ꓒ-ꓡꓲ-ꓢꓷ ꓐꓴ ꓮ ꓡꓲ ꓗ_ ꓟ

Wednesday, September 16, 2020

ꓢꓲꓺ ꓒ ꓝꓮꓲ ꓐꓯ_ ꓡꓳ꓾ ꓕꓱ ꓡꓱ ꓥ ꓠꓬ ꓕꓱ ꓕꓲ ꓤꓶꓻ ꓟ ꓡ ꓞꓳ ꓔꓯ ꓥꓪ ꓮ ꓫꓵꓽ ꓡꓰ ꓔꓯꓺ ꓠꓯ_ ꓡꓳꓺꓽ꓿ ꓬꓲ ꓪ ꓮ ꓫꓵꓽ_ ꓡꓰ ꓐꓰ ꓗ_ ꓡꓳꓺꓽ꓿ ꓬꓲ ꓪ ꓠꓬ ꓤ ꓠꓱ ꓤ_ ꓡꓰ ꓐꓰ ꓙꓵꓺ ꓗꓪ ꓠꓬꓲꓸ ꓠꓸ ꓢꓲ꓾ ꓬꓲ ꓪ ꓛꓳ ꓬꓲ ꓪ ꓘꓴꓻ ꓡꓯ ꓘꓳ ꓢꓲ ꓠꓬꓲ꓾ ꓥꓪ ꓠꓴꓽ ꓠꓴ ꓪ ꓔꓯ ꓙꓵꓽ ꓡꓵꓽ ꓟꓵꓺ ꓖꓶ_ ꓠꓬ꓾ ꓠꓴ ꓪ ꓗꓪꓺ ꓟꓽ ꓛꓰꓹ ꓡꓻꓳ꓿ ꓥꓪ ꓠꓴꓽ ꓠꓴ ꓪ ꓐꓱ ꓶ ꓥꓴ_ ꓠꓬ꓾ ꓠꓴ ꓪ ꓮꓸ ꓛꓬ ꓟꓽ ꓙꓱ ꓡꓻꓳ꓾ ꓐꓰ ꓘꓴ ꓔꓬ_ ꓟ ꓤ ꓠꓱ ꓤ_ ꓡꓰ ꓐꓰ ꓗ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓖꓳ ꓓꓱ ꓔꓲꓹ ꓖꓶ ꓢꓴ ꓬꓳ-ꓦ ꓠꓬ ꓜ_ ꓟꓲ ꓟꓽ ꓜꓽ꓾ ꓛꓱꓼ ꓡꓱ ꓙꓵ_ ꓟꓲ ꓟꓽ ꓓꓳꓻ ꓐꓰ ꓡ ꓠꓬ꓾ ꓠꓴ ꓪ ꓠꓽ ꓬꓲ ꓔꓯ ꓠꓲꓽ ꓕꓲ ꓟ ꓓꓯꓹ_ ꓡꓳ꓾ ꓐꓯ_ ꓡꓳ꓿ ꓡ ꓞꓳ ꓮ ꓐꓲ ꓜꓽ ꓠꓬꓲ ꓓꓳꓻ ꓠꓬꓲ ꓐꓰ ꓡ ꓠꓬ꓾ ꓠꓴ ꓪ ꓠꓽ꓾ ꓠꓬꓲ ꓠꓹ꓾ ꓜꓽ ꓓꓴ_ ꓐꓰ ꓛꓱꓼ ꓡꓱ ꓙꓵꓻ ꓗꓪꓸ ꓢꓴ ꓥ ꓢꓲ꓾ ꓝꓲꓸ ꓫ ꓢꓴ_ ꓐꓰ ꓝꓴꓲ ꓙꓳ ꓢꓴ ꓗꓪ ꓛꓳ ꓥ ꓡꓳ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬꓲ ꓙ ꓗꓴ ꓠꓲꓹ ꓤ ꓠꓱ ꓐꓴ ꓡꓰ ꓙꓽ ꓗꓴ ꓠꓲꓹ ꓔꓯ ꓜꓳꓽ_ ꓟ ꓚꓬꓹ ꓔ_ ꓡꓳ꓾ ꓐꓯ_ ꓡꓳ꓿ ꓡꓴ-ꓘ 7ꓽ31-35