ꓟꓶꓽ ꓦ ꓓꓽ ꓦ ꓟ ꓑꓶ ꓓꓴ ꓪ-ꓣꓲ-ꓗꓮꓪ-ꓘꓴ ꓞꓳ ꓘꓹ ꓗꓪ ꓔꓬ ꓦꓲꓻ 30 ꓛꓲ ꓐꓰ ꓜ ꓦ ꓟꓲ ꓬꓲꓻ ꓙꓬ ꓟꓶꓸ ꓡꓰ ꓟ꓾

Thursday, September 07, 2023

ꓟꓶꓽ ꓦ ꓓꓽ ꓦ ꓟ ꓑꓶ ꓓꓴ ꓪ-ꓣꓲ-ꓗꓮꓪ-ꓘꓴ ꓞꓳ ꓘꓹ ꓗꓪ ꓔꓬ ꓦꓲꓻ 30 ꓛꓲ ꓐꓰ ꓜ ꓦ ꓟꓲ ꓬꓲꓻ ꓙꓬ ꓟꓶꓸ ꓡꓰ ꓟ꓾

ꓢꓧꓮꓠ꓾ ꓗ-ꓬ ꓟꓵꓽ ꓫꓸ ꓗ꓾ ꓪ-ꓣꓲ-ꓗꓮꓪ-ꓘꓴ ꓞꓳ ꓘꓹ ꓗꓪ 9 ꓦ 4 ꓠꓬꓲ ꓗꓪ ꓐꓰ 6 ꓠꓬꓲ ꓗꓪ ꓛꓲ ꓟꓶꓽ ꓦ ꓠꓬ ꓟꓽ ꓠ ꓠ ꓜꓯꓼ ꓡꓰ ꓟ ꓑꓶ ꓓꓴ ꓬꓲꓻ ꓙꓬ ꓙꓵꓽ ꓢꓲ꓾ ꓔꓬ ꓦꓲꓻ 30 ꓦꓲ ꓟꓽ ꓞꓲ ꓐꓰ ꓫ ꓓ_ ꓟ ꓜ ꓦ ꓟꓲ ꓟꓶꓸ ꓡꓰꓳ ꓐꓰ ꓢꓷꓸ ꓪ ꓡꓳ=

3 ꓦꓬꓼ ꓛꓲ ꓟꓶꓽ ꓦ ꓦ ꓡ ꓟ ꓥꓳ꓾ ꓟꓲ ꓠꓯ ꓚꓰꓹ ꓟ ꓗꓪ ꓔꓬ ꓟ ꓔꓬ ꓦꓲꓻ 30 ꓐꓰ ꓜ ꓦ ꓟꓲ ꓬꓲꓻ ꓙꓬ ꓟꓶꓸ ꓡꓰ ꓢꓲ꓾ ꓜ ꓫ ꓟꓽ ꓙꓲ ꓟ ꓦ ꓟꓲ ꓠꓬ 6 ꓲ-ꓗ ꓛꓲ ꓙꓳ_ ꓡꓳ ꓐꓰ ꓞꓳ ꓘꓹ ꓕꓲ ꓣꓳ ꓡꓰ ꓐꓯ ꓔ ꓡꓳ=

1 ꓲ-ꓗ ꓟ ꓔꓯ 5 ꓫꓬꓹ 10 ꓫꓬꓹ ꓛꓲ ꓖꓴ ꓡꓰ ꓠ ꓬꓰ ꓦ ꓟ ꓥꓳ꓾ ꓮ ꓟꓶ ꓡꓰ ꓐꓰ ꓗꓷ ꓡꓰ ꓠꓬ ꓬꓲ ꓪ ꓐꓱ ꓶ ꓞꓳꓸ ꓡꓰ ꓢꓲ꓾ ꓜ ꓓꓴ ꓓꓳ ꓓꓴ ꓐꓱ ꓶ ꓫꓸ ꓓꓴ ꓔꓳꓹ ꓜꓳ ꓔꓬ ꓟ ꓥꓳ ꓐꓰ ꓐꓯ ꓔ ꓡꓳ= ꓝꓮꓲ ꓖꓳ ꓗꓪ ꓔꓬ ꓢꓴ ꓠꓬ ꓜ ꓦ ꓟꓲ ꓔꓯ ꓡꓰ ꓟꓬ ꓠꓬꓲ ꓬꓰ ꓜ ꓔꓬ ꓟ ꓔꓯ ꓥ ꓟꓲ ꓢꓷꓸ ꓪ ꓡꓳ=