꓬꓼ ꓠꓬꓲ ꓗꓪ ꓠꓬ ꓪꓴ-ꓢ ꓡꓰꓽ ꓚꓰꓼ ꓖꓶꓽ ꓡˍ ꓟ ꓔꓯ ꓒꓬꓹ ꓢꓴ ꓪ ꓜꓲ ꓒꓬꓳꓼ ꓡ ꓔꓬ ꓡꓳ= ꓠꓴ ꓥꓹˍ ꓟꓲ ꓖꓳ ꓕꓲꓽ ꓒꓳꓸ ꓗꓪ ꓐ ꓔꓬˍ ꓡꓽ? ꓣꓳꓽ ꓐꓴ ꓓꓵꓽ ꓙ ꓠ ꓗ ꓡꓳ-ꓸ ꓮ ꓡꓰꓳ ꓐꓯ ꓠꓬ ꓦꓬꓼ ꓠꓬꓲ ꓟꓶꓽ ꓘꓳꓼ ꓠꓬ ꓡꓳꓸ ꓬꓰˍ ꓟ ꓤꓶꓽ ꓦꓬꓼ ꓠꓬꓲ ꓐꓰ ꓟ ꓫꓱꓸ ꓡꓰ ꓪ-ꓸ

Source: Lautado Si'