ꓦꓬꓼ ꓠꓬꓲ ꓟꓶꓽ ꓘꓳꓼ ꓐꓰ ꓟꓲ ꓠꓯ ꓐꓱ ꓶꓽ ꓪꓽ ꓘꓴ ꓠꓹ ꓟ ꓢꓷꓸ ꓙ ꓟꓳ ꓙ ꓘꓶꓽ

ꓢꓲ-ꓫꓬˍꓟ ꓟ-ꓡꓲ ꓔꓯ ꓒꓵꓽ ꓗˍ ꓬꓰ ꓟ ꓦ ꓐ ꓦꓬꓼ ꓠꓬꓲ ꓗꓪ ꓟꓶꓽ ꓘꓳꓼ ꓒꓳ ꓡꓶꓸ ꓔꓸ ꓟ ꓐꓰ ꓚꓳꓦꓲꓓ-19 ꓐꓱ ꓶꓽ ꓪꓽ ꓘꓴ ꓠꓼˍ ꓟ-ꓸ

ꓲꓠ-ꓓꓳ-ꓠꓲ-ꓫ ꓗꓴꓷꓼ ꓗꓪ ꓔꓬ ꓟ ꓗ-ꓕꓳ-ꓡꓲ ꓘꓴ ꓜꓲꓼ ꓞꓳ ꓐꓴ ꓠꓬ ꓟꓲ ꓠꓯ ꓕꓲꓽ ꓗꓴꓷꓼ ꓡꓱꓼ ꓐꓱ ꓶ ꓪꓽ ꓘꓴ ꓙ ꓔꓬ ꓡꓳ= ꓠꓬꓲꓸ ꓠꓬꓲ ꓟ ꓦꓬꓼ ꓠꓬꓲ ꓟꓲ ꓠꓯ ꓗꓴꓷꓼ ꓮꓽ ꓙꓵꓽ ꓠꓯꓼ ꓗꓪ ꓔꓳꓸ ꓜꓳꓽ ꓔꓬ ꓟ ꓠꓸꓹ ꓫꓵꓽ ꓐꓰ ꓫꓸ ꓙꓵ ꓓꓴ ꓔꓳꓸ ꓜꓳꓽ ꓔꓬ ꓢꓴ ꓐꓱ ꓶ 2020 ꓘꓳꓼ 5 ꓦ ꓔꓯ ꓢꓲ-ꓫꓬˍ ꓟ ꓟꓸ ꓟ ꓟ-ꓡꓲ ꓗꓪ ꓐꓰ ꓬꓲꓸ ꓤꓽ ꓔꓲꓸ ꓬꓰ-ꓢꓴ ꓠꓯꓼ ꓗꓪ ꓪꓽ ꓘꓴ ꓙ ꓖꓶꓽ ꓠꓹˍ ꓟ ꓒꓵꓽ ꓗ ꓬꓰ ꓢꓲ ꓶꓽ ꓓꓰꓽ ꓙ ꓔꓬ ꓡꓳ= ꓲꓠ-ꓓꓳ-ꓠꓲ-ꓫ ꓗ-ꓕꓳ-ꓡꓲ ꓔꓲꓸꓹ ꓒꓽ ꓓꓽ ꓜꓴ ꓞꓽ ꓡ ꓙꓵꓽ Cadinal Ignatius Suharyo Hardjoatmodjo  ꓡꓰꓽ ꓪꓽ ꓘꓴ ꓦꓲ ꓓꓽ ꓗꓪ ꓐꓰ ꓪꓽ ꓘꓴ ꓢꓲꓼ ꓪꓴꓸ ꓔꓴ ꓖꓶꓽ ꓗꓷꓳ=

ꓪꓽ ꓟꓽ ꓘꓴ ꓢꓲ ꓟꓲꓽ ꓙꓬ ꓠꓬ ꓔꓲꓸꓹ ꓒꓽ ꓪ ꓔꓲꓸ ꓝꓣꓮꓠꓚꓲꓰꓢ ꓡꓰꓽ (2015ꓸ5ꓸ24 ꓠꓬꓲ ꓕꓯꓽ) ꓟꓳꓸ ꓖꓶꓽ ꓔꓸ ꓟ Lautado Si ꓕꓳ ꓶ ꓗꓪ ꓐꓳ ꓔꓸ ꓟ ꓟꓶꓽ ꓘꓳꓼ ꓐꓰ ꓦꓬꓼ ꓠꓬꓲ ꓒꓳꓹ ꓡꓶꓸ ꓔꓸ ꓟ ꓔꓯ ꓡꓳꓸ ꓠꓬꓲ ꓢꓲꓼ ꓗ-ꓕꓳ-ꓡꓲ ꓘꓴ ꓜꓲꓼ ꓞꓳ ꓢꓴ ꓮꓽ ꓙꓵꓽ ꓠꓬ ꓟꓲ ꓠꓯ ꓗꓴꓷꓼ ꓠꓲꓸ ꓛꓲꓼ ꓢꓲꓼ ꓦꓬꓼ ꓠꓬꓲ ꓟꓶꓽ ꓘꓳꓼ ꓜꓳꓽ ꓡ ꓠꓼˍ ꓟ ꓢꓯꓼ ꓕꓵꓼ ꓓꓴ ꓢꓷꓸ ꓙ ꓟꓳ ꓙ ꓖꓶꓽ ꓔꓸ ꓡꓳ=

ꓕꓱꓼˍ ꓠꓽ ꓗꓪ ꓣꓱꓽ ꓠꓼˍꓟ ꓠꓬ ꓬꓲꓸ ꓝꓲꓼ ꓠꓬ ꓙꓳꓸˍ ꓟ ꓮ ꓙꓵꓽ ꓕꓲꓽ ꓫꓵꓽ ꓐꓰ ꓕꓲꓽ ꓫꓵꓽ ꓠꓬ ꓝꓸ ꓡꓯꓼ ꓘꓳˍ ꓡꓳ=

ꓮ ꓡꓰꓳ ꓐꓯ ꓠꓬ ꓠꓬꓲꓸ ꓠꓬꓲ ꓟ ꓟꓲ ꓠꓯ ꓧꓪꓽ ꓖꓳ ꓓꓱ ꓐꓰ ꓫꓸ ꓢꓴ ꓟꓶꓽ ꓢꓴ ꓐꓴ ꓢꓯꓼ ꓓꓽ ꓟ ꓠꓬ ꓮꓽ ꓘꓶꓸ ꓑ ꓙꓽ ꓡꓰꓳ ꓐꓰ ꓔꓲꓸꓹ ꓒ” ꓪ ꓔꓲꓸ ꓡꓰꓽ ꓢꓷꓸ ꓙ ꓟꓳ ꓙ ꓔꓬ ꓡꓳ-ꓸ ꓖꓳ ꓟ ꓪꓴꓸ ꓠꓬꓲ ꓣꓳꓽ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓐꓰ ꓟꓸ ꓟ ꓟ-ꓡꓲ ꓠꓯꓼ ꓗꓪ ꓣꓳꓢꓰꓣꓬ ꓪꓽ ꓘꓴ ꓘꓶꓽ ꓡꓰꓽ ꓚꓳꓦꓲꓓ-19 ꓔꓯꓸ ꓥꓹˍ ꓟꓲ ꓧꓪꓸ ꓡꓰ ꓠꓹ ꓟ ꓝꓸ ꓢꓲꓼ ꓪꓽ ꓘꓴ ꓙ ꓡ ꓠꓹˍ ꓟ ꓓꓰꓽ ꓙ ꓓꓴ ꓬꓰ ꓡꓯ=

Source: Vatican NEWS